• Gujarati News
  • Lifestyle
  • Health
  • MRNA Vaccine Will Also Prove Effective In Cancer Treatment After Corona, Preventive Vaccine Will Be Made For People With High Risk Of Cancer

કેન્સર માટે mRNA વેક્સિન:કેન્સરથી બચાવશે કોરોનાવાળી mRNA વેક્સિનની ટેક્નોલોજી, અમેરિકાએ સેનાને જૈવિક હુમલાથી બચાવવા માટે ડેવલપ કરી હતી આ વેક્સિન

5 મહિનો પહેલા
  • કૉપી લિંક

કોરોના અને અમેરિકામાં થયેલા 9/11 અટેક વચ્ચે કોઈ સંબંધ છે? આમ તો બંને વાત એકબીજાથી ઘણી અલગ છે, પરંતુ વાસ્તવિકતા એ છે કે કોરોના વિરુદ્ધ સૌથી મોટું હથિયાર એટલે mRNA વેક્સિનની ટેક્નિક વિકસિત કરવાનો નિર્ણય 9/11 બાદ એન્થ્રેક્સ અટેકના કારણે થયો.

એન્થ્રેક્સ અટેક્સથી અમેરિકા મુશ્કેલીમાં હતું કે યુદ્ધમાં તેની સેના પર કોઈ વાઈરસથી જૈવિક હુમલો થયો તો? ત્યાર બાદ જ પેન્ટોગૉનની DPRA (ડિફેન્સ એડવાન્સ રિસર્ચ પ્રોજેક્ટ્સ એજન્સી)એ મેસાચ્યુસેટ્સની કંપની મૉડર્નાને RNA બેઝ્ડ વેક્સિન ડેવલપ કરવાનો કોન્ટ્રેક્ટ આપ્યો. આ જ ટેક્નોલોજી પર આધારિત mRNA વેક્સિન કોરોના બાદ કેન્સરનો સામનો કરવા તૈયાર છે.

જર્મન બાયોટેક્નોલોજી કંપની બાયોએનટેકે જૂન મહિનામાં જાહેરાત કરી કે mRNA ટેક્નોલોજી પર બેઝ્ડ કેન્સરની વેક્સિન BNT11 ફેઝ 2ના કેન્સર પહેલાં દર્દી પર ટ્રાયલ થયો છે.

કેન્સરનો નાશ કેવી રીતે કરશે mRNA વેક્સિન?

  • આપણે જાણીએ છીએ કે બહારના લેયર પર રહેલા ખાસ પ્રોટીન સ્પાઈક્સ અર્થાત પ્રોટીનથી બનેલી ધારદાર આકૃતિ જ કોરોના વાઈરસની ઓળખ છે. mRNA અર્થાત messenger RNA નામથી સ્પષ્ટ થાય છે કે આ વેક્સિન આપણી કોશિકાઓને કોરોના વાઈરસ અર્થાત ધારદાર પ્રોટીન બનાવવાનો નિર્દેશ કરે છે.
  • આ પ્રોટીન જેવું તૈયાર થાય તો કોશિકાઓ તેને અલગ કરી દે છે અને કોશિકાઓના બહારના લેયર પર ધારદાર પ્રોટીન દેખાવા લાગે છે. આપણી ઈમ્યુન સિસ્ટમ આ પ્રોટીન જોઈ તેને ઓળખી લે છે અને તેના વિરુદ્ધ એન્ટિબોડી બનાવે છે.
  • અર્થાત આપણું શરીર ભવિષ્યમાં કોરોના સંક્રમણ થવા પર તેના વાઈરસની ઓળખ કરી લેશે અને આપણી રક્ષા કોશિકાઓ તેનો નાશ કરશે.
  • આ જ પ્રકારે કેન્સરના કેસમાં messenger RNA વેક્સિનથી આપણા શરીરની ઈમ્યુન સિસ્ટમ કેન્સરની કોશિકાઓ ઓળખી તેનો નાશ કરશે.
  • આપણી ઈમ્યુન સિસ્ટમ કેન્સર ગ્રસ્ત કોશિકાઓને ઓળખી તેનો નાશ કરવાનું શીખવાડે છે.

