• Gujarati News
  • Lifestyle
  • After Receiving The International Award, The Fanatics Spoke, Brought The Country Into Disrepute

હિન્દૂ છોકરીઓના અપહરણ પર બનેલી પાકિસ્તાની ફિલ્મને એવોર્ડ:ઇન્ટરનેશનલ એવોર્ડ મળવાથી કટ્ટરપંથી બોલ્યા, દેશને બદનામ કરી દીધો

એક મહિનો પહેલા
  • કૉપી લિંક

આપણે જોતા જ હોય છે કે, પાકિસ્તાનમાં હિન્દૂ અને શીખ યુવતીઓનું અપહરણ કરીને અને જબરદસ્તી ધર્મ પરિવર્તનની ઘટનાઓ વારંવાર સામે આવે છે, આ મામલે ભારત સહિત દુનિયાભરના દેશોએ અવાજ ઉઠાવ્યો છે. પરંતુ હવે એક પાકિસ્તાની ફિલ્મ મેકરે આ નરકની વાસ્તવિકતા જણાવી છે. સિંધની હિંદુ છોકરીઓના અપહરણ અને બળજબરીથી લગ્ન પરની તેમની ફિલ્મને પ્રતિષ્ઠિત 'કાન્સ વર્લ્ડ ફિલ્મ ફેસ્ટિવલ'માં 'શ્રેષ્ઠ ફિલ્મ'નો એવોર્ડ મળ્યો છે.

સિંધની ચાર છોકરીઓની રિયલ લાઈફ સ્ટોરી છે આ ફિલ્મ
આ ફિલ્મ 'ધ લુઝિંગ સાઈડ' સિંધની 4 હિંદુ યુવતીઓની રિયલ લાઈફ સ્ટોરી પર આધારિત છે. અપહરણ કર્યા બાદ તેના બળજબરીથી મુસ્લિમ વ્યક્તિ સાથે લગ્ન કરાવવામાં આવ્યા હતા. આ ફિલ્મને 'હ્યુમન રાઈટ્સ' કેટેગરીમાં બેસ્ટ ફિલ્મનો એવોર્ડ મળ્યો છે. ફિલ્મના નિર્દેશક જાવેદ શરીફ પોતે પણ પાકિસ્તાની છે. આ પહેલાં પણ ફિલ્મને ઘણા વધુ એવોર્ડ મળ્યા છે.

પાકિસ્તાનમાં ક્યાંક ખુશી તો ક્યાંક ગમનો માહોલ
જ્યારે સામાન્ય રીતે જ્યારે કોઈ દેશની ફિલ્મ ઈન્ટરનેશનલ એવોર્ડ જીતે છે ત્યારે તે દેશ અને તેના નાગરિકો માટે ગર્વની વાત હોય છે. પરંતુ પાકિસ્તાનમાં એવું નથી. આ ફિલ્મ વિશે પાકિસ્તાનીઓમાં ક્યાંક ખુશી તો ક્યાંક ગમનો માહોલ જોવા મળી રહ્યો છે. માનવ અધિકારના હિમાયતીઓ સીધા જાવેદ શરીફના વખાણ કરી રહ્યા છે. તો એ જ કટ્ટરવાદીઓ જાવેદ પર પાકિસ્તાનમાં દુનિયાને બદનામ કરવાનો આરોપ લગાવી રહ્યા છે. સોશિયલ મીડિયા પર ડાયરેક્ટર વિરુદ્ધ અભિયાન પણ ચલાવવામાં આવી રહ્યું છે.

શીખ છોકરીઓ માટે નર્ક બની ચૂક્યું છે પાકિસ્તાન
હિન્દુ-શીખ છોકરીઓની વાસ્તવિક વાસ્તવિકતા જાવેદ શરીફની ફિલ્મ 'ધ લુઝિંગ સાઈડ'થી અલગ નથી. મુવમેન્ટ ઓફ સોલિડેરિટી એન્ડ પીસના એક રિપોર્ટ અનુસાર, પાકિસ્તાનમાં દર વર્ષે લગભગ 1000 લઘુમતી છોકરીઓને તેનાથી મોટી ઉંમરના મુસ્લિમ પુરુષો સાથે લગ્ન કરવાની ફરજ પાડવામાં આવે છે. જે પૈકી ઘણાની ઉંમર માત્ર 10 થી 12 વર્ષની છે.જ્યારે તેઓ 30-35 વર્ષ કે તેથી વધુ ઉંમરની વ્યક્તિ સાથે લગ્ન કરે છે.

આ છોકરીઓમાં સૌથી વધુ સંખ્યા સિંધના હિંદુઓની છે. જેના કારણે અમેરિકાએ પાકિસ્તાનને લઘુમતી સુરક્ષાના મામલે 'ગંભીર ચિંતા' ધરાવતા દેશોની શ્રેણીમાં સામેલ કર્યું છે. પરંતુ તેને રોકવા માટે પાકિસ્તાનમાં કોઈ નક્કર કાયદો બનાવવામાં આવ્યો નથી. 2016માં પાકિસ્તાનના સિંધ પ્રાંતે બળજબરીથી ધર્માંતરણ વિરુદ્ધ કાયદો પસાર કર્યો હતો.પરંતુ કટ્ટરવાદીઓના વિરોધ બાદ સરકારે આ કાયદો પાછો ખેંચી લીધો હતો.