Makar Rashi 2018 (દૈનિક મકર રાશિફળ), Capricorn Daily Horoscope, Capricorn Zodiac Sign Horoscope Today, Weekly, Monthly & Yearly
રાશિફળ
મકર
(ખ. જ.)
  • પોઝિટિવ
    કરિયરમાં નવી તક મળવાના યોગ છે. આર્થિક સ્થિતિમાં સુધારો થશે. આજે સંબંધો મજબૂત બનશે. સંબંધોમાં બદલાવ પણ આવશે. મોટા ભાગની સમસ્યાનું સમાધાન મળશે. તમારા પ્રયત્નો સફળ થશે. નજીકના લોકો સાથે વાતચીત થશે. ધાર્મિક કાર્યક્રમનો ફાયદો થશે.
  • નેગેટિવ
    રોકાણને લઈને લોકોની સલાહમાં ન પડવું. સંબંધોમાં બદલાવ આવશે. પરીવાર અને પૈસાની સમસ્યા વધી શકે છે. બિનજરૂરી ખર્ચ થશે. કોઈ ટિપ્પણીથી દૂર રહેવું. નુકસાન થવાનો ડર છે, સાવધાન રહેવુ.
  • ફેમિલી
    પરીવારમાં સમસ્યાઓ આવશે.
  • લવ
    પાર્ટનર સાથે વાતચીત કરવામાં સાવધાની રાખવી. બીજા કોઈનો ગુસ્સો પાર્ટનર ઉપર કાઢવો નહીં.
  • કેરિયર/પ્રોફેશન
    કાર્યક્ષેત્રમાં વિવાદ થઈ શકે છે. વિદ્યાર્થીઓ માટે દિવસ સારો રહેશે. મિત્રો સાથે સમય પસાર થશે. આજે તમને સારી સલાહ મળી શકે છે.
  • હેલ્થ
    માનસિક અશાંતિ રહેશે. થાક અને આળસ રહેશે.
  • ઉપાય
    હનુમાનજીને તેલનો દીવો કરવો.
મકર
(ખ. જ.)
  • પોઝિટિવ
    આ સાત દિવસ દરમિયાન અટવાયેલું કામ પૂરું થશે. કરિયરમાં આગળ વધવાની તક મળશે. રોજિંદા કામોથી ધનલાભ થશે. પોર્પર્ટીના કામમાં ભાઈ અને મિત્રોની મદદ મળશે. સપ્તાહની શરૂઆતમાં દુશ્મનો ઉપર જીત મેળવશો.
  • નેગેટિવ
    નોકરી કે બિઝનેસમાં તમે ષડયંત્રનો શિકાર બની શકો છો. તમારી કુંડળીમાં ચંદ્રમાની સ્થિતિના કારણે કામકાજમાં અવરોધ આવશે. સાવધાની રાખવી. વિવાદોથી દૂર રહેવીની કોશિશ કરવી.
  • ફેમિલી
    આ સપ્તાહ દરમિયાન તમે પાર્ટનરને લઈને ફરવા જઈ શકો છો.
  • લવ
    લવ લાઈફ માટે આ સમય ઠીક ઠીક રહેશે.
  • કેરિયર/પ્રોફેશન
    કામમાં મહેનત વધારે કરવી પડશે. મોટો નિર્ણય લેવામાં ઉતાવળ ન કરવી. બિઝનેસમાં ષડયંત્રનો શિકાર બની શકો છો. ભાગીદારીના ધંધામાં આગળ ન વધવું. રોકણ કરતી વેળાએ સાવધાની રાખવી.
  • હેલ્થ
    આ સપ્તાહમાં તમારું સ્વાસ્થ્ય નરમ-ગરમ રહેશે. પરિવારમાં કોઈ સભ્ય પણ બીમાર પડી શકે છે.
  • ઉપાય
    ઘર અને ઓફિસમાં પૂર્વ દિશામાં લાલ ફૂલ રાખવું.
મકર
(ખ. જ.)
