ગૌરવ:ગુગલ કરીને મંજિલ મળી, નિષ્ઠા ડુડેજાએ ‘મિસ ડેફ એશિયા 2018’નો ખિતાભ જીતીને દેશનું નામ રોશન કર્યું

નિશા સિન્હા14 દિવસ પહેલા
  • કૉપી લિંક
  • આત્મવિશ્વાસથી ભરપૂર આ યુવતી
  • તે જ્યારે 5 વર્ષની હતી, તો તેને જુડો રમવાનું શરૂ કર્યું હતું. તેના માટે તેને રાજ્ય અને રાષ્ટ્રીય સ્તરે ઘણા મેડલ મળ્યા હતા

લાંબા સમય સુધી ચેટિંગ ચાલ્યું. સંપૂર્ણ ઈન્ટરવ્યુ મેસેન્જરની મદદથી થયું. મારા પ્રશ્ન એક અથવા બે લાઈનના હોય છે અને તેમના જવાબ લાંબા-લાંબા. મને એ વાતથી તકલીફ થઈ રહી હતી કે, તે મારી પાસેથી લાંબા લાંબા જવાબો લખતી રહી. એક વખત પણ એવું ન કહ્યું કે તમારી કુલ કેટલા સવાલ છે. તમને થતું હશે કે સામસામે બેસીને અથવા ફોન પર આ ઈન્ટરવ્યુ કેમ ન થઈ શક્યું.

હકીકતમાં આજે જે સાહસી યુવતીની કહાની 'યે મેં હૂં'માં જણાવવામાં આવી રહી છે તે બાળપણથી જ સાંભળી નથી શકતી, પરંતુ આ વિચારીને તેના પર દયા ખાવાની જરૂર નથી, કેમ કે તે ‘મિસ ડેફ એશિયા 2018’નો ખિતાબ જીતીને દેશનું નામ રોશન કરી ચૂકી છે. આત્મવિશ્વાસથી ભરપૂર આ યુવતી નિષ્ઠા ડુડેજા છે.

ઉફ એ અદા
ઉફ એ અદા

ટેબલ ટેનિસની ખેલાડી રહી ચૂકી છે નિષ્ઠા
નિષ્ઠા જણાવે છે કે, હું એક પ્રોફેશનલ ટેનિસ ખેલાડી રહી ચૂકી છું. હું લગભગ 10 વર્ષથી ટેનિસ રમું છું. ટેનિસ મારો શોખ છે. પરંતુ વર્ષ 2016માં મારા જડબામાં દુખાવો થવા લાગ્યો, તો ડૉક્ટરે ટેનિસ છોડવાનું કહ્યું. આ સાંભળીને હું ઘણી દુઃખી થઈ ગઈ. મમ્મી-પપ્પા બાદ ટેનિસ જ મારો બેસ્ટ ફ્રેન્ડ હતો. પરંતુ મેં હાર ન માની.

મેં વિચાર્યું હવે પહેલા કરતાં કંઈક અલગ અને તુફાની કરીશ. ત્યારે મને યાદ આવ્યું કે, થોડા મહિના પહેલા મારી એક મિત્રની મિત્ર મિસ ઈન્ડિયા બ્લાઈન્ડ બની હતી. મેં વિચાર્યું કે કદાચ મિસ ઈન્ડિયા ડેફ પણ થતું હશે. ગુગલ કરીને મને મારી મંજિલ મળી ગઈ. મેં મિસ ઈન્ડિયા ડેફ 2018માં ભાગ લીઘો અને સફળ થઈ.

મહેનત રંગ લાવી.
મહેનત રંગ લાવી.

જુડો, ટેનિસ, બ્યુટી બધામાં નંબર વન
અલબત્ત, નિષ્ઠા તેની સિદ્ધિઓને તેના મોંથી ગણાવી શકતી નથી, પરંતુ આ લાબું લિસ્ટ તમને આશ્ચર્યચકિત કરી દેશે. તે જ્યારે 5 વર્ષની હતી, તો તેને જુડો રમવાનું શરૂ કર્યું હતું. તેના માટે તેને રાજ્ય અને રાષ્ટ્રીય સ્તરે ઘણા મેડલ મળ્યા હતા. તે 7 વર્ષ સુધી જુડો રમતી રહી. હવે 12 વર્ષની થઈ તો ટેનિસ રમવાનું શરૂ કર્યું. સ્કૂલ અને કોલેજમાં ટેનિસ ટીમની કેપ્ટન રહી હતી.

