ડેનમાર્કમાં PM મોદી:PM મોદીએ કહ્યું-વિશ્વને તબાહ કરવામાં ભારતની કોઈ જ ભૂમિકા રહી નથી, ભારત તો છોડમાં પરમાત્માને જુએ છે અને નદીને માતા માને છે

કોપનહેગન25 દિવસ પહેલા
  • PM મોદીએ કહ્યું- તમારા પાંચ વિદેશી મિત્રોને ભારત ફરવા મોકલશો તો ભારત બહુ મોટી શક્તિ બનશે

ડેનમાર્કમાં વડાપ્રધાન મેટે ફ્રેડરિક્સન સાથે મહત્વની મુલાકાત યોજ્યા બાદ PM મોદીએ હવે ત્યા વસવાટ કરી રહેલા ભારતીય સમુદાયને સંબોધિત કરી રહ્યા છે. બેલા સેન્ટરમાં મોટી સંખ્યામાં આવેલા ભારતીય સમુદાયના લોકો સાથે તેમના મનની વાત કરી રહ્યા છે. ગઈકાલે સોમવારે પણ PM મોદીએ જર્મનીમાં રહેલા ભારતીય સમુદાય સાથે વાત કરી હતી.

PMના સંબોધનની મહત્વની બાબત

  • PM મોદીએ કહ્યું કે ડેનમાર્ક અને ભારત વચ્ચેના સંબંધ ઘણા મજબૂત છે. ડેનમાર્કમાં રહેતા ભારતીય અલગ-અલગ સમુદાયથી આવે છે. સૌની ભાષા અલગ છે. કોઈ તમિલ છે, કોઈ ગુજરાતી છે તો કોઈ બંગાળના છે. ભાષાને લઈ કોઈ ભેદભાવ નથી.
  • PM મોદીએ કોરોના કાળનો ઉલ્લેઘ કરતા કહ્યું કે તેની અસર સમગ્ર વિશ્વ પર થઈ છે. પણ ભારત એક નિર્ણાયક ભૂમિકા ભજવી રહ્યું છે. તેમણે કહ્યું કે જો ભારત દ્વારા મેડ ઈન ઈન્ડિયા વેક્સિન તૈયાર કરવામાં આવી ન હોય તો આ સંકટમાં વિશ્વની શું સ્થિતિ સર્જાઈ હોત? ભારત દ્વારા આ મુશ્કેલ સમયમાં વેક્સિન તથા દવા પૂરી પાડવામાં આવી છે.
  • PM મોદીએ ડિજીટલ ઈન્ડિયાનો પણ ઉલ્લેખ કર્યો. તેમણે કહ્યું કે અગાઉ કોઈને આશા ન હતી કે ભારત ડિજીટલની દિશામાં આગળ વધી શકશે. પણ તેમની સરકારે આ વિચારોને બદલ્યા. સ્ટાર્ટ અપ અંગે પણ મોદીએ કહ્યું કે અગાઉ વિશ્વમાં આ બાબતમાં ભારતને ધ્યાનમાં લેવામાં આવતું ન હતું. પણ હવે યુનિકોર્ન બાબતમાં ભારત વિશ્વમાં ત્રીજા ક્રમ પર છે.
  • સરકારની વર્તમાન કાર્યશૈલી અંગે PM મોદીએ કહ્યું કે હવે દેશમાં સ્પીડ, સ્કોપ સાથે શેર એન્ડ કેર પર વિશ્વાસ દર્શાવવામાં આવી રહ્યો છે. અન્યોની સાથે પણ આવશ્યક સેવાઓની વહેચણી કરવામાં આવે છે. આ સાથે PM મોદીએ સ્પષ્ટ કહ્યું કે વિશ્વને તબાહ કરવામાં ભારતની કોઈ જ ભૂમિકા રહી નથી. ભારત તો છોડમાં પરમાત્મા જુએ છે, નદીને પણ માતા માને છે.
  • PM મોદીએ પર્યાવરણની સુરક્ષા અંગે ભારત દ્વારા ભરવામાં આવી રહેલા પગલાનો પણ ઉલ્લેખ કર્યો. તેમણે કહ્યું કે યૂઝ એન્ડ થ્રો વાળી થિયરીને લીધે જ પર્યાવરણને ભારે નુકસાન થયું છે. તમારા ખિસ્સાના કદથી એ નક્કી કરવું જોઈએ નહીં કે તમે કેટલો વપરાશ કરશો, પણ તમારી જરૂરિયાત કેટલી છે તેના આધારે વપરાશ નક્કી થવો જોઈએ.
  • આ સાથે ડેનમાર્કમાં રહેતા ભારતીયોને PM મોદીએ એક કામ પણ આપ્યું છે. તેમણે કહ્યું કે જો તમે દર વર્ષે તમારા પાંચ નોન ઈન્ડિયન ફ્રેન્ડને ભારત મોકલશો, ત્યાં ફરવા માટે પ્રેરણા આપશો તો આમ કરવાશી ભારત એક મોટી શક્તિ બની જશે.

