• Gujarati News
  • Lifestyle
  • Health
  • Does Not Form In The Uterus Will Reduce The Risk Of Tumors And Infertility, Increased Blood Circulation To The Genitals.

યોગ કરો રોગ ભગાવો:ગર્ભાશયમાં નહીં બને ગાંઠ અને વંધ્યત્વનું જોખમ ઘટશે, જનનાંગોમાં રક્ત પરિભ્રમણ વધારે છે આ યોગ

19 દિવસ પહેલા
  • કૉપી લિંક

ઘણી સ્ત્રીઓમાં યુટરસ ફાઈબ્રોઇડ એટલે કે ગર્ભાશયમાં ગાંઠ પડવાની સમસ્યા જોવા મળે છે. આ ગાંઠ મહિલાઓના ગર્ભાશયમાં અથવા તેની આસપાસ આકાર લે છે. આ કારણે ઇન્ફર્ટિલિટીનો ખતરો પણ રહે છે. કેટલાક યોગાસન જો નિયમિત કરવામાં આવે તો આ બીમારીથી બચી શકાય છે. યોગ એક્સપર્ટ અનિતા કુમારી આ બીમારીથી બચવા માટે કેટલાક ખાસ આસનો વિશે જણાવી રહી છે.

માલાસન
આ આસનને ‘ગારલેન્ડ પોઝ’ તરીકે પણ ઓળખવામાં આવે છે. આ આસન કરવાથી ગર્ભાશય પર દબાણ આવે છે અને પેલ્વિક એરિયામાં તણાવ પણ રહે છે. જે લોકોના શરીરમાં ગાંઠ હોય છે, તે પણ આ આસન કરી શકે છે.

આ રીતે કરો આસન
ઘૂંટણ પર બેસીને પ્રણામની મુદ્રામાં રહો. ત્યારબાદ તમારી જાંઘને ધીમે-ધીમે ફેલાવો. પગની ઘૂંટીને તમારા હાથથી પકડી રાખો અને શ્વાસને અંદરની તરફ લઈ જઈને પહેલાની સ્થિતિમાં પાછા ફરો.

પવનમુત્ત્કાસન
આ આસનનો અર્થ થાય છે હવાને બહાર કાઢવી. તેને ‘ગેસ રિલીઝિંગ પોઝ’ પણ કહેવામાં આવે છે. આ આસનથી કમરના નીચેના ભાગ અને ગર્ભાશય પર દબાણ પડે છે. આ આસનથી ત્યાંના કોષો સ્વસ્થ બને છે.

આ રીતે કરો આસન
પીઠના બળે સૂઈ જાઓ. બંને પગને લાંબા કરો. બંને પગ ઉભા કરો, ઘૂંટણને વાળો અને તેને તમારા હાથથી ઘેરી લો. શ્વાસ છોડતી વખતે ઘૂંટણને દબાવો. બંને પગને છાતી સુધી લઈ આવો. શ્વાસ અંદર લો, પગને પૂર્વની સ્થિતિમાં લાવો. આ રીતે 3થી 5 રાઉન્ડ કરો.

સુપ્ત પવનમુત્ત્કાસન
આ આસનથી આંતરિક અવયવોની માલિશ થાય છે. જે સ્ત્રીઓમાં યૂટરસ ફાઇબ્રોઇડ્સ હોય છે, તેમને આ આસન કરવાથી ફાયદો થાય છે.

આ રીતે કરો આસન
પીઠના બળે સૂઈ જાઓ. જમણો પગ ઉંચો કરો અને તમારા ઘૂંટણથી વળો. બંને હાથને એકસાથે બાંધી દો અને ઘૂંટણને પકડી રાખો. ધીમે-ધીમે ઘૂંટણને છાતી સુધી ધકેલો. શ્વાસ છોડતી વખતે માથું ઊંચું કરો. આ આસન વારાફરતી એક-એક પગથી કરો.

પાદહસ્તાસન
આ એક એવું આસન છે, જે હાથથી પગને સ્પર્શે છે. સ્ટ્રેચિંગથી જાંઘ અને ઘૂંટણ બંને મજબૂત બને છે. તેની અસર ગર્ભાશય પર પણ પડે છે. ત્યાંના કોષો તંદુરસ્ત રહે છે અને જો ગર્ભાશયમાં ગાંઠ હોય તો તેનો વધુ વિકાસ થતો નથી.

આ રીતે કરો આસન
ટટ્ટાર ઊભા રહો. બંને હાથ કમર પર રાખો. આગળ નમો, શ્વાસ ખેંચો અને કમરને ફેરવો. ધીરે-ધીરે નિતંબને ઉપરની તરફ ઉઠાવો. હાથને પગના અંગૂઠા સુધી લાવો. છાતીને પગનો સ્પર્શ થતો રહેવો જોઈએ. જાંઘને અંદરની તરફ દબાવીને રાખો અને એડીને શરીર સાથે સ્થિર રાખો.

સેતુબંધાસન
આ આસનને ‘બ્રિજ પોઝ’ તરીકે પણ ઓળખવામાં આવે છે. નિયમિત અભ્યાસ કરવાથી શરીરના નીચલા ભાગમાં લોહીનું પરિભ્રમણ ઝડપી બને છે તથા કમર અને જાંઘની આસપાસના સ્નાયુઓ પણ મજબૂત બને છે.

આ રીતે કરો આસન
પીઠના બળે સૂઈ જાઓ. શ્વાસની ગતિને સામાન્ય કરો. તમારે તમારા હાથને બાજુ પર લાવવા પડશે. ધીમે-ધીમે પગને ઘૂંટણથી ફેરવીને નિતંબની નજીક લાવો અને તેને જમીનથી ઉપરની તરફ ઉઠાવવાનો પ્રયાસ કરો. તમારા હાથ જમીન પર હોવા જોઈએ. થોડી સેકંડ માટે તમારા શ્વાસને રોકી રાખો ત્યારબાદ શ્વાસ બહાર કાઢો અને જમીન પર પાછા આવો.

સુપ્તબદ્ધ કોણાસન
આ આસન કરવાથી કમરના નીચેના ભાગના દુખાવામાં રાહત મળે છે, પ્રજનન અંગોની સમસ્યાઓ દૂર થાય છે. પેટની ચરબી ઓછી હોય છે. પેલ્વિક એરિયામાં ખેંચાણ આવે છે.

આ રીતે કરો આસન
શવાસનની મુદ્રામાં સૂઈ જાઓ. ઘૂંટણને અંદરની તરફ વાળો. બંને પગને એકસાથે અંદરની તરફ લાવો. હથેળીઓને નિતંબની નજીક મૂકો અને તેમને નીચેની તરફ દબાવો. શ્વાસ છોડતી વખતે પેટના નીચેના સ્નાયુઓને અંદરની તરફ ખેંચો. તેનાથી પેલ્વિક એરિયા સ્થિર થશે.

ડિસ્ક્લેમર: યોગના જે પણ આસનોનો ઉલ્લેખ કરવામાં આવ્યો છે તે યોગ નિષ્ણાતના માર્ગદર્શન હેઠળ જ કરવા જોઈએ. યોગાસન આ રોગોને મટાડે છે કે નિયંત્રણમાં રાખે છે તેમ યોગ નિષ્ણાત દ્વારા જણાવવામાં આવ્યું છે.