ચૂંટણમાં હાર બાદ પહેલી વખત મીડિયાને સંબોધન:ટ્રમ્પે કહ્યું - ટૂંક સમયમાં જ રસી ઉપલબ્ધ થશે, અમેરિકામાં ફરીથી લોકડાઉન નહીં લગાવવામાં આવે

ચૂંટણીમાં નબળા દેખાવ પછી પહેલીવાર મીડિયા સમક્ષ આવેલા અમેરિકી રાષ્ટ્રપતિ ડોનાલ્ડ ટ્રમ્પે કહ્યું છે કે થોડા જ સપ્તાહમાં કોરોના વેક્સિન ઉપલબ્ધ થઈ જશે. તેમણે અમેરિકામાં ફરી લૉકડાઉન નહીં લગાવાય તેની પણ જાહેરાત કરી હતી. ઉલ્લેખનીય છે કે અમેરિકામાં કોરોના સંક્રમિતોનો આંકડો ફરી 1 લાખને ઉપર રહેવા માંડ્યો છે. છેલ્લા એક સપ્તાહથી રોજના 1 લાખથી વધુ કેસ આવી રહ્યાં છે. અમેરિકામાં કુલ કેસ 1.10 કરોડથી વધુનાં થયા છે.