• Gujarati News
  • Lifestyle
  • Health
  • With Children Up To 2 Years Of Age, Talking A Lot Stimulates The Brain, Increases Vocabulary And Improves Pronunciation.

ચાઇલ્ડ ટિપ્સ:2 વર્ષ સુધીનાં બાળકો સાથે ખૂબ વાત કરવાથી મગજ તેજ થાય છે, શબ્દભંડોળ વધે અને ઉચ્ચારણ પણ સુધરે છે

13 દિવસ પહેલા
  • કૉપી લિંક

હવે તો બાળક 6 મહિનાનું થાય એટલે માતા-પિતા તેને મોબાઈલ આપી દે છે, જેને કારણે બાળકને દુનિયા વિશે જાણ થતી નથી. પહેલાંના જમાનામાં બાળકો બહાર રમતાં હતાં અને બાળપણનો આનંદ લેતાં હતાં. ત્યારે પણ બાળકો તેજસ્વી થતાં હતાં. જો તમારું બાળક જલદી બોલતું ન હોય તો, નાનાં બાળકો સાથે ખૂબ વાતો કરો, તેમને પ્રેમ અને સ્નેહ આપવાથી તે ઝડપથી બોલશે. ઉચ્ચારણ અને વાંચન કુશળતા સારી રીતે કરશે. જો તમે બાળક સાથે વાત કરો છો તો શબ્દભંડાર વધશે અને આઇક્યુ લેવલ પણ વધશે.

એક અભ્યાસમાં એ વાતની ખબર પડી છે કે જે બાળકો સાથે 18થી 24 મહિનાની ઉંમર સુધી પ્રેમથી વાતો કરવામાં આવી હોય તો તેમનું મગજ સારી રીતે કામ કરે છે. તેમની વાંચન કુશળતા પણ વધુ સારી હોય છે. આ સાથે એ વાત પણ જરૂરી છે કે શાળા જાય એ પહેલાં બાળકની પારિવારિક સ્તરે કાળજી લેવામાં આવે. બાળકનો ઉછેર ખાસ રીતે થવો જોઈએ, જેમાં તેને અક્ષરજ્ઞાન સાથે બોલવાની ટેવ પાડવી જોઈએ.

બાળકનાં પ્રથમ શિક્ષક માતા-પિતા
પીડિયાટ્રિક સર્જન દાના સુસ્કિંદ જણાવે છે, 'માતાપિતા બાળકોનાં પ્રથમ શિક્ષક હોય છે. તેઓ બાળકના મગજને પહેલો ડોઝ આપે છે. એનાટોમિકલ, સાઇકોલોજિકલ અને જિનેટિક સ્ટડીઝ અનુસાર, બાળકનું મગજ 2 વર્ષ સુધી સારી રીતે વિકાસ કરે છે. તે પોતાની આસપાસની વાતો સમજવા લાગે છે. સંશોધનમાં એ પણ જાણવા મળ્યું છે કે 6 વર્ષની ઉંમર સુધીમાં બાળકના બૌદ્ધિક વિકાસ માટે પરિવાર અને શાળા એકસરખી રીતે જ જવાબદાર છે.

અમેરિકામાં બાળકોની વાંચન કુશળતા ઘણી નબળી
નેશનલ એસેસમેન્ટ ઓફ એજ્યુકેશનલ પ્રોગ્રેસના રિપોર્ટમાં સામે આવ્યું છે કે અમેરિકાનાં બાળકો પુસ્તકો વાંચવામાં ખૂબ આળસુ છે. આ સાથે જ આ બાળકોને ઉચ્ચારણ કરવામાં પણ અનેક સમસ્યાનો સામનો કરવો પડે છે. કોરોનાના સમયમાં એકલતાએ બાળકો માટે વધુ મુશ્કેલી સર્જી છે. ચોથા ધોરણ સુધીના વિદ્યાર્થીઓ ભાગ્યે જ પુસ્તક વાંચી શકે છે.

બાળકોના શિક્ષણ માટે સરકાર નીતિઓમાં ફેરફાર કરશે
બાળકોના શિક્ષણસ્તરમાં ઘટાડો થયા બાદ સરકારે અનેક પગલાં ભર્યાં છે. બાળકોના વાંચન અભ્યાસક્રમમાં ફેરફાર કરવામાં આવ્યો છે. શિક્ષકોને નવેસરથી તાલીમ આપવામાં આવી રહી છે. તો સાથોસાથ વાલીઓને પણ જાગ્રત કરવામાં આવી રહ્યા છે. અમેરિકા તેના જીડીપીના માત્ર 0.03 ટકા ખર્ચ બાળકોના શિક્ષણ પર કરી રહ્યું છે, જે રોમાનિયા અને સાયપ્રસ જેવા દેશોની સમકક્ષ છે. આ સાથે જ આઇસલેન્ડ અને સ્વીડન જેવા દેશો બાળકોના ભણતર પર ખૂબ જ ધ્યાન આપે છે. તેઓ તેમના જીડીપીના 1.5 ટકાથી વધુનો ખર્ચ કરે છે.

આવનારી પેઢી સમજદાર બને એ માટે પગલાં લેવાં પડશે

  • માતા-પિતાને સંતાન થયા પછી લાંબા સમય સુધી પેઇડ પેરેન્ટલ રજા આપવામાં આવે.
  • ટેક્સમાં છૂટ આપીને નાનાં બાળકોના પરિવારને પ્રોત્સાહન આપવું જોઈએ.
  • સરકારે નાનાં બાળકોના ઘરે જ સારા શિક્ષણ માટે વ્યવસ્થા કરવી જોઈએ.
  • બાળકોને ઉછેરવા માટે માતા-પિતાને વધુ સારી તાલીમની વ્યવસ્થા કરવી જોઈએ.