નવો ટ્રેન્ડ:યુરોપિયન દેશોમાં લોકોને એક સરકાર 2 વર્ષથી વધુ સમય માટે જોઈતી નથી

લોકોમાં અધિકારો પ્રત્યેની જાગૃતિ અને લોકમતના દબાણનું પરિણામ એ છે કે વિશ્વમાં લોકશાહી સરકારો અને તેમના નેતાઓ ઝડપથી બદલાઈ રહ્યા છે. યુરોપના મોટાભાગના દેશોમાં દર બે વર્ષે સરકાર બદલાતી રહે છે. કારણ કે લોકો બે વર્ષથી વધુ સમય પછી એક જ સરકાર ઈચ્છતા નથી. 2022માં જ બ્રિટનમાં ત્રણ લોકો વડાપ્રધાન બન્યાં હતાં.

પ્યુ રિસર્ચ સેન્ટરના એક અભ્યાસમાં આ વાત સામે હતી. જેમાં બીજા વિશ્વ યુદ્ધથી 2022 સુધીમા બ્રિટન સહિત યુરોપિયન યુનિયનના 22 દેશોમાં સરકારના સરેરાશ કાર્યકાળની ગણતરી કરવામાં આવી હતી. આ રિસર્ચનું તારણ આ છે કે મોટાભાગના યુરોપિયન દેશોમાં બે વર્ષમાં એકવાર સરકાર બદલાય છે. બેલ્જિયમ, ફિનલેન્ડ અને ઇટાલીમાં સૌથી ટૂંકા કાર્યકાળવાળી સરકારો હતી. આ દેશોમાં સરકારો સરેરાશ એક વર્ષ પણ ટકી શકી નથી. બંધારણમાં નક્કી કરાઈ સમયસીમાની સામે સરકારો ખૂબ જ ટૂંકા ગાળા માટે ચાલી શકી હતી.લક્ઝમબર્ગમાં સરકારનો સરેરાશ કાર્યકાળ સૌથી વધુ સાડા ચાર વર્ષનો હતો. જો કે, આ પણ પાંચ વર્ષના નિશ્ચિત કાર્યકાળ કરતાં ઓછો રહ્યો છે.

પ્યુ રિસર્ચ સેન્ટરના અભ્યાસ મુજબ એવું જરૂરી નથી કે ફેરફારો માત્ર ચૂંટણી દ્વારા જ આવે. પક્ષો વચ્ચે ગઠબંધનથી સંસદમાં બહુમતી મેળવ્યાં પછી સરકારમાં ફેરફારો થયા હતાં. દાખલા તરીકે, બ્રિટનમાં 2022માં નવા વડાપ્રધાન ચૂંટણી વગર જ બન્યા હતા. યુરોપના તમામ દેશોમાં આવું બન્યું છે. આ બાબત બેલ્જિયમ, એસ્ટોનિયા, ફિનલેન્ડ, ઇટાલી, લાતવિયા, પોલેન્ડ અને સ્લોવેનિયામાં ખૂબ જ સામાન્ય છે.

પક્ષના નેતાઓ પર ધ્યાન કેન્દ્રિત કરવાથી કાર્યકાળ ઘટયો
લંડનની ક્વીન મૈરી યુનિવર્સિટીના પ્રો. ટિમ બાલેનું કહેવું છે કે પાર્ટીના નેતાઓ પર વધુ ફોકસ એ મુખ્ય કારણ છે કે પીએમનો કાર્યકાળ લાંબો થતો નથી. મતદારો અને પક્ષના લોકો કંઈપણ ખોટું થાય તે માટે નેતાને જવાબદાર માને છે. અગાઉ રાજકારણમાં પસંદગીનો ક્રમ હતો. પરંતુ હવે સાંસદો આટલી ઝડપથી આગળ વધવા માટે અધીરા છે, તેઓ દબાણ ઊભું કરે છે જેણે સંસદીય રાજકારણને અસ્થિર કર્યું છે. લંડન સ્કૂલ ઓફ ઈકોનોમિક્સના પ્રો. પેટ્રિક ડનલિવી ઓસ્ટ્રેલિયાનું ઉદાહરણ આપે છે જ્યાં 12 વર્ષમાં નવ વડાપ્રધાન બન્યા છે. નેતા ખોટી નીતિઓ અપનાવે છે, વચનો પૂરા કરતા નથી જેથી નેતૃત્વમાં મતભેદ થાય છે.

બ્રિટનમાં સરકારની અસ્થિરતા પાછળ બ્રેક્ઝિટ
ઇન્સ્ટિટ્યૂટ ફોર ગવર્નમેન્ટના જીલ રટરે 2016માં જણાવ્યું હતું કે બ્રિટિશ રાજકારણમાં છેલ્લાં 6 વર્ષથી સૌથી વધુ અસ્થિર બ્રેક્ઝિટ વોટર્સ છે. ડેવિડ કેમરન દ્વારા 2016માં બ્રેક્ઝિટ પર રેફરેંડમ પછી બ્રિટને 6 વર્ષમાં 4 વડાપ્રધાન જોયા છે.