હાઈ રિસ્કવાળા લોકો માટે પ્રિવેન્ટિવ કેન્સર વેક્સિન ડેવલપ કરવી સંભવ
કેન્સરના પ્રકારના આધારે એ લોકો માટે પ્રિવેન્ટિવ વેક્સિન ડેવલપ કરવી સંભવ છે જેમનામાં કેટલાક પ્રકારના કેન્સર વિકસિત થવાનું જોખમ હોય. જેમ કે બ્રેસ્ટ કેન્સર. હ્યુસ્ટન મેથોડિસ્ટ હોસ્પિટલમાં કેન્સર બાયોલોજિસ્ટનું એક ગ્રુપ એ લોકો માટે પ્રિવેન્ટિવ કેન્સર વેક્સિન બનાવી રહી છે જેમને કોઈ ખાસ પ્રકારનાં કેન્સર થવાનું જોખમ વધારે છે. ઉદાહરણ તરીકે BRCA 2 મ્યુટેશનવાળા લોકોમાં બ્રેસ્ટ કેન્સર થવાનું જોખમ રહે છે.

આ પ્રકારનાં કેન્સરની વેક્સિન સરળતાથી ઉપલબ્ધ થઈ શકશે

  • મોઢામાં ગળાની પાછળના ભાગમાં થનારું કેન્સર (ઓરોફેરિન્જિયલ કેન્સર)
  • ગર્ભાશયનું કેન્સર
  • બ્રેસ્ટ કેન્સર
  • લિવર કેન્સર
  • પ્રોસ્ટેટ કેન્સર
  • ઘણા પ્રકારના ટ્યુમર

પ્રોટીન બનાવવા માટે માનવ શરીરની ક્ષમતાનો ઉપયોગ
સ્પીડ સિવાય mRNA ટેક્નોલોજી આટલી અસરકારક એટલા માટે છે કે કારણ કે આ નવાં પ્રોટીન બનાવવા માટે માનવ શરીરની વિશાળ ક્ષમતાનો ઉપયોગ કરે છે. પ્રત્યેક શારીરિક કાર્ય માટે એક ચોક્કસ પ્રોટીન હોય છે અને તમારું શરીર દરરોજ તેમાંથી અબજો પ્રોટીન બનાવે છે. જો તમે કોઈ પ્રકારે શરીરને કોઈ વાઈરસને હરાવવા માટે એક ખાસ પ્રોટીન બનાવવા માટે કહી શકો અથવા તો અથવા કોઈ બીમારીની સારવાર કરી શકો, તો પછી તે આપમેળે આમ જ કરશે. લેબમાં બનેલું mRNA અથવા 'મેસેન્જર રાઈબોન્યુક્લિક એસિડ' આપણી કોશિકાઓમાં પ્રોટીન ફેક્ટરીને નિર્દેશ મોકલવાનું કામ સંભવ કરે છે.

બાયોએનટેકે 4 કેન્સર સ્પેસિફિક એન્ટિજનનો ઉપયોગ કર્યો
કેટલાંક કેન્સર જેમ કે મેલેનોમાને કારણે શરીરમાં થનારા ફેરફારની પણ ઓળખ કરી શકાય છે. બાયોએનટેક આ જ અપ્રોચનો ઉપયોગ કરે છે. તેણે 4 કેન્સર સ્પેસિફિક એન્ટિજનની ઓળખ કરી છે. 90%થી વધારે મેલેનોમા પીડિત લોકોમાં તેમાંથી મિનિમમ એક એન્ટિજન જરૂર જોવા મળે છે.

વિવિધ પ્રકારનાં કેન્સર માટે એક વેક્સિન બનાવવી મુશ્કેલ છે
હાર્વર્ડનાં કેન્સર ઇન્સ્ટિટ્યુટના ફિઝિશિયન અને સાયન્ટિસ્ટ ડેવિડ બારૂને કહ્યું કે, ઘણા પ્રકારનાં કેન્સર સામે લડવા માટે એક જ વેક્સિન બનાવવી મુશ્કેલ છે. કારણકે એક પ્રકારનાં કેન્સરના દરેક રોગીમાં લક્ષણ અને તકલીફો અલગ-અલગ હોય છે. આથી તેની ઓળખ કરવી મુશ્કેલ બને છે.

