સાન-ફ્રાન્સિસ્કો:ટ્રાફિકમાં કાર ઊભી રહેતાં લાભ લીધો, કારની પાછળનો કાચ તોડી બૅગ ઊઠાવી યુવક ભાગી ગયો

સાન-ફ્રાન્સિસ્કોમાં ધોળા દિવસે થયેલી ચોરીની ઘટનાનો વીડિયો સામે આવ્યો છે. વીડિયોમાં સ્પષ્ટ જોઈ શકાય છે કે, એક યુવક તેની કારથી આગળ જતી કારનો પીછો કરે છે. થોડીવાર પછી તે કાર ટ્રાફિકમાં ઊભી રહે છે અને યુવક તેની કારમાંથી ઊતરે છે. ત્યાર બાદ તરત જ તે બીજી કારનો પાછળનો કાચ તોડે છે અને તેમાંથી એક બૅગ ઊઠાવી પોતાની કારમાં બેસી ભાગી જાય છે. આ ચોરીની ઘટના બંને કારની પાછળ આવી રહેલી ટેસ્લા કારના ડૅશબોર્ડના કેમેરામાં કેદ થઈ હતી. ટેસ્લા કારના ચાલકે ઘરે જઈને વીડિયો જોતાં ઘટના રેકોર્ડ થઈ હોવાની તેને જાણ થઈ હતી. આ બાબતે પોલીસે ફરિયાદ નોંધી ચોરી કરનાર યુવકની તપાસ હાથ ધરી છે.