રશિયા-યુક્રેન યુદ્ધ અપડેટ્સ:બૂચા નરસંહારનો નવો વીડિયો સામે આવ્યો; રશિયાના સૈનિક 9 યુક્રેનના નાગરિકોને બિલ્ડિંગમાં લઈ ગયા, પછી ફાયરિંગ કર્યું

યુક્રેન પર રશિયાના હુમલાને બે મહિનાથી વધુ સમય પસાર થઈ ચુક્યો છે. બીજી બાજુ ફિનલેન્ડની મોટી ગેસ કંપની ગેસમે કહ્યું છે કે રશિયા શનિવારથી તેને કુદરતી ગેસનો પુરવઠો બંધ કરી દેશે. ગેસમ ફિનલેન્ડની રાજ્ય ગેસ કંપની છે.

રશિયાનું કહેવું છે કે ફિનલેન્ડ રૂબલમાં ચૂકવણી કરવામાં નિષ્ફળ રહ્યું છે, આ સંજોગોમાં તે આ પગલુ ભરી રહ્યું છે જો કે ક્રેમલિન ભૂતકાળમાં રશિયન ઊર્જા પુરવઠાનો રાજકીય સાધન તરીકે ઉપયોગ કરી રહ્યું છે. ગયા અઠવાડિયે રશિયાએ ફિનલેન્ડનો વીજ પુરવઠો પણ અટકાવી દીધો હતો. એવું માનવામાં આવે છે કે ફિનલેન્ડ દ્વારા નાટો સભ્યપદ માટે અરજી કરવાને કારણે રશિયા આ પગલુ ભરી રહ્યુ છે.

બીજી બાજુ, રાષ્ટ્રપતિ ઝેલેન્સકીએ કહ્યું છે કે રશિયન સૈનિકોએ ડોનબાસ વિસ્તારને સંપૂર્ણ રીતે નષ્ટ કરી દીધુ છે. તેમણે કહ્યું કે રશિયાએ તેના આક્રમણને વધુ ઘાતક બનાવ્યું છે. રશિયન સેનાને શક્ય તેટલા વધુ યુક્રેનિયનોને મારી નાખવાનો આદેશ આપવામાં આવ્યો છે. તેમણે કહ્યું કે રશિયા ફરીથી નરસંહાર કરી રહ્યું છે.

રશિયા-યુક્રેન યુદ્ધના મુખ્ય અપડેટ્સ...