ઉપાય / મચ્છરોથી છૂટકારો મેળવવા માટે તુલસી સહિતના છોડ વાવવાથી ફાયદો થશે

Planting plants including basil, will benefit from getting rid of mosquitoes

Divyabhaskar.com

Aug 13, 2019, 06:36 PM IST

હેલ્થ ડેસ્ક: ચોમાસાની ઋતુમાં પાણી જમા થવાથી મચ્છરોનો ઉપદ્રવ વધી જાય છે. મચ્છર કરડવાથી મલેરિયા, ડેન્ગ્યુ, સ્વાઈન ફ્લુ અને ચિકનગુનિયા જેવી ગંભીર બીમારી થઈ શકે છે. આ બીમારીઓને નોતરતા મચ્છરોથી બચવા માટે લોકો વિવધ પ્રકારના ક્રીમ, સ્પ્રે, મોસ્કિટો રિપેલન્ટ જેવી અનેક પ્રોડક્ટ્સનો ઉપયોગ કરે છે. પરંતુ ઘરગથ્થુ ઉપાયો કરીને તમે મચ્છરોથી છૂટકારો મેળવી શકો છો.

ઓછા ખર્ચામાં મચ્છરોથી છૂટકારો મેળવો
ઘરોમાં છોડ વાવવાથી માત્ર સુંદરતામાં જ વધારો નથી થતો પરંતુ તે સ્વાસ્થ્ય માટે પણ ફાયદાકારક છે. કેટલાક છોડ વાવવાથી મચ્છરો દૂર ભાગે છે. તેને તમે ઘરની બહાર ગાર્ડન, આંગણું તથા અગાશીમાં કૂંડામાં વાવી શકો છો.

તુલસી
ધાર્મિક વિધિઓમાં વપરાતો તુલસીનો છોડ મોટે ભાગે બધાના ઘરે હોય છે. સૌ જાણે છે તેમ તેના ઔષધિય ગુણો પણ પાર વિનાના છે. તેની સુંગંધથી મચ્છર દૂર ભાગે છે. તુલસીના છોડને તમે ઘરના આંગણામાં દરવાજા કે બારી પાસે રાખી શકો છો. તેથી મચ્છર તમારા ઘરમાં પ્રવેશ ન કરી શકે. મચ્છર કરડે તો પણ તુલસી ફાયદાકારક સાબિત થાય છે.

લીમડાનું ઝાડ
લીમડાનું ઝાડ મચ્છર ઉપરાંત માખી અને અન્ય જીવોને દૂર ભગાડે છે. લીમડાની કડવી સુગંધથી આ જીવજંતુઓ તમારા ઘરમાં આવી શકતા નથી. મચ્છરોને દૂર કરવા માટે લીમડાના પાંદડાનો ધુમાડો ફાયદાકરક હોય છે.

ગલગોટાનું ફુલ
સુગંધિત એવા ગલગોટાના ફુલનો ઉપયોગ સજાવટમાં કરવામાં આવે છે. પરંતુ ગલગોટાની સુગંધ મચ્છરોને અણગમતી હોય છે. ફુલોની તીવ્ર સુગંધથી મચ્છરો દૂર ભાગે છે. તેથી ઘરની બહાર ગલગોટાનો છોડ વાવવાથી મચ્છરો દૂર ભાગે છે.

X
Planting plants including basil, will benefit from getting rid of mosquitoes
COMMENT

Next Stories

    ની  સંપૂર્ણ વાંચનસામગ્રી