  • પોઝિટિવ
    13 તારીખની સાંજ પછી સમય અનુકુળ બનશે. લગ્નજીવન સુખમય રહેશે. પરિવાર તરફથી સહયોગ મળશે. વિરોધીઓની હાર થશે. આવક સારી રહેશે. પરિવાર સાથે પ્રવાસમાં જવાનું થઈ શકે છે. નોકરીયાત વર્ગ માટે સમય સારો રહેશે.
  • નેગેટિવ
    1થી 10 જૂન- મંગળની દ્રષ્ટિ તમારી રાશિમાં છે. ચંદ્રમાં ચતુર્થ હોવાના કારણે મહિનાની શરૂઆતમાં મુશ્કેલી આવી શકે છે. નકામાં કામમાં સમય પસાર થશે અને આવકમાં પણ ઘટાડો થઈ શકે છે. વિવાદની બાબતમાં તમારો પક્ષ મજબુત રહેશે. પ્રેમની બાબતમાં નિરાશા મળી શકે છે. 11થી 20 જૂન સુધીનો સમય જોઈએ તો ચંદ્ર નવમ રહેશે. સાડાસાતીનો પ્રભાવ હોવાથી વાહનની સમસ્યા રહેશે અને ઈજા થવાની પણ સંભાવના રહેશે. આ દિવસો દરમિયાન સાવધાની રાખવી.21થી 30 જૂન સુધીના સમયમાં શનિની વક્રી હોવાથી આવેશમાં આવીને નુકસાન કરી શકો છો. ચંદ્રની ગતિ અનુકુળ રહેશે. નીચ મંગળ અને બુધની દ્રષ્ટિ રાશિ ઉપર પડશે. પાડોશીઓ તરફથી મદર મળશે. આવક સામાન્ય રહેશે.
  • ફેમિલી
    પરિવાર માટે સમય સારો રહેશે. ભાઈ તરફથી સહકાર મળશે. માત-પિતાના આશીર્વાદ મળશે. સંતાનની બાબતમાં સંતુષ્ટ રહેશો. લગ્નજીવનમાં અમુક સારી સૂચના મળી શકે છે. કોઈ વિવાદ કે ગેરસમજ હશે તો તેનો ઉકેલ આવશે. જીવનસાથી તરફથી ભાવનાત્મક સપોર્ટ મળશે.
  • લવ
    પાર્ટનર સાથેના સંબંધો મજબુત બનશે.
  • કેરિયર/પ્રોફેશન
    આ મહિને નોકરીની બાબતમાં તમને ભાગ્યનો સાથ મળશે. અશક્ય લાગતા કામને પણ તમે પૂર્ણ કરી શકો છો. તમારા વખાણ થશે. મનેજમેન્ટ પણ તમારા કામથી ખુશ થશે. વ્યવસાય માટે સમય સારો રહેશે. કોઈ પણ પ્રકારના નુકસાનની આશંકા નથી. તમે પહેલા કરતા વધુ સારી રીતે વસ્તુઓને મેનેજ કરી શકશો. સંપત્તિમાં વધારો થવાનો યોગ છે. વાહન ખરીદવાનું વિચારી શકો છો. કોઈ મોટી ડીલ તમારી પાસે આવી શકે છે. કોર્ટની કામગીરીમાં આવતી અડચણો દૂર થશે.
  • હેલ્થ
    સ્વાસ્થ્યને લઈને આ સમય સારો રહેશે. તમે પોતાની જાતને શારીરિક અને માનસિક રીતે વધારે સ્વસ્થ હોવાનું ફીલ કરશો.
  • ઉપાય
    ગણપતિ અથર્વશીર્ષના પાઠ કરો. હનુમાન મંદિરમાં આંકડાના પાનની માળા અર્પણ કરો.
મકર
(ખ. જ.)
