હેલ્થ ટિપ્સ:ગળામાં-છાતીમાં દુખાવો, ખાટા ઓડકારથી પરેશાન છો? તો છુટકારો મેળવવા માટે અપનાવો આ ઘરગથ્થુ ઉપચાર

25 દિવસ પહેલાલેખક: મરજિયા જાફર
  • કૉપી લિંક

ક્યારેક જમવાનું બરાબર પચતું ન હોવાને કારણે ખાટા ઓડકાર આવે છે, આ કોઈ બીમારી નહીં, પરંતુ પેટમાં ગેસ અથવા ઇન્ફેક્શન હોઈ શકે છે. આ પાછળનું કારણ ઓવર ઈટિંગ, મસાલેદાર ભોજન, સ્મોકિંગ, કોલ્ડડ્રીંક દારૂ અને સ્ટેટ્સ હોઈ શકે છે. ઓડકાર સાથે ઊલટી પેટનું ફૂલવું અને હાર્ટમાં દુખાવો થઈ શકે છે. ભૂતપૂર્વ મેડિકલ ઈન્ચાર્જ યુનાની નિષ્ણાત ડૉ. સુબાસ રાય ખાટા ઓડકારથી છુટકારો મેળવવાની માટેના ઉપાયો જણાવે છે.

ખાટા ઓડકાર એટલે કે એસિડિટી એ રોજિંદી સમસ્યા છે, જેને ઘરગથ્થુ ઉપાયોથી તેને દૂર કરી શકાય છે-

લીંબુ પાણી :
સવારે ઉઠવાની સાથે જ ખાટા ઓડકાર આવે છે, તો આ સમસ્યામાંથી છુટકારો મેળવવા માટે એક ગ્લાસ પાણીમાં લીંબુ ભેળવીને પીવો.લીંબુ-પાણીમાં સંચળ મિક્સ કરીને પીવાથી જલ્દી આરામ મળે છે.

દહીં :
બપોરના સમયે ખાટા ઓડકારની સમસ્યા રહેતી હોય તો મીઠા દહીંનું સેવન કરવું જોઈએ. જેનાથી પેટ ઠંડું થશે અને ખાટા ઓડકારની સમસ્યાથી રાહત મળશે.

વરિયાળી અને સાકર :
જો રાત્રે ખાટા ઓડકાર આવે તો તમે વરિયાળી સાથે સાકર મિક્સ કરીને ખાઈ શકો છો. વરિયાળીથી પાચનતંત્રમાં સુધારો થાય છે, જેનાથી પેટમાં ગેસ બનતો નથી. અને સાકરથી પેટમાં ઠંડક મળે છે.

હિંગ :
હિંગ પણ ગેસ અને ખાટા ઓડકારની સમસ્યાથી રાહત મળે છે. હિંગને પાણીમાં મિક્સ કરીને પીવાથી આરામ મળે છે.

મેથી :
મેથીના દાણાને આખી રાત પાણીમાં પલાળી રાખો.આ પાણીને સવારે ખાલી પેટ પીવો.તેના સેવનથી ખાટા ઓડકારની સમસ્યાથી રાહત મળે છે.

એલચી :
એલચી ખાવાથી ગેસ અને ખાટા ઓડકારની સમસ્યાથી રાહત મળે છે.

લવિંગ :
જે લોકોને દરરોજ ખાટા ઓડકારની સમસ્યા હોય તો લવિંગ અથવા તેનું પાણી ફાયદાકારક છે.

હાઇપર એસિડિટી શું છે?
મોંમાં ખાટું પાણી આવવું એ હાઈપર એસિડિટીની નિશાની હોઈ શકે છે. હાઈપર એસીડીટીના કારણે પેટમાં બળતરા, ગેસની સમસ્યા થાય છે. જેને ગેસ્ટ્રોએસોફેજલ રીફ્લક્સ રોગ કહેવાય છે. ડૉક્ટર રાય જણાવે છે કે, હાઈપર એસિડિટીની સમસ્યા સામાન્ય થઈ ગઈ છે. આ ઉપાયો અપનાવીને તેનો ઈલાજ કરી શકાય છે.

