તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • International
  • It Would Not Be Good If India Sent Troops To Afghanistan; India's Sarcasm: A Government Formed By The Force Of Power Is Not Acceptable

તાલિબાનની ધમકી:ભારતે અફઘાનિસ્તાનમાં સેના મોકલી તો સારું નહીં થાય, ભારતે આપ્યો સણસણતો જવાબ - તાકાતના દમ પર રચાયેલી સરકારને સમર્થન નહીં

નવી દિલ્હીએક મહિનો પહેલા
  • તાલિબાન પ્રવક્તાએ કહ્યું- અન્ય દેશોના દૂતાવાસો અને અધિકારીઓને તાલિબાન તરફથી કોઈ જોખમ નથી

અફઘાનિસ્તાનમાં કંધાર સહિત 19 પ્રાંત પર કબજો મેળવનાર તાલિબાન હવે કાબુલ એરપોર્ટથી માત્ર એક કલાક દૂર છે. આ દરમિયાન તાલિબાનના પ્રવક્તા મોહમ્મદ સુહેલ શાહીને ભારતને ચેતવણી આપી છે કે જો ભારત અફઘાનિસ્તાનમાં સૈન્ય મોકલશે તો તે સારું રહેશે નહીં. તમે અફઘાનિસ્તાનમાં અન્ય દેશોની સૈન્યની સ્થિતિ જોઈ છે, તેથી આ મુદ્દો એક ખુલ્લી પુસ્તક છે. તાલિબાન પ્રવક્તાએ શનિવારે ન્યૂઝ એજન્સી ANI સાથેની વાતચીતમાં આ વાત કરી હતી.

તાલિબાનના પ્રવક્તા મોહમ્મદ સુહેલ શાહીને દાવો કર્યો છે કે અન્ય દેશોના દૂતાવાસો અને અધિકારીઓને તાલિબાન તરફથી કોઈ જોખમ નથી.
તાલિબાનના પ્રવક્તા મોહમ્મદ સુહેલ શાહીને દાવો કર્યો છે કે અન્ય દેશોના દૂતાવાસો અને અધિકારીઓને તાલિબાન તરફથી કોઈ જોખમ નથી.

આ તરફ ભારતે પણ સ્પષ્ટ શબ્દોમાં કહ્યું છે કે તે અફઘાનિસ્તાનમાં તાકાતના દમ પર રચાયેલી સરકારને માન્યતા નહીં આપીએ. ભારત સિવાય જર્મની, કતાર, તુર્કી અને અન્ય ઘણા દેશોએ અફઘાનિસ્તાનમાં હિંસા અને હુમલાને તાત્કાલિક બંધ કરવાની અપીલ કરી છે.

તાલિબાને શનિવારે સવારે પત્તિયા પ્રાંતની રાજધાની શરના પર કબ્જો કર્યાનો દાવો કર્યો છે. ત્યાં મોટા પ્રમાણમાં હથિયાર મળ્યા છે. તાલિબાન પ્રવકતાનું કહેવું છે કે અહીં ભીષણ લડાઈ બાદ કબ્જો કરાયો છે.
તાલિબાને શનિવારે સવારે પત્તિયા પ્રાંતની રાજધાની શરના પર કબ્જો કર્યાનો દાવો કર્યો છે. ત્યાં મોટા પ્રમાણમાં હથિયાર મળ્યા છે. તાલિબાન પ્રવકતાનું કહેવું છે કે અહીં ભીષણ લડાઈ બાદ કબ્જો કરાયો છે.

તાલિબાન પ્રવક્તાએ ANIને આપેલા ઈન્ટરવ્યુમાં એમ પણ કહ્યું હતું કે ભારતે અફઘાનિસ્તાનના લોકોને અહીંના પ્રોજેક્ટ્સને જે મદદ આપી છે, તે સારી છે. અફઘાનિસ્તાનના પત્તિયાના ગુરુદ્વારામાંથી નિશાન સાહિબનો ધ્વજ હટાવવાની ઘટના પર તાલિબાન પ્રવક્તાએ દાવો કર્યો છે કે આ ધ્વજ ખુદ શીખ સમુદાય દ્વારા દૂર કરવામાં આવ્યો હતો. જ્યારે અમારા સુરક્ષા અધિકારીઓ ત્યાં ગયા ત્યારે શીખ સમુદાયે કહ્યું કે કોઇ ધ્વજને નુકસાન પહોંચાડી શકે છે, પરંતુ અમે તેમને ખાતરી આપી કે આવું કંઇ નહીં થાય, તેથી તેઓએ ફરીથી ધ્વજ લગાવ્યો.

તાલિબાન પ્રવક્તાએ પાકિસ્તાનના આતંકી સંગઠનો સાથે ગાઢ સંબંધોની વાતનો ઇનકાર કર્યો છે.
તાલિબાન પ્રવક્તાએ પાકિસ્તાનના આતંકી સંગઠનો સાથે ગાઢ સંબંધોની વાતનો ઇનકાર કર્યો છે.
તાલિબાનને દાવો કર્યો છે કે અન્ય દેશોના અધિકારીઓને તાલિબાન તરફથી કોઈ જોખમ નથી.
તાલિબાનને દાવો કર્યો છે કે અન્ય દેશોના અધિકારીઓને તાલિબાન તરફથી કોઈ જોખમ નથી.

તાલિબાનનો દાવો- અન્ય દેશોના દૂતાવાસને જોખમ નથી
તાલિબાનના પ્રવક્તા મોહમ્મદ સુહેલ શાહીને દાવો કર્યો છે કે અન્ય દેશોના દૂતાવાસો અને અધિકારીઓને તાલિબાન તરફથી કોઈ જોખમ નથી. અમે આ ઘણી વખત કહ્યું છે અને આ અમારી પ્રતિબદ્ધતા છે. તાલિબાન પ્રવક્તાએ ભારતીય પ્રતિનિધિમંડળ સાથે વાતચીતના અહેવાલોની પુષ્ટિ કરી નથી. તેમણે કહ્યું છે કે ભારતીય પ્રતિનિધિમંડળ ગયા દિવસે દોહામાં યોજાયેલી બેઠકમાં ચોક્કસપણે સામેલ હતું, પરંતુ અમારી કોઈ અલગ બેઠક થઈ નથી.

અફઘાનિસ્તાનની જમીનનો ઉપયોગ ભારત વિરુદ્ધ કરવામાં નહીં આવે
તાલિબાન પ્રવકતાને પુછવામાં આવ્યું કે શું તેઓ ખાતરી આપી શકે છે કે અફઘાનિસ્તાનની જમીનનો ઉપયોગ ભારત વિરુદ્ધ કરવામાં નહીં આવે. તેના જવાબમાં તેમણે કહ્યું કે અમે પ્રતિબદ્ધ છીએ કે અફઘાનની જમીનનો ઉપયોગ કોઈપણ દેશ વિરુદ્ધ નહીં થાય. તાલિબાન પ્રવક્તાએ પાકિસ્તાનના આતંકી સંગઠનો સાથે ગાઢ સંબંધોની વાતનો ઇનકાર કર્યો છે. તેમનું કહેવું છે કે આ આરોપ માત્ર અમુક નીતિઓ અને રાજકીય લક્ષ્યોને કારણે કરવામાં આવ્યા છે.