તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

અમેરિકા:ઓરેગોનના દરિયાકાંઠે 45 કિલોની દુર્લભ માછલી મળી આવી,સ્થાનિકો માટે રોમાંચક તો વિશેષજ્ઞો માટે દુર્લભ ઘટના

7 દિવસ પહેલા

અમેરિકાના ઓરેગોનના દરિયાકાંઠે એક દુર્લભ ઘટના બની છે. અહીં 45 કિલોની ઓપાહ માછલી મળી આવી છે. આ માછલી મૂનફિશ તરીકે પણ જાણીતી છે. સનસેટ બીચ પર આ દુર્લભ અને વિશાળકાય માછલી આવી જતા લોકોમાં કુતુહલતા જોવા મળી હતી. માછલીઓની પ્રજાતિઓના વિશેષજ્ઞો આ ઘટનાને દુર્લભ ગણાવી રહ્યા છે.

સીસાઈડ એક્વેરિઅમના જનરલ મેનેજર કિથ શેન્ડેલીઅર આ વિશે જણાવતા કહે છે કે, 'આ ખુબ જ સુંદર માછલી છે. પરંતુ દરિયા કાંઠે એકદમ સારી પરિસ્થિતિમાં મળી આવવાની આ ઘટના દુર્લભ છે. સ્થાનિકો માટે પણ આ ઘટના રોમાંચક છે'

જ્યારે નેશનલ ઓશિયનિક એન્ડ એટમોસ્ફેરિક એડમિનિસ્ટ્રેશન (NOAA) પ્રમાણે,'આ પ્રજાતિની માછલીઓ વિશે વધારે કઈ કહી શકાય એમ નથી, કારણ કે સામાન્ય રીતે આ માછલીઓ દરિયાની ખુબ અંદર જ રહેતી હોય છે. પાણીની ઉપર કે દરિયા કાંઠે ના દેખાતા આ પ્રજાતિ વિશે કઈ પણ કહેવું મુશ્કેલ છે '

ઓપાહ એક અસામાન્ય દેખાતી માછલી છે, NOAA અનુસાર, આ માછલીઓ ગોળાકાર, ફ્લેટ બોડી ધરાવે છે અને રંગબેરંગી હોય છે. આ માછલી દેખાવમાં ખુબ જ સુંદર છે. તેના પાંખ અને મોં લાલ છે. જ્યારે આંખો ગોલ્ડન કલરથી ઘેરાયેલી છે.

શેન્ડેલીયર પ્રમાણે,' માછલીની સ્થિતિ જોતા લાગે છે કે એક્વેરિઅમને ખબર કરવામાં આવી તેના કલાક પહેલા આ માછલી દરિયાકાંઠે આવી હશે. જો કે, તે મૃત હાલતમાં હતી, પરંતુ પક્ષીઓ તેને નુકશાન પહોંચાડે તે પહેલા એક્વેરિઅમનો સ્ટાફ ત્યાં પહોંચી ગયો હતો. હાલ આ માછલીને મોટા ફ્રીઝરમાં રાખવામાં આવી છે. અને સ્થાનિકોની મદદથી તેનું સુક્ષ્મ પરિક્ષણ કરવામાં આવશે. એક્વેરિઅમ આ પરિક્ષણ દરમિયાન એક સ્કુલ ગ્રુપને પણ સાથે રહેવાનો મોકો આપશે' આ પરિક્ષણમાં આ દુર્લભ પ્રજાતિની માછલી વિશે વધુમાં વધુ જાણવાના પ્રયાસ કરવામાં આવશે.

અન્ય સમાચારો પણ છે...