• Gujarati News
  • Lifestyle
  • Health
  • Some People Have 'superhuman' Ability To Fight Off COVID 19 After Prior Infection AND Two Vaccine Doses, Study Finds

સુપરહ્યુમન ઇમ્યુનિટીથી કોરોના હારશે:કોવિડ સંક્રમિત પછી વેક્સિન લેનારા લોકોમાં સુપર ઇમ્યુનિટી બને છે, તેમાં વાઇરસના જોખમી વેરિઅંટને હરાવવાની ક્ષમતા વધારે, જાણો તેનું વર્કિંગ

3 મહિનો પહેલા
  • કૉપી લિંક
  • ઇમ્યુનિટી શરીરને કોરોનાના અલગ-અલગ વેરિઅંટ સામે લડવા માટે તૈયાર રહે છે
  • આ કોરોનાના વેરિઅંટ ઓફ કન્સર્નનો સામનો પણ કરી શકે છે

કોરોના થયા પછી વેક્સિનના બે ડોઝ લીધા પછી પણ અમુક લોકોમાં સુપર એન્ટિબોડીઝ બની રહી છે. આ બુલેટપ્રૂફની જેમ કામ કરીને કોરોના સંક્ર્મણથી બચાવે છે. આવો દાવો ન્યૂ યોર્કની રૉકફેલર યુનિવર્સિટીના સંશોધકોએ તેમના રિસર્ચમાં કર્યો છે. વૈજ્ઞાનિકોએ કહ્યું કે, આવા લોકોમાં રોગ સામે લડવાની ક્ષમતા એટલી બધી વધી જાય છે કે, સંક્રમિત થવા પર એન્ટિબોડી તરત જ જવાબ આપે છે. આને સુપરહ્યુમન ઇમ્યુનિટી નામ આપ્યું છે.

સંશોધકોએ કહ્યું કે, સુપર ઇમ્યુનિટી શરીરને કોરોનાના અલગ-અલગ વેરિઅંટ સામે લડવા માટે તૈયાર રહે છે. હાલમાં થયેલા રિસર્ચમાં આ સાબિત થયું છે. આ કોરોનાના વેરિઅંટ ઓફ કન્સર્નનો સામનો પણ કરી શકે છે.

રિસર્ચ કેવી રીતે થયું, ઇમ્યુનિટી કોરોના સામે કેવી રીતે લડે છે અને આ કેટલું અસરકારક છે, આ બધા પ્રશ્નોનો જવાબ જાણીએ...

રિસર્ચ કેમ અને કેવી રીતે થયું, આ સમજો
ન્યૂ યોર્કના રૉકફેલર યુનિવર્સિટીના વૈજ્ઞાનિકોએ કોવિડ ઇમ્યુનિટી પર રિસર્ચ કર્યું છે. રિસર્ચમાં ચેક કરવામાં આવ્યું કે, સંક્ર્મણ પછી કોવિડ ઇમ્યુનિટી અને નેચરલ ઇમ્યુનિટી કેટલી લિમિટ સુધી કોરોનાવાઇરસથી બચાવે છે. રિસર્ચમાં ફાઇઝર અને મોડર્ના વેક્સિન લીધી હોય તેવા લોકોને સામેલ કરવામાં આવ્યા હતા.

સરળ ભાષામાં સમજીએ તો, આ બંને વેક્સિન કોરોનાના જેનેટિક મટિરિયલ mRNAને લઈને શરીરમાં ઇમ્યુન સિસ્ટમને એવી રીતે તૈયાર કરે છે કે, તેઓ વાઇરસના સંક્ર્મણને તરત ઓળખી લે અને તેની સામે લડવા માટે એક્ટિવ થઈ જાય.

જે લોકો કોરોનાને હરાવી ચૂક્યા છે, તેમની ઇમ્યુન સિસ્ટમ ઘણી હદ સુધી કોરોના સામે લડતા શીખી ગઈ છે. હવે વેક્સિનના બંને ડોઝ પછી તેઓ સુપરપ્રોટેક્ટેડ થઇ ગયા છે. એટલે કે કોરોના સામે લડવા માટે તેમના શરીરમાં એક પ્રકારનું સુરક્ષિત કવચ વિકસિત થઇ ગયું છે.

