• Gujarati News
  • Lifestyle
  • After A Week Of Marriage, The Daughter in law Became A Billionaire, The Bajwa Family Owns 1200 Crores

ઈમરાન ખાન કરતાં પણ વધુ ધનિક પાક આર્મી ચીફની પત્ની:લગ્નનાં એક અઠવાડિયા બાદ જ પુત્રવધૂ બની ગઈ અબજોપતિ, બાજવા પરિવાર 1200 કરોડના માલિક

12 દિવસ પહેલા
  • કૉપી લિંક

પાકિસ્તાનમાં આ દિવસોમાં રાજકીય તણાવ ચરમસીમાએ છે. પાકિસ્તાનનાં પૂર્વ PM ઈમરાન ખાને ત્યાંની રાજનીતિમાં શક્તિશાળી સેના સામે મોરચો ખોલી દીધો છે. ઈમરાનનાં સમર્થકોનું માનવું છે કે, ‘તેમને સત્તા પરથી હટાવવા પાછળ આર્મી ચીફ જનરલ કમર જાવેદ બાજવાનો હાથ છે.’

પાકિસ્તાનનાં નવા આર્મી ચીફની નિમણૂકને લઈને બાજવા વિપક્ષી નેતાઓનાં નિશાના પર આવી ગયા છે. ઉથલપાથલનાં આ સમયમાં પાકિસ્તાનની એક વેબસાઈટે બાજવા પરિવારની અપાર સંપત્તિનો ખુલાસો કર્યો છે. દાવા મુજબ જનરલ બાજવાની પત્ની, પુત્રી, ભાભી અને અન્ય સંબંધીઓ પાસે અબજોની સંપત્તિ છે. વિશેષ વાત એ છે કે, બાજવાની આ તમામ સંપતિ સેનાની કમાન સંભાળ્યા બાદ જ બની છે. વેબસાઈટે વર્ષ 2013 અને 2021 વચ્ચે બાજવા પરિવારની વધેલી સંપત્તિની તપાસ કરી છે. સંપત્તિનાં મામલામાં બાજવાની પત્ની એકલા પૂર્વ PM ઈમરાન ખાન કરતાં અનેક ગણી આગળ છે.

વર્ષ 2010 સુધી બાજવા પાકિસ્તાન આર્મીના સામાન્ય અધિકારી હતા પરંતુ, તે પછી તેનો પ્રભાવ અને તેની સંપત્તિમાં ઝડપથી વધારો થયો છે
વર્ષ 2010 સુધી બાજવા પાકિસ્તાન આર્મીના સામાન્ય અધિકારી હતા પરંતુ, તે પછી તેનો પ્રભાવ અને તેની સંપત્તિમાં ઝડપથી વધારો થયો છે

બાજવા પરિવાર 1200 કરોડનો માલિક છે, પત્ની આયેશા પાસે 250 કરોડ
વેબસાઈટ પર લીક થયેલા રિપોર્ટ અનુસાર, જનરલ બાજવાની પત્ની આયેશા અમજદ પાસે 250 કરોડની સંપત્તિ છે. જેમાં મોંઘા પ્લોટ, બંગલા, વાહનો અને રોકડનો સમાવેશ થાય છે. આ ઉપરાંત તેમની પુત્રવધૂ અને ભાભીની સંપત્તિમાં પણ છેલ્લા 6 વર્ષમાં અનેકગણો વધારો થયો છે.

આ સંપત્તિના મામલે જનરલ બાજવાની પત્ની આયેશા તેમનાં કટ્ટર હરીફ ઈમરાન ખાન કરતાં પણ આગળ છે. પાકિસ્તાનનાં ચૂંટણીપંચનાં જણાવ્યા મુજબ ઈમરાનની કુલ સંપત્તિ 10.8 કરોડ રૂપિયા છે. આ ઉપરાંત તેમની પાસે 150 એકર ખેતીની જમીન અને 2 લાખની કિંમતની 4 બકરીઓ પણ છે. ઈમરાન પછી તેની પાસે કોઈ વાહન નથી કે, તેની પાસે વિદેશમાં કોઈ મિલકત પણ નથી. બીજી તરફ મેડમ બાજવાની સંપત્તિ ઈમરાન કરતાં લગભગ 25 ગણી વધારે છે.