PM મેટે ફ્રેડરિકસને PM મોદીનું સ્વાગત કર્યું
વડાપ્રધાન નરેન્દ્ર મોદી તેમની યુરોપ યાત્રાના બીજા દિવસે આજે ડેનમાર્ક પહોંચ્યા છે.કોપેનહેગન એરપોર્ટ પર PM મેટે ફ્રેડરિકસને તેમનું સ્વાગત કર્યું હતુ. અહીંથી PM મોદી ફ્રેડરિકસનના નિવાસ સ્થાને પહોંચ્યા હતા. PM મોદીએ પ્રધાનમંત્રી ફ્રેડરિકસન સાથે ગ્રીન સ્ટ્રેટજીક પાર્ટનર અને દ્વિપક્ષીય સંબંધ જેવા મુદ્દે ડિલિગેશન લેવલની બેઠક યોજી હતી તથા સંયુક્ત પત્રકાર પરિષદનું પણ આયોજન કર્યું હતું. ત્યારબાદ PM મોદી તથા PM ફ્રેડરિકસને ઈન્ડિયા-ડેનમાર્ક બિઝનેસ ફોરમમાં ભાગ લીધો હતો.

PM મોદીએ કહ્યું- ભારતમાં રોકાણ કરવાનો આ યોગ્ય સમય
ફોરમમાં PM મોદીએ કહ્યું- અત્યારે સોશિયલ મીડિયા પર એક શબ્દ ઘણો લોકપ્રિય થઈ રહ્યો છે. આ શબ્દ છે-FOMO એટલે કે ફિયર ઓફ મિસિંગ આઉટ. આજે જો આપણે ભારતમાં વ્યાપારને લગતા સુધારા અને રોકાણને લગતી તકો જોઈએ તો કહી શકાય છે કે જેઓ આ સમયે ભારતમાં રોકાણ નહીં કરે તેઓ ચોક્કસપણે એક સારી તક ગુમાવી દેશે.

PM મોદીની વાતનો જવાબ આપતા ડેનિશ PMએ કહ્યું- મને અત્યાર સુધી લાગતુ હતું કે FOMO ફક્ત ફ્રાઈડે નાઈટ અથવા પાર્ટીઓ માટે જ ઉપયોગમાં લેવાય છે, પણ હવે મને સમજાયું કે આ શબ્દ ભારત વિશે છે.

રશિયા-યુક્રેન યુદ્ધ રોકવાની અપીલ કરીઞ

ડેલિગેશન લેવલની બેઠકમાં બે દેશોના ગ્રીન સ્ટ્રેટીજીક પાર્ટનરશિપમાં વિકાસ અંગે સમિક્ષા કરી. બન્ને નેતાએ સ્કીલ ડેવલપમેન્ટ, ક્લાઈમેટ, પુનઃપ્રાપ્ય ઊર્જા, આર્કટિક, P2P સંબંધ જેવા મુદ્દે ચર્ચા કરી છે.જોઈન્ટ પ્રેસ કોન્ફરન્સમાં વડાપ્રધાન મોદીએ રશિયા-યુક્રેન યુદ્ધ રોકવાની અપીલ કરી હતી. તેમણે કહ્યું કે, ડેનિશ પીએમની સાથે બેઠકમાં તેમણે આ યુદ્ધ મુદ્દે પણ ચર્ચા કરી હતી અને બંને દેશોનું એવું જ માનવું છે કે, રશિયા અને યુક્રેને વાતચીત અને રાજનીતિ દ્વારા સમસ્યાનો ઉકેલ લાવવો જોઈએ.

વડાપ્રધાન નરેન્દ્ર મોદી તેમની યુરોપ યાત્રાના બીજા દિવસે ડેનમાર્ક પહોંચ્યા છે . જતા પહેલા તેઓ ભારતીય સમુદાયને મળ્યા હતા. પીએમ મોદીએ લોકોને ન માત્ર ઓટોગ્રાફ આપ્યા, પરંતુ હાથ જોડીને તેમનો આભાર પણ વ્યક્ત કર્યો હતો. જતાં જતાં લોકોએ તેમને કહ્યું- વી લવ યુ સર.