કેન્સરવાળી કોશિકાઓની ઓળખ જ બેઝિક આઈડિયા: સ્પેશ્યાલિસ્ટ
કેનેડામાં બ્રિટિશ કોલમ્બિયા યુનિવર્સિટીમાં બાયોકેમિકલ એન્જિનિયરિંગ સ્કૂલમાં અસિસ્ટન્ટ પ્રોફેસર અન્ના બ્લેકે કહ્યું, mRNA વેક્સિનની જેમ કોરોનાની વિરુદ્ધ કામ કરે છે, તે જ રીતે કેન્સરની mRNA વેક્સિન તમારી ઈમ્યુન સિસ્ટમને કેન્સર સેલ્સમાં હાજર ખાસ પ્રોટીનને ઓળખવા માટે તૈયાર કરે છે. આ વેક્સિન ઈમ્યુન સિસ્ટમને કેન્સર માટે જવાબદાર પ્રોટીન બનાવવાની કોશિકાઓ પર હુમલો કરવા તૈયાર કરશે. હ્યુસ્ટન મેથોડિસ્ટ હોસ્પિટલના ડેબેકી હાર્ટ એન્ડ વેસ્ક્યુલર સેન્ટર, ટેક્સાસમાં RNA થેરેપેટિક્સ પ્રોગ્રામના મેડિકલ ડિરેક્ટર જ્હોન કુકે કહ્યું કે, ઈમ્યુન સિસ્ટમ કેન્સરને ઓળખી શકે, એ આ વેક્સિનનો બેઝિક આઈડિયા છે.

કેન્સરે એક વર્ષમાં એક કરોડ લોકોના જીવ લીધા
કેન્સર દુનિયાભરમાં થતા મૃત્યુનું પ્રમુખ કારણ છે. વર્લ્ડ હેલ્થ ઓર્ગેનાઈઝેશનનાં જણાવ્યા પ્રમાણે, 2020માં કેન્સરને લીધે આશરે 1 કરોડ લોકોએ જીવ ગુમાવ્યા છે. કુકે કહ્યું, કેન્સર વધવામાં અને તેના કારણે દર્દીનાં મૃત્યુનું મોટું કારણ એ છે કે, તે ઈમ્યુન સિસ્ટમથી સરળતાથી બચી જાય છે. કેન્સર આપણી ઈમ્યુન સિસ્ટમની રડાર નીચે રહે છે.

પરંપરાગત વેક્સિનથી mRNA વેક્સિન એકદમ અલગ છે
દુનિયામાં પ્રથમવાર mRNA વેક્સિનનો ઉપયોગ કોરોનાની સારવારમાં કરવામાં આવ્યો. આ વેક્સિન ન્યૂક્લિક એસિડ વેક્સિનની કેટેગરીમાં આવે છે. વેક્સિન બનાવવા માટે બીમારી ઉત્પન્ન કરતા વાઈરસ કે પેથોજનથી જિનેટિક મટિરિયલનો ઉપયોગ કરવામાં કરવામાં આવે છે. તેનાથી શરીરની અંદર વાઈરસ વિરુદ્ધ ઈમ્યુન સિસ્ટમ એક્ટિવ થઈ શકે છે. પરંપરાગત વેક્સિનમાં આ માટે બીમારી ઉત્પન્ન કરતા વાઈરસને જ મૃત કે નિષ્ક્રિય કરીને શરીરમાં ઇન્જેક્ટ કરવામાં આવે છે. બીજી તરફ ન્યૂક્લિક એસિડ વેક્સિન જેમ કે DNA કે RNA વેક્સિનમાં પેથોજન કે જિનેટિક કોડ શરીરમાં ઉમેરવામાં આવે છે તે માનવ કોશિકાના હુમલાને ઓળખીને તેના બચાવ માટે પ્રોટેક્ટિવ પ્રોટીન તૈયાર કરવા પ્રેરિત કરે છે.

અન્ય સમાચારો પણ છે...