• Home
  • International
  • Nepal Oli India Ayodhya | Nepal Prime Minister K P Sharma Oli Hits Out By His Own Communist Party Over Anti India And Ayodhya Statements.

ભારત વિરોધી નિવેદન અંગે ઓલીની ફજેતી / સત્તારૂઢ પાર્ટીના પ્રવક્તાએ કહ્યું- અયોધ્યા અંગે વડાપ્રધાનનું નિવેદન બિનજરૂરી, તેના લીધે પાડોશી દેશ સાથે સંબંધ બગડશે

તસવીર નેપાળના વડાપ્રધાન કેપી શર્મા ઓલીની છે.તેમની પાર્ટીના પ્રવક્તાએ ઓલીના ભારત વિરોધી નિવેદનોને ગેરજવાબદારી ભર્યા અને નક્કામા ગણાવ્યા છે.(ફાઈલ તસવીર)
X

  • નેપાળના વડાપ્રધાને થોડા દિવસ પહેલા અયોધ્યા અને ભારત અંગે નિવેદન આપ્યું હતું
  • ઓલીએ નેપાળના વીરગંજને ભગવાન રામનું જન્મસ્થળ ગણાવ્યું હતું

દિવ્ય ભાસ્કર

Aug 01, 2020, 05:36 PM IST

કાઠમાંડૂ. પહેલાથી પાર્ટીમાં વિરોધનો સામનો કરી રહેલા નેપાળના વડાપ્રધાન કેપી શર્મા ઓલીની મુશ્કેલીમાં વધારો થયો છે. તેમની કોમ્યુનિસ્ટ પાર્ટી ઓફ નેપાળના સીનિયર લીડર નારાયણકાજી શ્રેષ્ઠાએ ઓલીના ભારત અને અયોધ્યા અંગે આપેલા નિવેદનોની ટિકા કરીને તેને ખોટા ગણાવ્યા છે. શ્રેષ્ઠાના જણાવ્યા પ્રમાણે, ઓલીના નિવેદનોના કારણે નેપાળ અને ભારતના સંબંધો બગડી શકે છે.શ્રેષ્ઠા પાર્ટીની સૌથી મજબૂત એકમ સેન્ટ્રલ કમિટિના સચિવ અને પાર્ટીના પ્રવક્તા પણ છે.

બે નિવેદનોના કારણે મુશ્કેલી
ઓલીએ ગત દિવસોમાં નેપાળના વીરગંજ જિલ્લાના થોરીને ભગવાન રામનું જન્મસ્થળ ગણાવ્યું હતું. આ પહેલા તેઓ ભારત પર તેમને ખુરશી પરથી હટાવવાના ષડયંત્ર રચવાનો આરોપ લગાવી ચુક્યા હતા.ભારતે આ નિવદેન માટે કોઈ પ્રતિક્રિયા નહોતી આપી. પરંતુ ઓલીને તેમની જ પાર્ટીના સીનિયર લિડરશીપ પાસેથી જવાબ મળી રહ્યો છે. મુખ્ય વિરોધી પ્રચંડના નેતૃત્વ વાળુ જૂથ ઓલીના રાજીનામાની માંગ કરી રહ્યું છે.

આવા નિવેદનોથી તણાવ પેદા થાય છે
ઓલીના નિવેદનો અંગે શ્રેષ્ઠાએ એક ઈન્ટરવ્યૂમાં કહ્યું કે, આ પ્રકારના નિવેદન ખોટા, બિનજરૂરી, નક્કામાં છે. આવા નિવેદનોથી તણાવ પેદા થાય છે. એક વડાપ્રધાન આ પ્રકારની વાતો કેવી રીતે કરી શકે છે. આ તો ભારત સાથે આપણા સંબંધ બગાડવાની વાત છે. એવું કહેવું ખોટું નથી કે વડાપ્રધાન ભારત વિરોધી નિવેદન આપીને ભયાનક ભૂલ કરી રહ્યા છે. જો આપણી વચ્ચે કોઈ મતભેદ છે તો તેનું વાતચીત દ્વારા નિરાકરણ લાવી શકાય છે.

પાર્ટી જ સાથે નથી
શ્રેષ્ઠાએ ઓલીના ત્રણ નિવદેનો અને ત્રણ ભૂલોને સ્વીકારી. સાથે જ ઈશારામાં એ સ્પષ્ટ કરી દીધું કે પાર્ટી આ નિવદેનનું સમર્થન નથી કરતી. આ પ્રવક્તાના જણાવ્યા પ્રમાણે, સત્યમેવ જયતે, અયોધ્યા અને સરકાર પાડવાના કાવતરા વાળા ઓલીના નિવેદન પાયાવિહોણા છે.

Next Stories

    ની  સંપૂર્ણ વાંચનસામગ્રી