  • પોઝિટિવ
    રાહુનું ભ્રમણ આપની રાશિથી છઠ્ઠા સ્થાને રહેશે, જે રોગ અને શત્રુઓનું સ્થાન છે. છઠ્ઠા સ્થાનનો રાહુ આપને શુભ ફળદાયી બનશે. જેમાં આ વર્ષે ઘણાં બધાં લાભનાં કાર્યો થઇ શકે છે. જુદાં જુદાં ક્ષેત્રોમાં પ્રગતિ થાય. એકંદરે આ વર્ષ ઘણું સાનુકૂળ બની રહે તેમજ જે કોઈ બાબત બગડી હોય તેને સુધારી શકાય. સ્થાવર મિલકતમાં આ વર્ષે આપ સારો એવો વધારો કરી શકો છો. વર્ષ દરમિયાન નાની નાની બચત કરી જમીન ઈત્યાદિ ખરીદી શકશો. કોઈ પણ ખરીદી કરતા કામના કાગળો તેમજ પોતાના ભાગીદાર સાથેના કરારો બરાબર વાંચી લેવા. નવા મકાન કે જે રહેતા હોવ તે મકાનના રિનોવેશન કરવાના યોગ બને છે. જૂનું મકાન કે મિલકત વેચી હોય તો તેમાંથી થોડાં નાણાંનું રોકાણ સોના-ઝવેરાતમાં કરવાથી લાભ થશે. નવી કાર વસાવી શકશો, પણ તેના માટે મહેનત વધારવી પડે. આવનારું આ વર્ષ આપના માટે બહુ હિલચાલવાળું કહી શકાય. વિદેશમાં જવાથી આપને લાભ થશે, પરંતુ ઇચ્છિત દેશના વિઝા મેળવવામાં આપને મુશ્કેલી થઇ શકે છે. વિદ્યાર્થીઓ કે જે વિદેશ અભ્યાસ માટે જવા ઇચ્છે છે તેમને વિઝા મેળવવામાં સફળતા મળી શકે છે. પરિવાજનોનાં વિદેશમાં કમાયેલાં નાણાંનું રોકાણ યોગ્ય રીતે કરવાથી લાભ થાય. જેના ભરોસે તમે ગયા હોય તેવી વિદેશમાં રહેતી વ્યક્તિઓના અસહકારને કારણે આપની મુશ્કેલીમાં વધારો થઇ શકે તેમ છે. ગુરુ ગ્રહ આપની રાશિથી લાભસ્થાને છે જેના કારણે ધારેલાં કાર્યો અટકાય, પરંતુ વર્ષ પસાર થતાં તે જ કાર્યો ઉકેલી શકો છો. આ વર્ષ દરમિયાન ગુરુની દૃષ્ટિએ યશ-કીર્તિ, પદ-પ્રતિષ્ઠા, માન-સન્માન પ્રાપ્ત કરી શકો. ભાગ્યનો સાથ મળવાથી સારી તકો ઊભી થાય. ગોચરની દૃષ્ટિએ ગ્રહબળને લીધે આવનારું વર્ષ આપને લાભ કરાવે.
