હસ્તરેખા / હથેળીમાં જ હોય છે ધનલાભનાં નિશાન, આ ચિહ્નો આર્થિક સ્થિતિ વિશે પણ ભવિષ્ય ભાખે છે

divyabhaskar.com

Apr 26, 2019, 07:10 PM IST
The palm has sign of wealth which also predict the economic condition

ધર્મ દર્શન ડેસ્કઃ હસ્તરેખા જ્યોતિષવિદ્યા મુજબ, હથેળીની બનાવટ, રેખાઓ અને તેના દ્વારા બનતા કેટલાક નિશાન ભવિષ્ય દર્શાવે છે. આ ઉપરાંત નાની-નાની રેખાઓથી બનનારી આકૃતિઓ પણ ભવિષ્યમાં આવનારા બદલાવ તરફ ઈશારો કરે છે. આ રેખાઓ અને ખાસ ચિહ્નો જોઇને જાણી શકાય છે કે ભવિષ્યમાં તમારી આર્થિક સ્થિતિ કેવી રહેશે.


હસ્તરેખા અનુસાર આ રીતે જાણી શકાશે આર્થિક સ્થિતિ

  • જો કોઈ વ્યક્તિની હથેળીમાં જીવનરેખા સાચા ગોળાકારમાં હોય. મસ્તિષ્ક રેખા બે ભાગમાં વહેંચાયેલી હોય. હથેળીમાં ત્રિકોણનું ચિહ્ન બનેલું હોય. જો આ ત્રણેય લાક્ષણિકતાઓ હથેળીમાં એકસાથે હોય તો આવા લોકોને ધન લાભ થાય છે. આવી હથેળીવાળા લોકોને સમયાંતરે અચાનક ધન લાભ થઈ શકે છે.
  • ભાગ્યરેખા હથેળીના અંતિમ સ્થાનથી એટલે કે મણિબંધથી શરૂ થઈ રહી હોય અને શનિ પર્વત સુધી પહોંચી રહી હોય. આ ઉપરાંત, ભાગ્યરેખા પર કોઈ પ્રકારનું ખરાબ ચિહ્ન ન હોય તો વ્યક્તિ વ્યવસાયમાં સફળતા પ્રાપ્ત કરી શકે છે. આવા વ્યક્તિને વ્યવસાયમાંથી બહુ પૈસા કમાવવાનો યોગ બને છે.
  • જો કોઈ વ્યક્તિની હથેળી ભારે અને વિશાળ હોય, આંગળીઓ કોમળ અને નરમ હોય તો આવી હથેળી હોવાથી વ્યક્તિના ધનવાન બનવાનો યોગ બને છે.
  • હથેળીમાં શનિ પર્વત એટલે કે મધ્યમા આંગળી પાસેથી બે અથવા તેનાથી વધારે ઊભી રેખાઓ હોય તો વ્યક્તિને ધન અને સુખ મળે છે.
  • હથેળીમાં શનિ પર્વત જો ઊઠેલો હોય અને જીવનરેખા યોગ્ય રીતે વક્ર થતી હોય તો આ યોગ પણ ધનલાભ કરાવી શકે છે.
  • હથેળીના અન્ય યોગો અને અન્ય રેખાઓની શુભ-અશુભ અસરથી અહીં કહેવામાં આવેલા ફળાદેશ બદલાઈ પણ શકે છે.
X
The palm has sign of wealth which also predict the economic condition
COMMENT

Next Stories

    ની  સંપૂર્ણ વાંચનસામગ્રી