ચીની વૈજ્ઞાનિકોનો દાવો:40% કોરોના દર્દીઓમાં કોરોના વાઇરસનાં કોઈ લક્ષણો નથી હોતાં, એનાથી વાઇરસ ટ્રેસિંગ મુશ્કેલ; કોમ્યુનિટી ટ્રાન્સમિશનનું જોખમ વધુ છે

5 મહિનો પહેલા
  • કૉપી લિંક
  • ચીનની પેકિંગ યુનિવર્સિટીના વૈજ્ઞાનિકોએ 3 કરોડ લોકોના ડેટાનું એનાલિસિસ કર્યું
  • રિસર્ચ પ્રમાણે, 40.5% લોકોને બીમારીનાં કોઈ લક્ષણો નહોતાં

કોરોના વાઈરસ સામેની લડતમાં દેશ સહિત દુનિયાભરમાં વેક્સિનેશનની કામગીરી પુરજોશમાં ચાલી રહી છે. વેક્સિનેશન વધતાં હવે કોરોનાનાં લક્ષણો ના બરોબર થઈ ગયાં છે. ચીનની પેકિંગ યુનિવર્સિટીના એક રિસર્ચ પ્રમાણે, 10માંથી 4 કોરોના સંક્રમિતોમાં કોઈ લક્ષણ જોવા મળતાં નથી. એને કારણે સંક્રમિત વ્યક્તિઓ થર્મલ મશીનના રડારમાં આવતા નથી.

સંક્રમણની જાણ ન હોય તેવી ઈન્ફેક્ટેડ વ્યક્તિ પોતાનો ટેસ્ટ કરાવતા નથી. એને કારણે વાઈરસનો ફેલાવો વાયુવેગે થઈ શકે છે. એસિમ્પ્ટોમેટિક દર્દીઓને કારણે કોમ્યુનિટી ટ્રાન્સમિશનનું જોખમ વધારે છે.

ચાઈનીઝ વૈજ્ઞાનિકોએ તેમના રિસર્ચમાં 95 સ્ટડી રિવ્યુ કર્યો, એમાં આશરે 3 કરોડ લોકોનો ડેટા સામેલ હતા. એમાં 35 સ્ટડી યુરોપનો, 32 નોર્થ અમેરિકાનો અને 25 એશિયાનો હતો. રિસર્ચમાં કોઈપણ લક્ષણ વગરના કોરોના દર્દીઓની ઓળખ કરવામાં આવી.

રિસર્ચમાં આ વાતો સામે આવી

  • રિસર્ચમાં સામેલ લોકોમાંથી 11,516 અથવા 0.25% લોકો વાઈરસથી સંક્રમિત હતા.
  • કોરોના પોઝિટિવ દર્દીઓમાંથી 40.5%ને બીમારીનાં કોઈ લક્ષણો નહોતાં.
  • સંક્રમિતોમાં સૌથી વધારે 54.11% ગર્ભવતી મહિલા હતી.
  • ત્યાર બાદ પ્લેન/ક્રૂઝમાં સફર કરનારા લોકો અને હેલ્થકેરવર્કર્સ સામેલ હતા.
  • સૌથી ઓછા અથવા ના બરાબર લક્ષણો 60+ ઉંમરના લોકોને હતાં.
  • સંક્રમણનો દર 20 વર્ષથી નાની ઉંમરના લોકોમાં વધારે હતો.
  • એસિમ્પ્ટોમિટક કેસ વિકસિત દેશોમાં સૌથી વધારે.
  • એસિમ્પ્ટોમિટક કેસમાં નોર્થ અમેરિકા પહેલા નંબરે, યુરોપ બીજા અને એશિયા ત્રીજા નંબરે.

વૈજ્ઞાનિકોની સલાહ
રિસર્ચ બાદ વૈજ્ઞાનિકોએ સલાહ આપી છે કે કોમ્યુનિટી ટ્રાન્સમિશનથી બચવા માટે મેક્સિમમ લોકોનું ટેસ્ટિંગ થાય એ જરૂરી છે, સાથે જ હેલ્થકેરવર્કર્સનું પણ સતત મોનિટરિંગ થવું જોઈએ, કારણ કે સૌથી વધારે જોખમ તેમને છે.

લક્ષણોની અવગણના ન કરો
માથાનો દુખાવો, શરદી-ઉધરસ, તાવ જેવાં લક્ષણો પણ કોરોનાના હોઈ શકે છે. આવાં લક્ષણોની અવગણના ન કરવી જોઈએ. વેક્સિનેશન અને કોવિડ પ્રોટોકોલનું પાલન કરવું જ ઉપાયની અસરકારક રીત છે.

અન્ય સમાચારો પણ છે...