દિવાળી સુધીમાં તૈયાર થશે મંદિર:2022માં દુબઈનું હિન્દુ મંદિર તૈયાર થઈ જશે; જ્યાં મંદિર બની રહ્યું છે ત્યાં ગુરુદ્વારા, ચર્ચ પણ, એક જ જગ્યાએ 3 ધાર્મિક સ્થળ થઈ જશે

દુબઈમાં નવું હિન્દુ મંદિર આકાર પામી રહ્યું છે જે આગામી વર્ષે દિવાળી સુધી શ્રદ્ધાળુઓ માટે ખુલ્શેલું મુકાશે. મંદિર પરિસર 75 હજાર ચો.ફૂટમાં બની રહ્યું છે. મુખ્ય મંદિર 25 હજાર ચો.ફૂટમાં હશે જ્યાં 11 દેવી-દેવતાઓનો નિવાસ હશે. મંદિરમાં નિર્માણ પાછળ આશરે 150 કરોડ રૂપિયા ખર્ચ થશે. મંદિર જેબેલ અલી વિસ્તારમાં ગુરુનાનક દરબાર પર બની રહ્યું છે. આ મંદિર બુર્જ દુબઈના સઉક બનિયાસમાં સિંધી ગુરુ દરબાર મંદિરના વિસ્તારમાં છે. સિંધી ગુરુ દરબાર મંદિર યુએઈમાં સૌથી જૂનાં હિન્દુ મંદિરો પૈકી એક છે. સિંધી ગુરુ દરબાર મંદિરના ન્યાસી રાજુ શ્રોફે રવિવારે કહ્યું કે અમે 2022માં દિવાળી પર તેને ખોલવાની તૈયારી કરી રહ્યા છીએ. આ મંદિર બન્યા પછી ચર્ચ, ગુરુદ્વારા અને મંદિર એક જ સ્થાને આવી જશે.

અબુધાબીમાં પણ એક મંદિર બની રહ્યું છે
યુએઇના અબુધાબીમાં પણ એક હિન્દુ મંદિર બની રહ્યું છે જે શહેરનું પ્રથમ મંદિર હશે. તે 16.7 એકરમાં બનશે. તેના નિર્માણ પાછળ આશરે 900 કરોડ ખર્ચ થવાનો અંદાજ છે. તે 2023 સુધીમાં બનીને તૈયાર થઈ જશે તેવો દાવો કરાયો છે.

મંદિરના માળખામાં બે બેઝમેન્ટ, એક ફ્લૉર પણ

11 દેવી-દેવતાઓની મંદિરમાં સ્થાપના થશે