• Gujarati News
  • Lifestyle
  • Health
  • Long Driving From Scooty Impairs Body Posture, Damages Bones And Muscles; Get Rid Of All These Problems Permanently By Doing Yoga

સ્કૂટી રાઈડની ટિપ્સ:સ્કૂટીથી લોન્ગ ડ્રાઈવિંગથી બોડી પોશ્ચર ખરાબ થાય છે, હાડકાં અને સ્નાયુઓને નુકસાન પહોંચે છે; યોગ કરવાથી આ બધી સમસ્યાથી કાયમી છૂટકારો મેળવો

એક મહિનો પહેલા
  • કૉપી લિંક
  • સ્કૂટી પર લોન્ગ ડ્રાઈવ કરવાથી ખભાનો દુખાવો અથવા પગમાં જકડાઈ જવા જેવી સમસ્યા થાય છે

છોકરીઓ માટે સ્કૂટી ડ્રાઈવ કરવી સરળ છે પરંતુ તેનાથી તેમના હાડકાં અને સ્નાયુઓને કેવી રીતે નુકસાન પહોંચે છે તે તેમને નથી ખબર હોતી. કોલેજ જવા માટે જો છોકરીઓ દરરોજ સ્કૂટી ડ્રાઈવ કરે છે તો અલર્ટ થઈ જાવ, કેમ કે, લાંબા સમય સુધી ડ્રાઈવ કરવાથી બોડીનું પોશ્ચર ખરાબ થઈ શકે છે. સતત સીધા બેસી રહેવાથી અથવા સ્કૂટી ચલાવવાથી ખભા અને કમરમાં દુખાવો થવા લાગે છે. તેનાથી સ્પોન્ડિલાઈટિસ પણ થઈ શકે છે.

લખનઉના ડૉ. રામ મનોહર લોહિયા હોસ્પિટલ ઓર્થોપેડિક્સ સર્જન ડૉ. સચિન અવસ્થીના અનુસાર, લાંબા સમય સુધી સ્કૂટી ડ્રાઈવ કરવાથી કરોડરજ્જુ પર દબાણ આવે છે. તેનાથી ખભાના દુખાવાની સમસ્યા થાય છે. તેનું બીજું કારણ ખરાબ રસ્તાઓ અને હાઈ સ્પીડ બ્રેકર્સ પણ હોઈ શકે છે. સ્કૂટી ડ્રાઈવ કરતા સમયે ઝટકા લાગવાથી બોડીમાં વાઈબ્રેશન પેદા થાય છે, જેનાથી બોડીનું પોશ્ચચર ધીમે ધીમે ખરાબ થવા લાગે છે.

સ્કૂટી પર સીટિંગ પોઝિશન કેવી હોવી જોઈએ
ડૉ. અવસ્થી જણાવે છે કે, સ્કૂટી પર બેસતા સમયે પ્રોપર સીટિંગનું ધ્યાન રાખવું જરૂરી છે. ક્યારેક ક્યારેક લોકો પોતાના કન્ફર્ટના હિસાબથી “હમ્પ પોઝિશન”માં ડ્રાઈવિંગ સીટ પર બેસી જાય છે. તેના કારણે બોડી પોશ્ચર ખરાબ થઈ જાય છે. તેથી જ્યારે પણ ડ્રાઈવ કરો, તમારા ખભાને એકદમ સીધો રાખો. રસ્તા પર ગાડી ચલાવતા સમયે ખાડા અને સ્પીડ બ્રેકરનું ધ્યાન રાખવું. આ નાની નાની વસ્તુઓનું ધ્યાન રાખીને મોટી સમસ્યાથી બચી શકાય છે.

રેગ્યુલર એક્સર્સાઈઝ
ડૉ. અવસ્થી જણાવે છે કે, ખભાના દુખાવાથી બચવા માટે રેગ્યુલર એક્સર્સાઈઝ કરવી જોઈએ. આવી સ્થિતિમાં મહિલાઓ માટે એક્સર્સાઈઝ સપોર્ટ જરૂરી છે. રૂટિન ડ્રાઈવિંગની સાથે એક્સર્સાઈઝ પણ સામેલ કરવાથી કમર દુખાવો, ખભાના દુખાવાથી છૂટકારો મળી શકે છે.

ડાયટ ફોલો કરો
હાડકાંને મજબૂત બનાવવા માટે કેલ્શિયમ જરૂરી છે. વધતી ઉંમરની સાથે મહિલાઓમાં કેલ્શિયમ અને વિટામિન ડીની ઊણપ સર્જાય છે. તેથી તમારી ડાયટમાં દૂધ, દહીં, છાશ, પનીર, ઈંડા, ડ્રાઈ ફ્રૂટ્સ, ગોળ સામેલ કરો. ખાટા ફળ, લીલા શાકભાજી, મશરૂમ અને કાળા ચણા ખાવાથી હાડકા મજબૂત થાય છે.

ઉત્તાનાસનથી કમરના દુખાવામાં આરામ મળે છે.
ઉત્તાનાસનથી કમરના દુખાવામાં આરામ મળે છે.

યોગ કરવાથી રાહત મળે છે
ખભાના દુખાવામાં ઉત્તાનાસન કરવાથી રાહત મળશે. આ આસનને કરવા માટે સીધા ઊભા થઈ જાવ. હાથને ઊંડા શ્વાસ લેતા ઉપરની તરફ લઈ જાવ અને ફરીથી શ્વાસ છોડતા હાથને નીચે જમીનની તરફ લઈ જાવ. આવું કરતા સમયે તમારા પગના અંગૂઠાને સ્પર્શ કરવાનો પ્રયાસ કરો. ફરીથી સામાન્ય અવસ્થામાં આવી જાવ.

પાર્શ્વોત્તનાસન સાથે શરીરની મુદ્રાને સંતુલિત કરો.
પાર્શ્વોત્તનાસન સાથે શરીરની મુદ્રાને સંતુલિત કરો.

પાર્શ્વોત્તનાસન કરવા માટે સીધા ઊભા રહો. પછી ઊંડા શ્વાસ લેતા હળવેથી કૂદો અને એક પગને ત્રણથી ચાર ફૂટના અંતર પર રાખો. બંને હાથને પહેલા હિપ્સ પર રાખો અને જમણા પગને આગળ કરો. હવે બંને હાથોને ઉપર ઉઠાવો અને ઊંડા શ્વાસ લો જમીન પર હાથ રાખો. તમારું માથું જમણા પગના ઘૂંટણને સ્પર્શવું જોઈએ. થોડી સેકન્ડ આ અવસ્થા પછી સીધા ઊભા થઈ જાવ.

ડૉ. અવસ્થી જણાવે છે કે, કમરના દુખાવાના ઘણા કિસ્સાઓ આવે છે અને બધાના વિવિધ કારણો હોય છે. પોશ્ચર ઈમ્બેલેન્સના કેસ મોટાભાગે લોન્ગ ડ્રાઈવ કરતા લોકોને થાય છે. પોશ્ચર સાથે સંબંધિત સમસ્યાઓ આપણી ખરાબ જીવનશૈલીના કારણે વધી રહી છે. જેના કારણે ઉઠવા-બેસવાનું, ચાલવાનું-ફરવાનું મુશ્કેલ થઈ જાય છે.