  • નેગેટિવ
    આપની સફળતાની પાછળ ઘણાં બધાં કારણ હોઈ શકે છે, પરંતુ કોઈને હેરાન કરી કે કોઈનું નુકસાન કરી મેળવેલી સફળતા શત્રુઓમાં વધારો કરી શકે છે. જો કોઈએ તમારી ખોટી રીતે ફસામણી કરી હશે તો તમે તેમાંથી તમારો આબાદ બચાવ થશે. જે કોઈ જૂના કેસ ચાલે છે તેની મુદતો પડે જશે, જેથી વર્ષના મધ્યભાગ સુધી ધીરજ જાળવી રાખવી. શત્રુઓ દ્વારા કેટલીક મુશ્કેલી ઉપસ્થિત થઈ શકે છે, પરંતુ તેના કોઈ ગંભીર પરિણામ નહીં આવે. એકંદરે શત્રુ-કોર્ટ-કચેરીના મામલે આ વર્ષ મધ્યમ ફળદાયી બને. આ વર્ષ દરમિયાન આવકનાં સ્થાનો કરતાં જાવકનાં સ્થાનો વધુ છે. જે લોકોને કામ કરવું છે તેવા લોકોને સરળતાથી કામ ન મળતા નાણાકીય કટોકટી સર્જાઈ શકે છે. આપના ગત જન્મોનાં કે પ્રવર્તમાન સમયનાં સારાં કર્મોને કારણે આર્થિક સંકડામણ અનુભવાશે નહીં. એકંદરે આર્થિક દૃષ્ટિકોણથી આ વર્ષે વધુ સાચવીને પગલાં ભરવાં. માનસિક-ભાવાત્મક બાબતોમાં આ વર્ષ દરમિયાન ઘેરાયેલા રહેશો. આપની લાગણીઓ અને આપની સંવેદનાઓને કોઈ ન સમજતા આપને ઠેસ પહોંચી શકે છે. જેના કારણે આપના મનને ચેન ન પડે. વર્ષના મધ્ય ભાગ પછી પોતાના વ્યક્તિઓના સહકારને કારણે, ધાર્યા કાર્યમાં સફળતાને કારણે આપની ચિંતાનો ઉકેલ મળતો જાય. સંવત ૨૦૭૫ના વર્ષમાં આપની રાશિથી બારમા સ્થાને શનિનું ભ્રમણ રહેશે. જેના કારણે આપને અણધાર્યા ખર્ચા થઇ શકે છે. શનિની સાડાસાતીનો પ્રથમ તબક્કો ચાલે છે. જેના કારણે સામાન્ય મુશ્કેલીનો સામનો કરવો પડે. જો જન્મકુંડળીના ગ્રહો બળવાન હશે તો મુશ્કેલી ઓછી થશે નહિ, તો વધુ પરિશ્રમ કરવો પડે.
  • ફેમિલી
    સંતાનપ્રાપ્તિથી લઈને સંતાનોની અન્ય બાબતોએ આ વર્ષ આપના માટે ફાયદાકારક રહેશે. જે આશા અપેક્ષાઓ આપનાં સંતાનોથી રાખી છે તે પરિપૂર્ણ થાય. વ્યાવસાયિક અભ્યાસ કરતાં સંતાનોના સારા પરિણામથી આપને હરખ થઈ શકે છે. સંતાનપ્રાપ્તિ આડેની બાધાઓ ધીરે-ધીરે દૂર થવા લાગશે. સંતાનોના વિકાસ સંબંધિત ખર્ચમાં થોડો વધારો થઈ શકે છે. વિદ્યાર્થીઓ માટે આવનારું વર્ષ સફળતા અપાવનારું રહેશે. અભ્યાસ થકી શ્રેષ્ઠ કારકિર્દી ઘડી શકાશે. મહેનતના પ્રમાણમાં સારું ફળ મળશે. લગ્નજીવન સંદર્ભે આપનું આવનારું આ વર્ષ થોડું મધ્યમ રહી શકે છે. મોટી ઉંમરના વ્યક્તિઓ જેને લગ્નની ઉત્સુકતા છે તેવા મિત્રોને આનંદના સમાચાર મળી શકે છે. દાંપત્યજીવનમાં આ વર્ષે સંપૂર્ણ રીતે સાવધાન રહેવું. શંકા-કુશંકા આપનાથી બની શકે તેટલી દૂર રાખવી. જીવનસાથીના પ્રશ્નોનું સુખદ નિરાકરણ આપ લાવી શકો. આખા વર્ષ દરમિયાન એકબીજાને સમજી આગળ વધશો તો પ્રેમ-મધુરતામાં વધારો થશે. કોઈ બાબતે મનમુટાવ હોય તો વડીલોને વચ્ચે રાખીને સમાધાન કરવાથી જીવનમાં સુખની વૃદ્ધિ થશે.
