• Gujarati News
  • International
  • Thousands Of Boys And Girls Sat In The Ground And In The Spectator Gallery, There Were Only 1167 Vacancies.

પાકિસ્તાનના સ્ટેડિયમમાં પોલીસ ભરતી પરીક્ષા, 30 હજાર કેન્ડિડેટ:હજારો છોકરા-છોકરીઓ મેદાનમાં અને દર્શક ગેલેરીમાં બેઠાં, ફક્ત 1167 વેકેન્સી હતી

ઇસ્લામાબાદએક મહિનો પહેલા
  • કૉપી લિંક

તમે મોટા ભાગે સ્ટેડિયમમાં રમત રમાતી જોઇ હશે પરંતુ પરંતુ પાકિસ્તાનમાં તેને પરીક્ષા કેન્દ્ર બનાવવામાં આવ્યું. સોશિયલ મીડિયા પર એક વીડિયો ખૂબ વાઇરલ થઇ રહ્યો છે. તેમાં દાવો કરવામાં આવ્યો છે કે ઇસ્લામાબાદના સ્ટેડિયમમાં બેસીને પોલીસ ભરતી માટે 30 હજારથી વધુ લોકોએ પરીક્ષા આપી છે.

આર્થિક તંગીથી કંગાળ પાકિસ્તાનમાં લોકો પાસે નોકરીઓ નથી. એવામાં જ્યારે ઇસ્લામાબાદમાં પોલીસ ભરતી માટે 1,167 પદો માટે પરીક્ષા લેવાઇ તો તેમાં બેરોજગાર ઊમટી પડ્યા જેથી આખું સ્ટેડિયમ ભરાઇ ગયું. વિદ્યાથી-વિદ્યાર્થિનીઓએ સ્ટેડિયમથી લઇને દર્શક ગેલેરીમાં બેસીને પરીક્ષા આપી.

પાકિસ્તાનના ઇસ્લામાબાદના ખીચોખીચ ભરેલા સ્ટેડિયમમાં પોલીસ ભરતીની પરીક્ષા આપી રહેલા લોકો.
પાકિસ્તાનના ઇસ્લામાબાદના ખીચોખીચ ભરેલા સ્ટેડિયમમાં પોલીસ ભરતીની પરીક્ષા આપી રહેલા લોકો.
ઇસ્લામાબાદના સ્ટેડિયમમાં થઇ રહેલી પોલીસ ભરતીની પરીક્ષા દરમિયાન પરિક્ષાર્થીઓની વચ્ચે ઊભા રહેલા ગાર્ડ.
ઇસ્લામાબાદના સ્ટેડિયમમાં થઇ રહેલી પોલીસ ભરતીની પરીક્ષા દરમિયાન પરિક્ષાર્થીઓની વચ્ચે ઊભા રહેલા ગાર્ડ.
ઇસ્લામાબાદના સ્ટેડિયમમાં પરીક્ષા આપી રહેલી મહિલાઓ
ઇસ્લામાબાદના સ્ટેડિયમમાં પરીક્ષા આપી રહેલી મહિલાઓ
પાકિસ્તાનમાં બેરોજગારી સતત વધતી રહી છે જેનો એક દાખલો ઇસ્લામાબાદના સ્ટેડિયમમાં જોવા મળ્યો.
પાકિસ્તાનમાં બેરોજગારી સતત વધતી રહી છે જેનો એક દાખલો ઇસ્લામાબાદના સ્ટેડિયમમાં જોવા મળ્યો.

પાકિસ્તાનમાં બેરોજગારીની સ્થિતિ
પાકિસ્તાનની આર્થિક હાલત લગાતાર ત્યાંના યુવાઓ પાસેથી રોજગારના અવસર છીનવી રહી છે. પાકિસ્તાન ડેવલોપમેન્ટ ઇકોનોમિક્સના એક રિપોર્ટ અનુસાર ત્યાંના 31% યુવાઓની પાસે રોજગાર નથી. આ 31% લોકોમાં 51 ટકા બેરોજગાર મહિલાઓ છે, જ્યારે 16 ટકા પુરુષોની પાસે નોકરી નથી.

આમાંથી વધુ પડતા યુવાઓ પાસે સારી ડિગ્રી છે. રિપોર્ટમાં એ પણ જણાવ્યું કે લેબર ફોર્સમાં પણ યુવાઓની ભાગીદારી બિલકુલ નથી. અથવા તો આ એવા લોકો છે જે કામ મળવાની આશા છોડી ચૂક્યા છે, અથવા તો તેમને રોજબરોજની જિંદગી જીવવા માટે અલગ જગ્યાઓથી પૈસા મળે છે.

પાકિસ્તાનની આર્થિક હાલત એટલી ખરાબ કે સેનાને પણ અપીલ કરવામાં આવી પાકિસ્તાનની આર્થિક હાલત એટલી ગંભીર સ્થિતિમાં છે કે ત્યાંની સેનાએ આ માટે ચિંતા કરવી પડે છે. 2022ના છેલ્લા દિવસે પાકિસ્તાન આર્મીના ચીફ સૈય્યદ અસીમ મુનીરે દરેક લોકોને દેશની ઇકોનોમીને બચાવવાની અપીલ કરી હતી.

એક નજર પાકિસ્તાનના સતત ઘટી રહેલા ફોરેન એક્સચેન્જ રિઝર્વ પર

પાકિસ્તાનની અર્થવ્યવસ્થાની મુશ્કેલી

  • પાકિસ્તાન પાસે આ સમયે માત્ર 6.7 અરબ ડોલર વિદેશી મુદ્રા ભંડાર એટલે કે ફોરેક્સ રિઝર્વ છે. આમાં 2.5 અરબ ડોલર સાઉદી અરબ, 1.5 અરબ ડોલર UAE અને 2 અરબ ડોલર ચીનના છે. આ પંડ સિક્યોરીટી ડિપોઢિટ છે એટલે કે શાહબાગ શરીફ સરકાર તેને ખર્ચ નથી કરી શકતી. બીજી વાત, સાઉદી અરબ અને UAE 36 કલાકની નોટિસ પર આ પૈસા પાછા લઇ શકે છે. 2019માં પણ પાકિસ્તાનનું ફોરેન રિઝર્વ આટલું જ હતું.
  • IMFએ 1.7 અરબ ડોલરની લોનનો ત્રીજો હપ્તો આપવાની ગયા મહિને ના પાડી દીધી. તેઓ પાકિસ્તનને શરતો અનુસાર રેવેન્યુ વધારવા અને ખર્ચ ઓછો કરવા માટે કહી રહ્યું છે.
  • 8 ડિસેમ્બરે પાકિસ્તાને સાઉદીને એક લેટર લખ્યો અને જલદીમાં જલદી 3 અરબ ડોલર ઉધાર આપવાની વિનંતી કરી. જાન્યુઆરીમાં જ 8.8 અરબ ડોલરનો હપ્તો ચૂકવવાનો છે. જાહેર છે કે એક તરફ તેઓ 6.7 અરબ ડોલરનું રિઝર્વ ખાલી નથી કરી શકતા, તો બીજી તરફ બીજા દેશો કે સંગઠનો પાસેથી તેમને મદદ નથી મળતી.
અન્ય સમાચારો પણ છે...