તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • International
  • Silent Revolt For Clean Air In Indonesia, Case Against Three Cabinet Ministers, Including The President, For Failing To Control Pollution

આમ હોય!:ઈન્ડોનેશિયામાં સ્વચ્છ હવા માટે શાંત વિદ્રોહ, પ્રદૂષણ કાબૂમાં લેવા નિષ્ફળ રહેવા બદલ રાષ્ટ્રપતિ સહિત ત્રણ કેબિનેટ મંત્રી સામે કેસ

ન્યુયોર્ક2 મહિનો પહેલા
  • કૉપી લિંક
  • જાગૃત નાગરિકોની અરજી, મુશ્કેલીનો ઉકેલ લાવવાના બદલે સરકાર નવી રાજધાની બનાવશે

જ્યારે હું ઈન્ડોનેશિયામાં જાકાર્તાના ટ્રાફિકજામ ધરાવતા રસ્તા પરથી પસાર થઉં છું, ત્યારે મને ખાંસી આવવા લાગે છે. પરંતુ મોં પર માસ્ક હોવાના કારણે સારી રીતે ખાંસી પણ નથી શકતો. એ પછી જ્યારે પણ હું મોં રૂમાલથી લૂછું છું ત્યારે તેના પર કાળો કચરો દેખાય છે. જો ચહેરાની આવી સ્થિતિ હોય, તો વિચારો કે ફેફસાંમાં કેટલો કાળો ધુમાડો જતો હશે!

આ વ્યથા છે ઈન્ડોનેશિયાના સૌથી પ્રદૂષિત શહેર જાકાર્તાના 36 વર્ષીય વીડિયોગ્રાફર અદિથો હરિનુગ્રોહોની. અદિથો એ કેસમાં પક્ષકાર છે, જેમાં ઈન્ડોનેશિયાના રાષ્ટ્રપતિ જોકો વિડોડો સહિત આરોગ્ય, પર્યાવરણ અને ગૃહમંત્રી સહિત ત્રણ પ્રાંતના ગવર્નરોને શહેરમાં પ્રદૂષણ કાબૂમાં લેવામાં નિષ્ફળ રહેવા બદલ કરાયો છે. 32 લોકો દ્વારા કરાયેલા આ કેસમાં જાકાર્તાના કમ્પ્યુટર શિક્ષક ઈસ્તુ પ્રાયોગી પણ પક્ષકાર છે. તેમણે પાંચ વર્ષ પહેલાં ફેફસાંની મેડિકલ તપાસ કરાવી હતી. તેમાં ખબર પડી કે, સિગારેટ પીવાથી જેટલું નુકસાન થાય છે, તેટલું જ નુકસાન પ્રદૂષણના કારણે થયું છે. તેઓ તો ધૂમ્રપાન પણ નથી કરતા. હકીકતમાં તેમની આ દશા જાકાર્તાના ટ્રાફિકમાં કલાકો વિતાવવાના કારણે થઈ છે.

આ કેસની સુનાવણી ગુરુવારે થવાની હતી, પરંતુ કેસ ફાઈલમાં થોડા કાગળ ગુમ થઈ જવાના કારણે જજોએ સુનાવણી ટાળી દીધી. ઈસ્તુના મતે, સ્વચ્છ હવા ખૂબ જ મહત્ત્વનો મુદ્દો છે કારણ કે તેની દરેક વ્યક્તિને જરૂર છે. 2.9 કરોડની વસતી ધરાવતા જાકાર્તામાં પ્રદૂષણ એટલું બધું છે કે, રાષ્ટ્રપતિ વિડોડોએ આ મુશ્કેલીને નજરઅંદાજ કરી દીધી છે અને નવી રાજધાની બનાવવાની જાહેરાત કરી દીધી છે.

પ્રદૂષણના કારણે કોરોનાની અસર પણ વધુ ગંભીર થશે: સંશોધન
દુનિયાનાં 576 શહેરમાં પર્યાવરણની સ્થિતિનું વિશ્લેષણ કરનારી ફર્મ વેરસિક મેપલક્રાફ્ટના ગયા સપ્તાહે જારી રિપોર્ટ પ્રમાણે, જાકાર્તા સૌથી વધુ ખતરામાં છે. તેના કારણે અહીં ભૂકંપ અને પૂરનો ખતરો રહે છે. આ રિપોર્ટમાં ચેતવણી અપાઈ છે કે, ઈન્ડોનેશિયામાં પ્રદૂષણથી કોરોનાની અસર વધુ ગંભીર થશે. દુનિયાના સૌથી મોટા ચોથા નંબરના આ દેશમાં કોરોનાના 17 લાખ કેસ છે, જે દક્ષિણ પૂર્વ એશિયાના કોઈ દેશનો સર્વાધિક આંકડો છે. નિષ્ણાતોને વધુ ચિંતા બાળકો-યુવાનોની છે, જેમણે આખી જિંદગી આ જોખમ સામે લડવાનું છે.

અન્ય સમાચારો પણ છે...