• Gujarati News
  • Lifestyle
  • Health
  • Diseases Like Zika Dengue Can Be Prevented By Biting The Throat Of Mosquitoes, Scientists Claim That Immunity Against The Virus Is Increased In Mosquitoes After Biting The Throat.

નવતર પ્રયોગ:મચ્છરોનું ગળ્યું મોં કરાવી ઝીકા-ડેન્ગ્યુ જેવી બીમારી રોકી શકાશે, ગળ્યું ખાધા બાદ મચ્છરોમાં વાઇરસ વિરુદ્ધ ઈમ્યુનિટી વધતી હોવાનો વૈજ્ઞાનિકોનો દાવો

4 મહિનો પહેલા
  • કૉપી લિંક
  • સ્વિત્ઝર્લેન્ડની MRC યુનિવર્સિટી ઓફ ગ્લાસલો સેન્ટર ફોર વાઇરસ રિસર્ચના વૈજ્ઞાનિકોએ પ્રયોગ કર્યો
  • મચ્છરોને ગળ્યું ખવડાવ્યા બાદ તેમનામાં વાઈરસનું સંક્રમણ ફેલાતું ન હોવાનો વૈજ્ઞાનિકોનો દાવો

મચ્છરનાં સ્વાસ્થ્ય સાથે પ્રયોગ કરી ડેન્ગ્યુ અને ઝીકા વાઈરસના કેસ ઘટાડી શકાય છે. મચ્છરોમાં એન્ટિ વાઇરલ ઈમ્યુનિટી ડેવલપ કરી આ રોગોના કેસમાં ઘટાડો લાવી શકાય છે. વૈજ્ઞાનિકોએ નવતર પ્રયોગમાં આ બીમારી ફેલાતા વાઈરસ વિરુદ્ધ ઈમ્યુનિટી ડેવલપ કરી છે.

સ્વિત્ઝર્લેન્ડની MRC યુનિવર્સિટી ઓફ ગ્લાસલો સેન્ટર ફોર વાઇરસ રિસર્ચના વૈજ્ઞાનિકોનું કહેવું છે કે બીમારીઓ ફેલાવનાર મચ્છર માદા એડીઝ ઈજિપ્ટીને શુગર (ખાંડ) ખવડાવ્ચા બાદ તેમનામાં વાઇરસ પોતાનું સંક્રમણ ફેલાવું શકતું નથી. આ રીત અપનાવાથી વાઇરસ મચ્છરોમાંથી માણસો સુધી પહોંચી શકતો નથી અને બીમારીનું જોખમ ઘટે છે.

આ કારણે મચ્છર ડેન્ગ્યુ સહિતની જીવલેણ બીમારી ફેલાવે છે
મચ્છર પોતાની એનર્જી માટે ફૂલોના પરાગ પર નિર્ભર રહે છે, પરંતુ પ્રજનન માટે તેમને લોહીની આવશ્યકતા હોય છે. ઓ લોહીની પ્રાપ્તિ માટે તે માણસોને કરડે છે. આ દરમિયાન મચ્છરમાં રહેલા ઝીકા અને ડેન્ગ્યુ જેવાં વાઇરસ માણસોમાં ફેલાય છે.

સંશોધક ડૉ. એમિલી પૉન્ડેવિલે જણાવે છે કે, શુગર ખાધા બાદ મચ્છરોમાં વાઇરસ વિરુદ્ધ ઈમ્યુનિટી વધી જાય છે, પરંતુ તેનું કોઈ ચોક્કસ કારણ સામે આવ્યું નથી. મચ્છરોનું ગળ્યું મોં કરી દુનિયાભરમાં જીવલેણ બીમારી ઓછી કરી શકાય છે.

મચ્છર 10 લાખ લોકોનાં મૃત્યુનું કારણ
વર્લ્ડ મસ્કિટો પ્રોગ્રામના જણાવ્યા પ્રમાણે, દુનિયાભરમાં દર વર્ષે મચ્છર કરડવાથી 70 કરોડ લોકો બીમાર પડે છે. તેમાંથી 10 લાખ લોકોનું મૃત્યુ થઈ જાય છે. દર્દીઓમાં સૌથી વધારે ઝીકા, યલો ફીવર, ચિકનગુનિયા, મલેરિયા અને ડેન્ગ્યુના કેસ સામે આવે છે.

યુરોપિયન સેન્ટર ફોર ડિસીઝ પ્રિવેન્શન એન્ડ કન્ટ્રોલના રિપોર્ટ પ્રમાણે, છેલ્લાં 20થી 30 વર્ષમાં યલો ફીવર મચ્છરોની સંખ્યા એ હદે વધી ગઈ છે કે તે સૌથી વધુ બીમારી ફેલાવનાર મચ્છરોની શ્રેણીમાં સામેલ થયા છે.

