આદુમાંથી બનાવો આ 3 ડ્રિંક્સ:પાંચ મિનિટમાં બની જશે આદુની ચા, આદુવાળું દૂધ અને પાણી બનાવવાનું પણ સરળ છે, તે શરદી-ઉધરસથી બચાવશે અને વજન ઘટાડવામાં પણ અસરકારક છે

આમ તો આદુનો ઉપયોગ દરેક સિઝનમાં કરવામાં આવે છે. પરંતુ આ સિઝનમાં થતી શરદી-ઉધરસ જેવા ઈન્ફેક્શનથી બચાવવામાં તે મદદ કરે છે. તમે તમારી પસંદ અનુસાર, આદુની ચા, તેનાથી બનાવવામાં આવેલું દૂધ અથવા આદુનું પાણી પણ પી શકો છો. તેને બનાવવામાં સમય પણ ઓછો લાગે છે. તે તમને સ્વસ્થ રાખવામાં પણ મદદગાર છે.

આદુથી બોડીની ઈમ્યુનિટી વધે છે. તે શરદી-ઉધરસથી બચાવે છે. તેમાં રહેલા એન્ટિ ઈન્ફ્લેમેટરી અને એન્ટિમાઇક્રોબાયલ ગુણ લિવરનો સોજો દૂર કરવામાં મદદ કરે છે.

આદુની સાથે લસણ પણ ખાવું. આ બંનેમાં એન્ટિ ઈન્ફલેમેટરી ગુણધર્મો હોય છે. તે સાંધાના દુખાવાથી બચાવે છે. તેમાં કોલેસ્ટેરોલ નથી હોતું. તે હાર્ટની બીમારીઓથી બચાવવામાં પણ મદદગાર છે.

જો તમને ગળામાં બળતરા થતી હોય તો રાત્રે સૂતા પહેલા આદુવાળું દૂધ પીવું અને તેના એક કલાક સુધી પાણી ન પીવું. તે શરદીની અસરથી બચાવવામાં પણ અસરકારક છે.