• Home
  • Lifestyle
  • Health
  • Running in a marathon is good for health, even when running for the first time, blood pressure becomes normal

રિસર્ચ / મેરેથોન દોડ સ્વાસ્થ્ય માટે ફાયદાકારક છે, પહેલીવાર દોડતા હો તો પણ બ્લડ પ્રેશર સામાન્ય થઈ જાય છે

Running in a marathon is good for health, even when running for the first time, blood pressure becomes normal

  • 138 મેરેથોન સ્વસ્થ રનર પર અભ્યાસ કરાયો
  • દોડવાથી ધમનીઓના બાહ્ય સ્તરો સખત થવાથી બચી જાય છે 

Divyabhaskar.com

Jan 10, 2020, 04:41 PM IST

હેલ્થ ડેસ્કઃ આજના યુવાનો ફિટનેસ માટે સજાગ બન્યા છે. તેમજ, સરકાર પણ જનતા માટે સમયાંતરે મેરેથોન દોડ આયોજિત કરી રહી છે. આ મેરેથોનમાં બાળકોથી લઇને વૃદ્ધો સુધી તમામ લોકો ભાગ લેતા હોય છે. ઘણીવાર તો દરરોજ કસરત ન કરનારા લોકો પણ મેરેથોનમાં દોડવા પહોંચી જાય છે, જે તેમના સ્વાસ્થ્યને તંદુરસ્ત રાખે છે.

તાજેતરમાં કરાયેલા એક રિસર્ચમાં સંશોધકોએ જાણ્યું કે, જે લોકો પહેલીવાર મેરેથોન દોડે છે તેમનું સ્વાસ્થ્ય તંદુરસ્ત રહે છે. બાર્ટ્સ હેલ્થ NHS ટ્રસ્ટ અને યુનિવર્સિટી કોલેજ લંડન દ્વારા કરવામાં આવેલા એક અભ્યાસ અનુસાર, જે લોકો પહેલીવાર મેરેથોન દોડતા હોય અથવા પહેલીવાર મેરેથોનમાં દોડવા જઈ રહ્યા હોય તેમનું બ્લડ પ્રેશર તો સામાન્ય થઈ જ જાય છે પણ ધમનીઓના બાહ્ય સ્તરો પણ સખત થઈ જવાથી બચી જાય છે. જો ધમનીઓ અને તેની બાહ્ય દિવાલો સખત બને તો હાર્ટ સ્ટ્રોક આવી શકે છે.

જર્નલ ઓફ અમેરિકન કોલેજ ઓફ કાર્ડિયોલોજીમાં પ્રકાશિત આ અભ્યાસમાં એ વાત પણ બહાર આવી છે કે, જે લોકો મેરેથોનની ટ્રેનિંગ લે છે અને આ દોડ પૂરી કરે છે તેમની ધમનીની ઉંમર એટલે કે વસ્ક્યુલર એજ 4 વર્ષ સુધી ઘટી જાય છે, જેના કારણે તેઓ લાંબા સમય સુધી સ્વસ્થ રહે છે.

આ અભ્યાસ માટે સંશોધકોએ 138 સ્વસ્થ એવા રનર એટલે કે મેરેથોનમાં દોડતા ગ્રુપના આંકડા તપાસ્યા જેમણે વર્ષ 2016 અથવા 2017માં લંડન મેરેથોન પૂરી કરી હતી. આ મેરેથોન રનર્સની કોઈ કાર્ડિયાક હિસ્ટ્રી નહોતી. તેઓ ફક્ત ટ્રેનિંગ માટે અઠવાડિયાંના 2 કલાકથી પણ ઓછું દોડી રહ્યા હતા. આ અભ્યાસમાં સામેલ દરેક વ્યક્તિની ઉંમર સરેરાશ 37 વર્ષ હતી અને સામેલ લોકોમાં પુરુષો અને મહિલાઓની સંખ્યા પણ સમાન હતી.

મેરેથોનની ટ્રેનિંગ શરૂ થયા પહેલાં તમામ પ્રતિભાગીઓનું હેલ્થ ચેકઅપ કરવામાં આવ્યું. આ ટ્રેનિંગ આશરે 6 મહિના સુધી ચાલી. મેરેથોન દોડ પૂરી કર્યાંના ત્રણ અઠવાડિયાંની અંદર જ તમામ પ્રતિભાગીઓનું ફરીથી ચેકઅપ અને ટેસ્ટ કરવામાં આવ્યા. ત્યારબાદ સંશોધકોને જાણવા મળ્યું કે, પુરુષોએ સાડા ચાર કલાકમાં મેરેથોન દોડ પૂરી કરી, જ્યારે મહિલાઓએ એ જ દોડ 5 કલાક 40 મિનિટમાં પૂરી કરી.

બાર્ટ્સ હાર્ટ સેન્ટર અને યુનિવર્સિટી કોલેજ લંડનના ડોક્ટર ચાર્લોટ મિનિસ્ટીએ કહ્યું કે, અમારો અભ્યાસ જીવનશૈલીમાં થતા પરિવર્તન અને તેના મહત્ત્વ પર પ્રકાશ પાડશે. તે બતાવે છે કે જીવનશૈલીમાં ફેરફાર કેવી રીતે વૃદ્ધાવસ્થાના જોખમને ઘટાડી શકે છે. મેરેથોન તાલીમના માત્ર 6 મહિનામાં જ રક્ત વાહિનીઓ સખત થઈ જાય છે અને તેના કારણે શરીરને થતા રોગની આડઅસર ઘટાડી શકાય છે.

X
Running in a marathon is good for health, even when running for the first time, blood pressure becomes normal
COMMENT

Next Stories

    ની  સંપૂર્ણ વાંચનસામગ્રી