50 વર્ષમાં ડેન્ગ્યુના કેસમાં 30ગણો ધરખમ વધારો
WHOના જણાવ્યા પ્રમાણે, ડેન્ગ્યુનો વાઈરસ દર વર્ષે 40 કરોડ લોકોને સંક્રમિત કરી રહ્યો છે અને 25 હજાર લોકોનો ભોગ લઈ રહ્યો છે. WHOનું કહેવું છે કે છેલ્લાં 50 વર્ષમાં ડેન્ગ્યુના કેસમાં 30ગણો વધારો થયો છે. ડેન્ગ્યુના વાઈરસના સંક્રમણ બાદ તાવ અને શરીરમાં દુખાવા જેવાં લક્ષણો જણાય છે.

ગ્લોબલ વૉર્મિંગથી પણ કન્ટ્રોલ કરી શકાશે બીમારી
અમેરિકાના વૈજ્ઞાનિકોએ દુનિયામાં વધતા જતાં ગ્લોબલ વૉર્મિંગનો એક ફાયદો જણાવ્યો છે. વૈજ્ઞાનિકોનું કહેવું છે કે, ગ્લોબલ વૉર્મિંગને કારણે દેશ-દુનિયામાં ડેન્ગ્યુના કેસ ઘટી શકે છે. રિસર્ચ કરનારી પેન્સિલ્વેનિયા સ્ટેટ યુનિવર્સિટીના સંશોધક એલિઝાબેથ મેક્ગ્રા કહે છે કે, જ્યારે એડિઝ ઈજિપ્ટી મચ્છર ડેન્ગ્યુનો વાહક બને છે તો તેની ગરમી સહન કરવાની ક્ષમતા ઘટી જાય છે. તે સંક્રમિત કરવા લાયક રહેતો નથી. આ સિવાય મચ્છરોમાં આ રોગ રોકતાં બેક્ટેરિયા વોલ્બાચિયા પણ એક્ટિવ થઈ જાય છે. તેથી ગ્લોબલ વૉર્મિંગથી ડેન્ગ્યુના કેસ ઘટી શકે છે.

તાપમાન વધી જવાથી આ રીતે મચ્છર નબળાં પડે છે

  • ઈન્ડોનેશિયામાં ડેન્ગ્યુના કેસ ઘટાડવા માટે એક પ્રયોગ કરવામાં આવ્યો. મચ્છરોમાં વોલ્બાચિયા બેક્ટેરિયા ઈન્જેક્ટ કરવામાં આવ્યા. આ બેક્ટેરિયા ડેન્ગ્યુના વાઈરસ ફેલાતા રોકે છે. આ મચ્છરોને ખુલ્લાં વાતાવરણમાં છોડવામાં આવ્યા. રિસર્ચમાં સામે આવ્યું કે જે જગ્યાએ આ મચ્છરોને છોડવામાં આવ્યાં ત્યાં ડેન્ગ્યુના કેસમાં 77% ઘટાડો થયો.
  • સંશોધક એલિઝાબેથે મચ્છરો પર ક્લાઇમેટ ચેન્જની અસરને સમજવા માટે એક પ્રયોગ કર્યો. ડેન્ગ્યુ અને વોલ્બાચિયાથી સંક્રમિત મચ્છરોને પડદામાં રાખી 42 ડિગ્રી સેલ્સિયસ તાપમાાનવાળા ગરમ પાણીમાં ડુબાડવામાં આવ્યા. દુનિયાના અનેક દેશોમાં 42 ડિગ્રી સેલ્સિયસ સુધી તાપમાન પહોંચે છે.
  • પ્રયોગ બાદ જોવા મળ્યું કે, 42 ડિગ્રી સેલ્સિયસ તાપમાને મચ્છર કેટલા સમય બાદ સુસ્ત થઈ જાય છે અને તેનું મૃત્યુ થઈ જાય છે. રિસર્ચમાં સામે આવ્યું કે જે મચ્છરો ડેન્ગ્યુથી સંક્રમિત હતા તેઓ નબળા બન્યા અને 3 ગણા સુધી સુસ્ત થયા. તો વોલ્બાચિયા બેક્ટેરિયાથી સંક્રમિત મચ્છર 4 ગણા વધારે આળસુ બન્યા.
  • રિસર્ચમાં સાબિત થયું કે ગરમ તાપમાનમાં ડેન્ગ્યુ વાઈરસ અને વોલ્બાચિયા બેક્ટેરિયાથી સંક્રમિત મચ્છર નબળા પડવા લાગે છે. તે બીમારી ફેલાવા લાયક બચતા નથી. તેમની ગરમી સહન કરવાની ક્ષમતા ઘટી જાય છે. ન તે ચાલવા લાયક બચે છે ન તો ઉડવા લાયક.