વડાપ્રધાન નરેન્દ્ર મોદી તેમના યુરોપ પ્રવાસના બીજા દિવસે એટલે કે આજે ડેનમાર્કની મુલાકાત લેશે. અહીં ડેન્માર્કની રાજધાની કોપનહેગનમાં વડાપ્રધાન મેટે ફ્રેડરિકસનની સાથે મુલાકાત કરશે. ગ્રીન સ્ટ્રેટેજિક પાર્ટનરશિપ અને દ્વિપક્ષીય સંબંધો આ બેઠકના મુખ્ય મુદ્દાઓ હશે. આ સાથે ભારત-ડેનમાર્ક રાઉન્ડ ટેબલ બેઠકમાં ભાગ લેશે અને ડેનમાર્કમાં ભારતીય સમુદાયને પણ સંબોધન કરશે.

વડાપ્રધાન કાર્યાલયે એક અખબારી યાદી બહાર પાડીને ડેનમાર્કની મુલાકાત અંગે વિસ્તૃત માહિતી આપી છે. વડાપ્રધાન મેટે ફ્રેડરિકસન સાથે મુલાકાત સિવાય પીએમ મોદી બીજી ઈન્ડો-નોર્ડિક સમિટમાં પણ ભાગ લેશે. ડેનમાર્ક ઉપરાંત આ સમિટમાં ફિનલેન્ડ, આઈસલેન્ડ, નોર્વે અને સ્વીડન સામેલ થશે.

સમિટમાં આર્થિક સુધારા અને જળવાયુ પરિવર્તન જેવા મુદ્દાઓ પર ફોકસ રહેશે
ઈન્ડો-નોર્ડિક સમિટમાં આર્થિક સુધારા, ક્લાઈમેટ ચેન્જ, ઈનોવેશન, ટેક્નોલોજી, રિન્યુએબલ એનર્જી અને આર્કટિક ક્ષેત્રમાં ભારત-નોર્ડિક સહકાર જેવા વિષયો પર ધ્યાન કેન્દ્રિત કરવામાં આવશે. આ સિવાય પીએમ મોદી ફિનલેન્ડ, આઈસલેન્ડ, નોર્વે અને સ્વીડનના સ્ટેટ હેડ્સને પણ મળશે.

2018 ઈન્ડો-નોર્ડિક શિખર સંમેલન.
2018 ઈન્ડો-નોર્ડિક શિખર સંમેલન.

નોર્ડિક દેશો ભારત માટે સસ્ટેનેબિલિટી, રિન્યુએબલ એનર્જી, ડિજિટાઇઝેશન અને ઈનોવેશનમાં મહત્ત્વપૂર્ણ ભાગીદારો છે. PM મોદી 3 અને 4 મેના રોજ ડેનમાર્કની મુલાકાત બાદ પરત ફરતી વખતે તેઓ ફ્રાન્સ પણ જશે. અહીં તેઓ રાષ્ટ્રપતિ ઈમેન્યુઅલ મેક્રોનને પેરિસમાં ફરીથી વિજય બદલ અભિનંદન આપશે.

ભારત અને જર્મની વચ્ચે ગ્રીન એનર્જી પર મહત્ત્વપૂર્ણ કરાર
વડાપ્રધાન નરેન્દ્ર મોદીએ ગઈકાલે જર્મનીના ચાન્સેલર ઓલાફ સ્કોલ્ઝ સાથે મુલાકાત કરી હતી. આ પછી બંને નેતા પ્રતિનિધિમંડળ સ્તરની બેઠકમાં સામેલ થયા હતા. આમાં ભારત અને જર્મની વચ્ચે ગ્રીન ઊર્જા પર એક મહત્ત્વપૂર્ણ કરાર થયા હતા. મોદીએ કહ્યું હતું- ભારત અને જર્મની સાથે મળીને ગ્રીન હાઈડ્રોજન ટાસ્કફોર્સની રચના કરશે.

બેઠક બાદ એકસાથે હાજર રહેલું ભારત અને જર્મનીનું ડેલિગેશન.
બેઠક બાદ એકસાથે હાજર રહેલું ભારત અને જર્મનીનું ડેલિગેશન.

વિદેશ મંત્રાલયના જણાવ્યા અનુસાર, બંને દેશ વચ્ચે સતત વિકાસ પર એક કરાર થયા છે, જે અંતર્ગત ભારતને 2030 સુધીમાં ક્લીન એલર્જીને પ્રોત્સાહન આપવા માટે 10.5 અબજ ડોલરની નાણાકીય સહાય ઉપલબ્ધ થશે.

અન્ય સમાચારો પણ છે...