કોરોનાથી કોને મોતનું જોખમ:જે પુરુષોમાં ટેસ્ટોસ્ટેરોન હોર્મોનનું સ્તર ઓછું છે તેમને કોરોનાથી મૃત્યુનું જોખમ વધારે, સંશોધકોનો દાવો; તેની અસર ઈમ્યુન સિસ્ટમ પર થાય છે

ટેસ્ટોસ્ટેરોન હોર્મોનનું સ્તર ઓછું ધરાવતા પુરુષોમાં કોરોનાથી મૃત્યુનું જોખમ વધારે છે. આ દાવો જર્મનીના વૈજ્ઞાનિકો દ્વારા તાજેતરમાં કરવામાં આવેલા રિસર્ચમાં કરવામાં આવ્યો છે. જર્મની હોસ્પિટલમાં કોરોનાથી પીડિત 45 દર્દીઓ પર રિસર્ચ કરવામાં આવ્યું. રિસર્ચનો હેતુ એ જાણવાનું હતું કે કોરોનાથી મૃત્યુ પામેલા પુરુષોની મૃત્યુની સંખ્યા બમણી કેમ છે. 

35 પુરુષો અને 10 મહિલાઓ પર રિસર્ચ કરવામાં આવ્યું
સંશોધનકારના જણાવ્યા પ્રમાણે, આઈસીયુમાં દાખલ કોરોના દર્દીઓની તપાસ કરવામાં આવી તો તેમાં ટેસ્ટોસ્ટેરોન હોર્મોનનું પ્રમાણ ઓછું હોવાનું જાણવા મળ્યું. કોરોનાના 45 દર્દીઓમાંથી 35 પુરુષ અને 10 મહિલાઓ હતી. તેમાંથી 7 દર્દીઓ એવા હતા જેમને ઓક્સિજનની વધારે જરૂર હતી અને 33 દર્દીઓને વેન્ટિલેટરની જરૂર હતી. તેમાંથી 9 પુરુષો અને 3 મહિલાઓનાં મોત નીપજ્યાં હતાં.

વાઈરસ સામે લડવામાં મદદ કરે છે
આ દર્દીઓની હોસ્પિટલમાં દાખલ થયાના પહેલા જ દિવસે તપાસ કરવામાં આવી. 12 પ્રકારના હોર્મોન્સ વિશે જાણવા માટે ટેસ્ટ કરવામાં આવ્યો, તેમાં ટેસ્ટોસ્ટેરોન અને ડાયહાઇડ્રોક્સિટેસ્ટોસ્ટોરોન સામેલ હતા. સંશોધનકારોના જણાવ્યા પ્રમાણે, 68.6 ટકા દર્દીઓમાં ટેસ્ટોસ્ટેરોનનું પ્રમાણ ઓછું હતું. આ હોર્મોન વાઈરલ ઈન્ફેક્શનની સામે લડવામાં ઈમ્યુન સિસ્ટમની મદદ કરે છે. 

ઈમ્યુન સિસ્ટમની ઝડપથી પ્રતિક્રિયાથી જોખમ
સંશોધકોના જણાવ્યા પ્રમાણે, માનવોની સારવારમાં ટેસ્ટોસ્ટેરોન મહત્ત્વપૂર્ણ ભૂમિકા ભજવે છે. પરંતુ ઘણી વખત તેના કારણે ઈમ્યુન સિસ્ટમ વાઈરસ અથવા બેક્ટેરિયાને એટલી ઝડપથી નષ્ટ કરવાનો પ્રયાસ કરે છે તે કંટ્રોલ બહાર થઈ શકે છે. આ સ્થિતિને સાયટોકીન સ્ટોર્મ કહેવામાં આવે છે. તેના કારણે ફેફસાંને નુકસાન થઈ શકે છે અને શ્વાસ સાથે જોડાયેલી સમસ્યા થઈ શકે છે.