હાલમાં બાજવા પરિવારનાં દરેક વ્યક્તિ પાસે કરોડો અને અબજોની સંપત્તિ છે
હાલમાં બાજવા પરિવારનાં દરેક વ્યક્તિ પાસે કરોડો અને અબજોની સંપત્તિ છે

વર્ષ 2016માં આયેશા પાસે ‘કંઈ ન હતું’, જે હવે પાકિસ્તાનની સૌથી ધનિક મહિલાઓમાં સામેલ છે
જનરલ બાજવા વર્ષ 2016માં પાક આર્મી ચીફ બન્યા હતા. ત્યારબાદ તેની પત્ની આયેશા અમજદ પાસે પોતાની કોઈ મિલકત ન હતી. તેમના પતિ જનરલ બાજવા પણ નાની સંપત્તિનાં માલિક હતા પરંતુ, 6 વર્ષમાં જ આયેશાએ 0 થી 250 કરોડની સફર કરી છે.

લગ્ન પછી અઠવાડિયામાં અરબપતિ બની જનરલ બાજવાની પુત્રવધૂ
વર્ષ 2018માં જનરલ બાજવાનાં પુત્રનાં લગ્ન થયા હતા. ઓક્ટોબર મહિનાનાં અંત સુધી નવી પરણેલી આવેલી પુત્રવધુ મનહૂર સાબિરની પાસે પોતાની કોઈ વ્યક્તિગત સંપત્તિ નહોતી પરંતુ, એક અઠવાડિયા પછી નવેમ્બરમાં તેમની જાહેર કરેલી સંપત્તિ 120 કરોડ રૂપિયા થઈ ગઈ. આ દરમિયાન મનહૂરની બહેન પણ કરોડોની રખાત બની હતી. આ ઉપરાંત બાજવા પરિવારમાં સંબંધો બાદ જનરલનાં સંબંધીઓ પણ અબજોપતિ બની ગયા હતા. બાજવાનાં જીજા સાબીર હમીદે વર્ષ 2013માં તેમના ટેક્સ રિટર્નમાં તેમની આવક 10 લાખ રૂપિયાથી ઓછી હોવાનું જાહેર કર્યું હતું પરંતુ, આજે તે પોતાની પુત્રીની જેમ અબજોપતિ બની ગયા છે.

વર્ષ 2018માં જનરલ બાજવાના પુત્રના લગ્ન શાહી અંદાજમાં થયા હતા. આ લગ્નમાં ઈમરાન ખાને પણ ભાગ લીધો હતો
વર્ષ 2018માં જનરલ બાજવાના પુત્રના લગ્ન શાહી અંદાજમાં થયા હતા. આ લગ્નમાં ઈમરાન ખાને પણ ભાગ લીધો હતો

આર્મી ચીફ બનતાની સાથે જ ફોરેન બિઝનેસ શરૂ કર્યો, દરેક મોટા શહેરમાં ફાર્મહાઉસ
બાજવા આર્મી ચીફ બનતાની સાથે જ તેમના પરિવાર અને સંબંધીઓ પણ વિદેશી બિઝનેસમાં લાગી ગયા. આજે, બાજવા પરિવાર પાસે પાકિસ્તાનનાં લગભગ દરેક મોટા શહેરમાં મોટા પ્લોટ અને ફાર્મ હાઉસ છે.

સરકારે પત્રકારને તપાસ હેઠળ લીધો, અંગત માહિતી લીક કરવાનો આરોપ લગાવ્યો
પાકિસ્તાનમાં આવું પહેલીવાર બન્યું છે કે, જ્યારે કોઈ વરિષ્ઠ સેના અધિકારીની સંપત્તિ પર પ્રશ્ન ઊભો થયો હોય. અત્યાર સુધી મીડિયા અને સરકાર બળવાન સેના સામે કંઈપણ બોલવાનું કે પગલાં લેવાનું ટાળતી રહી છે. આવી સ્થિતિમાં બાજવા પરિવારની સંપત્તિનો ખુલાસો મોટી વાત માનવામાં આવે છે. બીજી તરફ સરકાર દ્વારા સામેવાળા પત્રકાર અને વેબસાઇટ સામે તપાસ શરૂ કરવામાં આવી છે. પત્રકાર પર બાજવા પરિવારની અંગત માહિતી લીક કરવાનો આરોપ છે.