સુપર ઇમ્યુનિટી આ રીતે કામ કરે છે
ઇમ્યુનિટી બે રીતે બને છે. પ્રથમ, જે લોકો કોરોના વાઇરસ સંક્રમિત થઇ ગયા છે. બીજું, જેમણે વેક્સિન લઇ લીધી છે.

નેચરલ ઇમ્યુનિટી
જે લોકો પહેલેથી કોવિડ સંક્રમિત થઇ ગયા છે તેમનામાં બનતી નેચરલ ઇમ્યુનિટી અલગ રીતે કામ કરે છે. સંક્ર્મણમાં આ ઘણા પ્રકારની સુરક્ષા આપે છે. જેમ કે, ઇમ્યુન સિસ્ટમની B અને T કોશિકાઓ યાદ રાખે છે કે સંક્ર્મણ સમયે વાઇરસને કેવી રીતે ઓળખવાનું છે. સામાન્ય રીતે આ ઇમ્યુનિટી 7થી 8 મહિના સુધી રહે છે. આશરે 1 વર્ષ પછી ઇમ્યુન સિસ્ટમ વાઇરસને યાદ રાખવાના પ્રયત્નો કરે છે, પરંત નવા વેરિઅંટથી સંક્ર્મણનું જોખમ વધે છે.

વેક્સિન પછી બનતી ઇમ્યુનિટી
નેચરલ ઇમ્યુનિટી મેળવ્યા પછી જો કોઈ વ્યક્તિ વેક્સિન લે છે તો રોગો સામે લડવાની ઇમ્યુન સિસ્ટમની મેમરી વાઇરસ સામે લડવા માટે વધારે ઝડપી બની જાય છે. વેક્સિન એક રીતે ઇમ્યુન સિસ્ટમને સિગ્નલ આપવાનું કામ કરે છે. આ લાંબા સમય સુધી વાઇરસ સામે લડવા માટે તૈયાર થઇ જાય છે.

કોરોના પછી વેક્સિંનના બંને ડોઝ લેનારા દર્દીઓમાં માત્ર સંક્ર્મણ સામે લડવાની સરખામણીએ 100 ગણી વધારે સુરક્ષા આપતી એન્ટિબોડીઝ બને છે. આ એન્ટિબોડીઝ કોરોનાના જોખમી વેરિઅંટ B.1.351 સામે પણ સુરક્ષા આપી શકે છે.

20 વર્ષ જૂના કોરોના સામે પણ લડી શકે છે
રૉકફેલર યુનિવર્સિટીના વાયરોલૉજિસ્ટ થિયોડોરા હેટજિયોઆનોએ કહ્યું કે, કોરોનાને હરાવ્યા પછી વેક્સિનના બંને ડોઝ લેનારા લોકો હાલના સમયે વાઇરસ સામે લડવા માટેની બેસ્ટ સ્થિતિમાં છે. આવા દર્દીઓના બ્લડમાં હાજર એન્ટિબોડી 20 વર્ષ પહેલાંના કોરોનાવાઇરસને પણ હરાવી શકે છે. આ વાઇરસ નવા SARS-CoV-2થી ઘણો અલગ છે.

આ આંકડાથી સમજો વેક્સિનની અસર
અમેરિકામાં ઓગસ્ટ 2021 સુધી આશરે 17 કરોડ એવા લોકોને કોરોના થયો જેઓ વેક્સિનના બંને ડોઝ લઇ ચૂક્યા હતા. તેમાંથી 10,500ને ફરીથી સંક્ર્મણ થયું પરંતુ માત્ર 2 હજાર લોકોનું મૃત્યુ થયું. વૈજ્ઞાનિકોએ કહ્યું કે, વેક્સિન અને ઇમ્યુનિટીની અસરને લીધે મૃત્યુની આંકડો ઘણો ઓછો રહ્યો.

અન્ય સમાચારો પણ છે...