ઘરગથ્થુ ઉપચાર

  • જો તમે હાઈપર એસિડિટીની ત્રસ્ત હો તો એલોવેરા જ્યુસ પીવો. સવારે ખાલી પેટ એલોવેરા જ્યુસનું સેવન કરવાથી એસિડિટી કંટ્રોલ થશે.
  • એસિડિટી કે પેટના દુખાવાની સ્થિતિમાં વિટામિન સી ડાયટ ફાયદાકારક છે. જેના કારણે પાચનતંત્ર સ્વસ્થ રહે છે. આમળામાં વિટામિન સી ભરપૂર માત્રામાં હોય છે, તેથી હાઈપર એસીડીટીની છુટકારો મળી શકે છે.
  • નારિયેળ પાણીમાં ફાઈબર ભરપૂર પ્રમાણમાં હોય છે, જેનાથી પાચનક્રિયા બરાબર રહે છે. નારિયેળના પાણીમાં લગભગ 9 ટકા ફાઇબર હોય છે, જે પેટની સમસ્યાઓને દૂર કરવામાં ફાયદાકારક છે.
  • હાઈપર એસીડીટીથી રાહત મેળવવા માટે વધુને વધુ પાણી પીવું જોઈએ.પાણી દરેક બીમારીનીની દવા છે. જેના કારણે પાચનતંત્ર બરાબર રહે છે.

પ્રેગ્નન્સીમાં ગેસ અને ઓડકારની સમસ્યા સામાન્ય

મહિલાઓને પ્રેગ્નન્સીના સમયમાં ગેસ અને ઓડકારની સમસ્યા સામાન્ય થઈ ગઈ છે. આ સમસ્યા મોટે ભાગે પ્રથમ ત્રિમાસિકમાં જોવા મળે છે. જેનું કારણ ઘણી વખત હોર્મોનલ ચેન્જીસ પણ માનવામાં આવે છે. આ દરમિયાન શરીરમાં પ્રોજેસ્ટેરોન અને એસ્ટ્રોજન હોર્મોન્સ ઝડપથી વધે છે. શરીરમાં ગેસ, બેચેની, ઉબકા, ઉલટી, પેટમાં દુખાવો અને ઓડકાર જેવી સમસ્યાઓ થાય છે. આ સિવાય અન્ય કેટલાક કારણો પણ હોઈ શકે છે.

ગર્ભાવસ્થામાં ગેસ અને ઓડકારની સમસ્યા કેમ થાય છે?

  • ગર્ભાવસ્થા દરમિયાન સ્ત્રીઓમાં કબજિયાત એક સામાન્ય સમસ્યા છે. જેમાં પેટ ફૂલવું, ગેસ અને ઓડકારની સમસ્યા વધે છે.
  • ભારે ખોરાક અને અપચાથી પણ ગેસની સમસ્યા થઈ શકે છે.
  • ગર્ભાવસ્થા દરમિયાન શરીરને વધુ પોષણની જરૂર હોય છે. આવી સ્થિતિમાં ઘણી વખત મહિલાઓ વધારે જમી લે છે. જેના કારણે શરીરમાં સુસ્તી આવે છે અને વધુ ગેસ બનવા લાગે છે.

પ્રેગ્નન્સીમાં ઓડકારથી આ રીતે રાહત મેળવી શકો છો

  • ખોરાકને લાંબા સમય સુધી ચાવ્યા પછી ખાઓ. ભોજન વચ્ચે ઠંડુ પાણી ન પીવો.
  • તળેલી અને મસાલેદાર વસ્તુઓ ખાવાનું બને ત્યાં સુધી ટાળો. દિવસમાં થોડું જ ખાઓ.
  • પુષ્કળ પાણી પીઓ જેથી પાણીના અભાવે કબજિયાત ન થાય.
  • ડૉક્ટરની સલાહ પર કસરત કરો. સવારે અને સાંજે અડધો કલાક ચાલો.
  • જમ્યાના અડધા કલાક પછી હૂંફાળું પાણી પીવું.વરિયાળી અને સાકર ખાઓ.

ડિસ્ક્લેમર :
આ લેખ સામાન્ય જાણકારી માટે છે. વધુ જાણકારી માટે ડોક્ટરની સલાહ અચૂક લેવી.