તેને ઘણી મેચ રમી. તે જણાવે છે કે, મેં પણ 3 વખત ભારતનું પ્રતિનિધિત્વ કર્યું છે. વર્ષ 2013માં બલ્ગેરિયામાં યોજાનાર ઓલિમ્પિક્સ ફોર ડેફમાં, 2015માં વર્લ્ડ ડેફ ટેનિસ ચેમ્પિયનશિપ અને 2017માં તુર્કીમાં ડેફઓલિમ્પિક્સ મિસ એન્ડ મિસ્ટર ડેફ વર્લ્ડ પેજન્ટના 18 વર્ષના ઈતિહાસમાં પહેલી વખત કોઈ ભારતીયે ટાઈટલ જીત્યું. આ સ્પર્ધા 2001માં શરૂ થઈ હતી.

મોડેલિંગમાં નામ કમાવ્યું
મોડેલિંગમાં નામ કમાવ્યું

સુધા મુર્તિ, રતન ટાટા, અને રાહુલ દ્રવિટની ફેન છે નિષ્ઠા
મિસ ડેફ ઈન્ડિયા પેજેન્ટના સમયે મને સાઈન લેન્ગવેજ નહોતી આવડતી. જ્યારે તે કોમ્પિટિશનમાં સામેલ બાકીની છોકરીઓને તેનું જ્ઞાન હતું. ફિનાલેના દિવસે મેં વિચાર્યું કે જે થશે એ જોયું જશે. પરંતુ હું સફળ રહી.

આજે નિષ્ઠાની સફળતા જોઈને ઘણા ડેફ બાળકોના પેરેન્ટ્સમાં પોતાના બાળકો માટે આશા જાગી છે. નિષ્ઠા જણાવે છે કે, તેને લાગે છે કે તેમના બાળકો પણ દુનિયાની સામે સફળ બની શકે છે. વર્ષ 2018માં જ તેને ભારતના ઉપરાષ્ટ્રપતિની તરફથી રોલ મોડેલ કેટેગરીમાં ડિસેબિલિટી એમ્પાવરમેન્ટનો નેશન એવોર્ડ મળ્યો. નિષ્ઠાનું કહેવું છે કે મારી ઉપર દયા રાખે તેવા લોકો મને પસંદ નથી. મારા પેરેન્ટ્સે મને સામાન્ય વ્યક્તિની જેમ મારો ઉછેર કર્યો છે.

અનેક પડકારોનો સામનો કર્યો.
અનેક પડકારોનો સામનો કર્યો.

પડકારોનો સામનો કર્યો
એવું નથી કે નિષ્ઠા માટે સફર સરળ હતી. સ્કૂલમાં કેટલાક બાળકો તેની મજાક ઉડાવતા પરંતુ તેના પેરેન્ટ્સે શીખવાડ્યું કે બીજા બાળકો અને તેનામાં માત્ર એટલો જ ફરક છે કે તે કાનોમાં ‘હેયરિંગ એડ’લગાવે છે અને બીજા નથી લગાવતા. તેના માતા-પિતાએ તેને જણાવ્યું કે, પડકારોનો હંમેશાંથી હિંમતપૂર્વક સામનો કરવો. તે કબૂલ કરે છે કે કિશોરાવસ્થામાં મારા મગજમાં ઘણી નકારાત્મક બાબતો હતી. હું ઘણું દબાણ મહેસૂસ કરવા લાગી. મને લાગ્યું કે ક્યાંક હું ડિપ્રેશનમાં ન જતી રહું. પરંતુ મેં મારી જાતને સંભાળી અને જીવનના સકારાત્મક પાસાને જોઈને મેં મારી જર્ની ચાલુ રાખી અને સફળ થઈ.