અમેરિકા:11 વર્ષની ટેણીને ઉઠાવીને કિડનેપર ભાગ્યો, બાળકીએ હિંમતપૂર્વક સામનો કરી જીવ બચાવ્યો

અમેરિકાના ફ્લોરિડામાં એક 11 વર્ષની બાળકીએ કિડનેપરને ઊભી પૂંછડીએ ભગાડ્યો હતો. અહીં વેસ્ટ પેંસાકોલાના બસ સ્ટેન્ડ પાસે બાળકી બસની રાહ જોતી હતી. આ દરમિયાન એક કિડનેપર SUV લઈને આવ્યો હતો. કિડનેપર કારમાંથી ઉતરીને બાળકી તરફ ગયો અને બાળકીને ઉઠાવી ભાગવાનો પ્રયત્ન કર્યો. આ દરમિયાન કિડનેપર અને બાળકી બંને જમીન પર પછડાયા હતાં. આ પછી કિડનેપર ડરીને ત્યાંથી ભાગી ગયો હતો. મહત્ત્વનું છે કે, પોલીસે ફરિયાદ નોંધી જારેડ પૉલ સ્ટેંગ નામના કિડનેપરની ધરપકડ કરી વધુ તપાસ હાથ ધરી છે.