ચીન:શેનજેન શહેરમાં વગર ભૂકંપે 300 મીટર ઊંચો ટાવર હલવા લાગ્યો, લોકોમાં અફરાતફરી મચી ગઈ

ચીનના શેનજેન શહેરમાં અચાનક 300 મીટર ઊંચો SEG પ્લાઝા નામનો ટાવર હલવા લાગતાં અફરાતફરી મચી ગઈ હતી. જોકે, કોઈ ભૂકંપ ન આવ્યો હોવા છતાં 73 માળનો ટાવર હલતો હતો. આ દરમિયાન ટાવરમાં હાજર લોકોને તાત્કાલિક બહાર કાઢવામાં આવ્યા હતાં. આ ઉપરાંત ત્યાં હાજર લોકો આ જોઈને ડરીને ત્યાંથી ભાગી ગયાં હતાં. આ વીડિયો ત્યાં હાજર લોકોએ તેમના મોબાઇલમાં બનાવીને શેર કર્યાં હતાં. વર્ષ 2000માં બનેલા આ ટાવર હલતો હોવા અંગે સ્થાનિત તંત્ર દ્વારા તપાસ હાથ ધરવામાં આવી છે.