કોરોના દુનિયામાં:કોરોનાના દર્દીઓનો આંક 10 કરોડની નજીક, બ્રિટનમા એક લાખ લોકોમાં સૌથી વધુ 142 લોકોના મૃત્યુ

દુનિયામાં કોરોના દર્દીઓની સંખ્યા વધીને 9.93 કરોડ થઈ ગઈ છે. આજે આ આંકડો 10 કરોડ પર પહોંચી શકે છે. આમાંથી સાત કરોડથી વધુ દર્દીઓ સાજા થઇ ચૂક્યા છે. એશિયન દેશોમાં જ્યાં, કોરોનાના કેસોમાં ઘટાડો થયેલો જોવા મળી રહ્યો છે ત્યાં, યુરોપ અને અમેરિકાને હજી રાહત મળી નથી. વિશ્વના સૌથી વધુ મૃત્યુ દરવાળા પાંચ દેશમાં અમેરિકા સિવાય ચાર દેશ યુરોપના છે.

એક લાખ લોકોમાં કોરોનાથી મૃત્યુ બાબતે બ્રિટન સૌથી આગળ છે. તે પછી ચેક રિપબ્લિક, ઇટલી, અમેરિકા અને સ્પેન આવે છે. આ યાદીમાં ભારત 19માં ક્રમે છે. અહીં એક લાખની વસ્તીમાં 11 જ મૃત્યુ થયા છે. બ્રિટનમાં છેલ્લા સાત દિવસથી દરરોજ 1000થી વધુ મૃત્યુ થઇ રહ્યા છે. એક જ દિવસમાં સૌથી વધુ 1820 લોકોનાં મૃત્યુ ગત બુધવારે નોંધાયા છે.

બ્રિટનમાં અત્યાર સુધીમાં 96 હજારથી વધુ લોકોના મૃત્યુ

જોન હોપકિંસ યુનિવર્સિટીના અનુસાર, મહામારી શરૂ થયા બાદથી અત્યાર સુધીમાં UKમાં કુલ 96,166 લોકોનાં મૃત્યુ થયાં છે. હેરાન કરનારી બાબત એ છે કે અમેરિકા અને બ્રિટન સહિત મોટાભાગના યુરોપના દેશોમાં વેક્સિનેશન શરૂ થઇ ચૂક્યું છે. હવે દુનિયામાં અત્યાર સુધીમાં 21 લાખ 30 હજારથી વધુ લોકોએ પોતાનો જીવ ગુમાવ્યો છે. આ આંકડા www.worldometers.info/coronavirus અનુસાર છે.

કોરોનાથી અસરગ્રસ્ત ટોપ-10 દેશોની પરિસ્થિતી

(આ આંકડા www.worldometers.info/coronavirus/ મુજબના છે.)