સેનાની સંસદમાં ઘૂસણખોરીનો વીડિયો વાઇરલ:એક બાજુ યુવતી એરોબિક્સ કરતી રહી અને પાછળથી સેનાએ મ્યાનમારની સંસદ પર કરી લીધો કબજો

ભારતના પડોશી દેશ મ્યાનમારમાં સોમવારે સરકાર પલટાઈ ગઈ છે. સેનાએ રાષ્ટ્રપતિ બિન મિન્ત અને સર્વોચ્ચ નેતા શ્રીમતી આંગ સાન સૂને નજરકેદ કરી લીધાં છે. મ્યાનમાર પર અત્યારે હવે સેનાનું શાસન છે. હવે સવાલ એ થાય કે મ્યાનમારની સંસદમાં સેના કેવી રીતે ઘૂસી અને સરકાર પલટાઈ એ પહેલાં વાતાવરણ કેવું હતું? તો આ દરેક સવાલના જવાબ એક મહિલા ડાન્સરના વીડિયોમાં બધું જ ભૂલમાંથી રેકોર્ડ થઈ ગયું છે. હકીકતમાં મહિલા ડાન્સર સંસદભવનની બહાર એરોબિક્સ એક્સર્સાઈઝ કરતો વીડિયો રેકોર્ડ કરી રહી હતી. એ જ સમયે સેનાનો કાફલો સંસદભવનમાં ઘૂસ્યો હોવાની ઘટના કેદ થઈ છે.

સોશિયલ મીડિયા પર 12 લાખથી વધારે વખત જોવાયો વીડિયો
મહિલા ડાન્સરનું નામ ખિંગ હનિન વાઈ છે. વાઈની સાથે વીડિયોને સોશિયલ મીડિયા પર 12 લાખથી વધારે લોકો જોઈ ચૂક્યા છે અને 45 હજાર વખત રિટ્વીટ કરવામાં આવ્યો છે. વીડિયોમાં જોવા મળી રહ્યું છે કે મ્યાનમારના પાટનગર નેપિડોમાં સવારે ઘણી એસયુવી ગાડી સંસદભવન બાજુ ગઈ હતી. વીડિયોમાં જોવા મળી રહ્યું છે કે સંસદભવનની પાસે ઘણાં બેરિકેડિંગ છે. તેમ છતાં સૈનિકોના કાફલાને અંદર જવાની મંજૂરી મળી જાય છે. વીડિયોમાં દેખાઈ રહ્યું છે કે ડાન્સરને પણ એ વાતનો અંદાજ નથી કે તેની પાછળ શું થઈ રહ્યું છે અને તેના કેમેરામાં ડાન્સ સિવાય બીજું શું રેકોર્ડ થઈ રહ્યું છે.

ખિંગ હનિન વાઈને નવો વીડિયો પોસ્ટ કરીને ખુલાસો કરવો પડ્યો