• Gujarati News
  • Lifestyle
  • Health
  • Bajri Khichdi Will End The Problems Of Periods, To Stay Young, Eat Its Bread By Applying Ghee, The Skin Will Glow

આયુર્વેદિક લાઈફસ્ટાઈલ:બાજરીની ખીચડીનું સેવન કરવાથી પીરિયડ્સમાં આવતી સમસ્યા દૂર થશે, બાજરી અને ઘીનું સેવન તમને યુવાન બનાવશે

નિશા સિન્હા7 મહિનો પહેલા
  • કૉપી લિંક
  • બાજરીનાં સેવનથી ફેટ અને બ્લડ પ્રેશર કન્ટ્રોલમાં રહે છે
  • તેમાં ભરપૂર માત્રામાં એન્ટિ ઓક્સીડન્ટ હોવાથી તે એન્ટિ એજિંગ ટોનિકનું કામ કરે છે

શિયાળાની શરૂઆત થવાની સાથે જ ગુજરાતી ભાણામાં બાજરીનો ઉમેરો થઈ જાય છે. લોકો બાજરીના રોટલા સાથે ઓળો, લસણની ચટણી કે પછી ઘી-ગોળ સાથેના લાડુની લહેજત માણે છે. બાજરાના 2 પ્રકાર હોય છે. નાના આકારની અને મીઠા સ્વાદના અનાજને બાજરી કહેવાય છે.

કફનાશક બાજરી
બાજરી ગ્લુટન ફ્રી હોવાથી ઘણા લોકો તેને પસંદ કરવા લાગ્યા છે. કોરી બાજરી ખાવાથી શરીરમાં ડ્રાયનેસ વધે છે. તેથી દેશી ઘી અને માખણ સાથે તેનું સેવન કરવું જોઈએ. બાજરીની તાસીર ગરમ હોવાથી તે કફ દૂર કરે છે.

શિયાળામાં જ શા માટે બાજરી બને છે?
બાજરીની તાસીર ગરમ હોવાથી શિયાળામાં તેનો ઉપયોગ વધારે થાય છે. તેમાં પ્રોટીન, કોપર, આયર્ન, મેગ્નેશિયમ, ફોસ્ફરસ, પોટેશિયમ, ફોલિક એસિડ, વિટામિન B અને ઝિંક સહિતના પોષક તત્વો હોય છે. બાજરી ઓમેગા 3 ફેટી એસિડનો પણ સારો સોર્સ છે.

બાજરીની રાબ સુપર ડ્રિન્ક
ઘીમાં બાજરી સાંતડ્યા બાદ પાણી ઉમેરી આ રાબ બને છે.
બનાવવાની રીત: પેનમાં એક મોટી ચમચી ઘી ગરમ કરો. તેમાં સૂંઠ અને અજમો ઉમેરો. ત્યારબાદ તેમાં 6 ચમચી બાજરીનો લોટ ઉમેરો અને તેની સુગંધ આવે ત્યાં સુધી સાંતડો.

આ દરમિયાન એક વાસણમાં પાણી ગરમ કરો. તેમાં કેમિકલ ફ્રી ગોળ અને ચપટી મીઠું ઉમેરો. બાજરીના મિશ્રણમાં આ પાણી ઉમેરો. તેને મિક્સ કરતી વખતે ધ્યાન રાખવું કે તેમાં ગાંઠો ન બનવી જોઈએ.

છોકરીઓ માટે બાજરીની રાબ બેસ્ટ

  • PCOD અને PCOSની સમસ્યાથી પીડિત છોકરીઓ માટે આ રાબ ઘણી ફાયદાકરક છે.
  • અનિયમિત પીરિયડ્સમાં પણ આ રાબ લાભદાયક સાબિત થાય છે.
  • ગર્ભવતી મહિલા માટે આ રાબ સૂપર ડ્રિન્ક સાબિત થાય છે. માતા આ રાબ પીવે તો ગર્ભમાં ઉછરી રહેલું બાળક કુપોષણનો શિકાર બનતું નથી.
  • લોહીની ઊણપ હોય તો પણ આ રાબ લાભદાયક સાબિત થાય છે.

બાજરીની ખીચડીના ઘણા ફાયદા

  • ગર્ભવતી મહિલાઓએ બાજરી સાથે ચોખા અને મગની દાળની ખીચડીનું સેવન કરવું જોઈએ.
  • 6-8 મહિનાના બાળકને પણ બાજરીની ખીચડી ખવડાવવી જોઈએ.
  • ઘઉંની રોટલીમાં ઈનસોલ્યુબલ ફાઈબર નથી હોતું, બાજરીની રોટલીમાં તે ભરપૂર માત્રામાં હોય છે. ફિટ રહેવા માટે ઘઉંને બદલે બાજરીની રોટલીનું સેવન કરવું જોઈએ.

લાઈફસ્ટાઈલ ડિસીઝથી દૂર રાખશે

  • બાજરીનાં સેવનથી લોહીનું ફેટ ઓછું થાય છે. તે બ્લડ કોલેસ્ટેરોલ અને ટ્રાઈ ગ્લિસરાયડ્સ કન્ટ્રોલ કરે છે.
  • ઓમેગા 3 ફેટી એસિડ, પોટેશિયમ, મેગ્નેશિયમ અને ફાઈબર હોવાથી બાજરી રક્ત વાહિનીઓ એક્સપાન્ડ કરે છે. તેથી તેમાં ફેટ નથી જામતું અને બ્લડ પ્રેશર કન્ટ્રોલમાં રહે છે.

બાળકોને લાડુ ખવડાવો
બાજરીનો રોટલો, 1 વર્ષ જૂનો કેમિકલ ફ્રી ગોળ અને ગાયના ઘીનાં મિશ્રણનું સેવન લાભદાયક છે. બાળકોને તેના લાડુ આપવા જોઈએ. ભોજન માટે નખરાં કરતાં બાળકોને પૂરતું પોષણ મળતું ન હોય તો બાજરી-ગોળના લાડુ આપવા જોઈએ.

બોનસમાં બ્યૂટી મળે છે

  • બાજરીમાં બાયોટિન અને રાઈબોફ્લેવિન હોય છે. વિટામિન-B અને ફોલિક એસિડ હોવાથી તે વાળ ખરતાં અને ધોળા થવાથી બચાવે છે.
  • બાજરી ત્વચાની જૂની કોશિકાઓ દૂર કરી નવી કોશિકાઓ બનાવવાનું કામ કરે છે. તેનાથી ત્વચા ચમકે છે.
  • બાજરીમાં ભરપૂર માત્રામાં એન્ટિ ઓક્સીડન્ટ હોવાથી તે એન્ટિ એજિંગ ટોનિકનું કામ કરે છે.
  • દરરોજ 30 ગ્રામ બાજરીનાં સેવનથી બ્રેસ્ટ અને કોલોન કેન્સરનું જોખમ 50% ઓછું કરી શકાય છે.