  • લવ
    પ્રેમસંબંધમાં સફળતાનું મુખ જોવા મળી શકે છે. જોકે, ઘણાં બધાં વિઘ્નો પાર કરવાનાં થાય. જેને આપ પ્રેમ કરો છો એની મુલાકાતથી આપનો દિવસ આનંદમાં પસાર થાય. પ્રેમસંબંધને લગ્નસંબંધ સુધી પહોંચાડવામાં આપના નજીકના મિત્રોનો સાથ-સહકાર મળી રહે. જો તમે પ્રેમ પૈસા, સંપત્તિ, જમીન-વાહન કે માત્ર સુંદરતા જોઈને કર્યો હશે તો તે બહુ ટકશે નહીં. પરિવારમાં તમારા પ્રેમસંબંધની જાણ થઈ જવાથી તમારે સંબંધો છુપાવી નહીં રાખવા પડે, ઊલટાનું તેનાથી તમારી તમામ મુશ્કેલીઓ દૂર થશે. એકંદરે વર્ષ મધુરતાવાળું રહે.
  • કેરિયર/પ્રોફેશન
    નોકરીના ક્ષેત્રમાં આપની જવાબદારીમાં વધારો થાય. સરકારી નોકરી કરતા જાતકોને જો તેઓ યોગ્ય રીતે કાર્ય નહીં કરતા હોય તો તેમના પર કાયદેસરનાં પગલાં કે કાર્યવાહી થઇ શકે છે. વધુ ચિંતા નહીં રહે, પરંતુ સાવધાન રહેવું આપના માટે લાભદાયી રહે. ધંધામાં ટૂંકા ગાળાના ફાયદામાં આપ જે વિચારી રહ્યા છો તે ગણતરી અને ધારણા પ્રમાણેનું કામ થાય નહીં. બેંકની લોન વેપાર માટે લીધી હશે તો તેને ચૂકવવા સંબંધિત યોગ્ય વ્યવસ્થા કે યોજના ઘડી શકશો.
  • હેલ્થ
    આરોગ્યની દૃષ્ટિએ આ વર્ષે ખૂબ સકારાત્મક રહેજો નહીં તો આપે તેનું મોટું વળતર ચૂકવવું પડી શકે છે. માર્ચ મહિનાની આસપાસ કોઈ પણ કારણે નાની મોટી શસ્ત્ર ક્રિયા કરાવી પડી શકે તેમ છે. લાંબી મુસાફરીના કારણે ઢીંચણ અને કમ્મર સંબંધિત તકલીફ પડી શકે તેમ છે. લાંબા સમયથી ગંભીર બીમારી થઇ હોય તેવા જાતકોને રાહતના અને આનંદના સમાચાર પ્રાપ્ત થાય. ધાર્મિક યાત્રા એટલે કે કૈલાસ માનસરોવર કે ચારધામ યાત્રા થઇ શકે છે. પરિવારજનો સાથે હવા ખાવાના સ્થળે પ્રવાસનો આનંદ માણી શકો છો. બાળકોને નાની પિકનિક કરાવી શકશો.
  • ઉપાય
    શક્ય હોય તો કાળાં-વસ્ત્રો પહેરવાનું ટાળવું. આ વર્ષ દરમિયાન મહાદેવની પૂજા-ઉપાસના કરવાથી લાભ થાય. દર શનિવારે શિવલિંગ પર સરસવ અને મધથી અભિષેક કરવો લાભદાયી રહેશે. ગરીબ વ્યક્તિને જરૂરિયાતની વસ્તુનું દાન કરવું. હનુમાનજીના મંદિરમાં સાત શનિવાર સુધી સતત જઈને સફેદ આકડાની માળા અર્પણ કરવી અને હનુમાન ચાલીસાના પાઠ કરવા. ‘ૐ શનિશ્ચરાય નમ:|’ મંત્રનો 3 માળાજાપ કરવો. શનિવારે છાયાદાન કરવું.

ગ્રહદશાવધુ

રાશિ-ઉપાયવધુ

વાસ્તુશાસ્ત્રવધુ