ચર્ચામાં:અમેરિકાની આઈના વિલિયમ્સે 30 વર્ષ પછી નખ કપાવ્યાં, 733.55 સેમી લાંબા નખને લીધે ગિનિસ વર્લ્ડ રેકોર્ડ બનાવ્યો હતો

ગિનિસ વર્લ્ડ રેકોર્ડે એક વીડિયો શેર કર્યો છે. છેલ્લા 30 વર્ષોથી દુનિયાના સૌથી લાંબા નખ ધરાવતી મહિલા આયના વિલિમ્યસે નખ કપાવી દીધા છે. આઈના અમેરિકાના ટેક્સાસ રાજ્યમાં રહે છે. તેના લાંબા નખ ટેક્સાસના ડૉક્ટર એલિસન રેડિગર ઇલેક્ટ્રિક રોટરી ટૂલની મદદથી કાપ્યા. ગિનિસ વર્લ્ડ રેકોર્ડે પોસ્ટમાં લખ્યું, આઈનાએ 30 વર્ષો સુધી નખ ના કાપવાની ગાંઠ વાળી હતી. 30 વર્ષ પછી ફાઈનલી તેણે નખ કપાવી લીધા. તેના નખની લંબાઈ 733.55 સેમી હતી.

2017માં આઈનાએ લાંબા નખને લીધે ગિનિસ વર્લ્ડ રેકોર્ડ પોતાને નામ કર્યો હતો. તેના નખ પર નેલ પોલિશ કરવા બે આખો બોટલ ખાલી થઇ જતી હતી અને મેનિક્યોર કરવામાં 20 કલાક લાગતા હતા. આઈનાએ નખ કપાવ્યા પછી કહ્યું, મારા નખ મોટા હોય કે નાના હું હંમેશાં ક્વીન જ રહીશ. મેં આ નખ બનાવ્યા છે, તેણે મને બનાવી નથી.

છેલ્લા 30 વર્ષોથી નખ સાચવતી આઈનાએ ક્યારેય વાસણ ધોયા નથી કે જાતે બેડશીટ પણ બદલી નથી. નખને લીધે તે ઘણા બધા કામ કરી શકતી નહોતી પણ હવે તે કંઇ પણ કરી શકે છે.