રાશિ-ઉપાય
Home » Jyotish Vastu » Rashiupay » Ganesh Chaturthi 2018 know ganesh sthapan vidhi and auspicious muhurat

13 સપ્ટેમ્બરે ગજકેસરી, ઈન્દ્ર અને સ્થિર યોગમાં થશે શ્રીગણેશનું સ્થાપન, દૂર્વા ચઢાવી લાડુનો ભોગ લગાવવાથી ગજાનંદ થશે પ્રસન્ન

ધર્મ ડેસ્ક, અમદાવાદઃ ભાદરવા મહિનાના શુક્લ પક્ષની ચતુર્થી થિતિએ ગણેશ ચતુર્થીનું પર્વ મનાવવામાં આવે છે. ધર્મગ્રંથોમાં બતાવ્યા પ્રમાણે આ તિથિએ ભગવાન શ્રીગણેશનું પ્રાગટ્ય થયું હતું. આ દિવસે અનેક ઘરોમાં ભગવાન શ્રીગણેશની મૂર્તિઓ સ્થાપિત કરવામાં આવે છે. આ વખતે પણ ભગવાન શ્રીગણેશની મૂર્તિ સ્થાપિત કરવામાં આવે છે. આ વખતે આ પર્વ 13 સપ્ટેમ્બર, ગુરુવારે છે.

શુભ યોગમાં થશે ગણેશ ઉત્સવની શરૂઆત-

ઉજ્જૈનના જ્યોતિષાચાર્ય પં. પ્રફુલ્લ ભટ્ટના બતાવ્યા પ્રમાણે 12 સપ્ટેમ્બર, ગુરુવારે સ્વાતી નક્ષત્રના સંયોગથી સ્થિર નામનો શુભ યોગ બની રહ્યો છે. આ શુભ યોગમાં ગણપતિ સ્થાપના કરવાથી સ્થાયી સુખ અને લક્ષ્મી પ્રાપ્ત થશે. ચંદ્ર તુલા રાશિમાં દેવગુરુ બૃહસ્પતિની સાથે હોવાથી ગજકેસરી નામનો રાજયોગ બની રહ્યો છે. તેની સાથે જ ગણેશજીની સ્થાપનાના સમયે ઈન્દ્ર યોગ પણ બની રહ્યો છે. ભાદરવાના સુદ પક્ષની ચતુર્થી શુભ દિવસ, શુભ નક્ષત્ર, શુભ યોગ અને શુભ વાર હોવાથી શ્રીગણેશ બધા પ્રકારે શુભ ફળ આપનારા રહેશે.

આ વિધિથી કરો ભગવાન શ્રીગણેશની સ્થાપના-

-ગણેશ ચતુર્થીની સવારે વહેલાં ઊઠીને સ્નાન ઈત્યાદિ કર્યા પછી પોતાની ઈચ્છા પ્રમાણે સોના-ચાંજી, તાંબા, પીત્તળ કે માટીથી બનેલી ભગવાન ગણેશની મૂર્તિ સ્થાપિત કરો(શાસ્ત્રોમાં માટીથી બનેલી ગણેશની મૂર્તિની સ્થાપના શ્રેષ્ઠ માનવામાં આવી છે.)

-ત્યારબાદ ભગવાન શ્રીગણેશને જનેઉં પહેરાવો. અબીર, ગુલાલ, ચંદન, સિંદૂર, અત્તર વગેરે ચઢાવો. પૂજાનો દોરો અર્પિત કરો.ચોખા ચઢાવો.

-મંત્ર બોલીને 21 દૂર્વાદળ ચઢાવો. 21 લાડુઓનો ભોગ ચઢાવો. તેમાંથી 5 લાડુઓ મૂર્તિની પાસે રાખો અને 5 બ્રાહ્મણને દાન કરી દો. કર્પૂરથી ભગવાન ગણેશની આરતી કરો.

-બાકીના લાડુ પ્રસાદરૂપમાં વહેંચી દો. બ્રાહ્મણોને ભોજન કરાવો અને તેમને દક્ષિણા આપ્યા પછી સાંજના સમયે પોતે ભોજન કરો. પૂજાના સમયે આ મંત્ર બોલો

ऊं गं गणपतये नम:

દૂર્વા દળ ચઢાવવાનો મંત્ર-

ગણેશજીને 21 દૂર્વાદળ ચઢાવવામાં આવે છે. દૂર્વાદળ ચઢાવતી વખતે નીચે લખેલો મંત્રનો જાપ કરો.

ऊं गणाधिपतयै नम:
ऊं उमापुत्राय नम:
ऊं विघ्ननाशनाय नम:
ऊं विनायकाय नम:
ऊं ईशपुत्राय नम:
ऊं सर्वसिद्धप्रदाय नम:
ऊं एकदन्ताय नम:
ऊं इभवक्त्राय नम:
ऊं मूषकवाहनाय नम:
ऊं कुमारगुरवे नम:

-આ પ્રકારે પૂજા કરવાથી ભગવાન શ્રીગણેશ અતિ પ્રસન્ન થાય છે અને પોતાના ભક્તોની દરેક ઈચ્છા પૂર્ણ કરે છે.

ગણેશ સ્થાપનાના શુભ મુહૂર્ત-

સવારે 06:25 થી 07:45 સુધી
સવારે 10:57 થી બપોરે 12:15 સુધી
સવારે 11:20 થી બપોરે 01:30 સુધી(શ્રેષ્ઠ મુહૂર્ત)
બપોરે 01:31 થી 03:15 સુધી
સાંજે 05:12 થી 06:27 સુધી

સૂર્યાસ્ત પછી મૂર્તિ સ્થાપનનું વિધાન નથી

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

ગ્રહદશાવધુ

વાસ્તુશાસ્ત્રવધુ

TOP