• Gujarati News
  • International
  • IQ Level, Genetic Mutation Is The Same Even Though The Twins Are Different, But The Mind Is Different From The Effect Of Parenting.

ભાસ્કર વિશેષ:ટિ્વન્સ અલગ રહે તોપણ આઈક્યૂ લેવલ, જિનેટિક પરિવર્તન બરાબર, પરંતુ પેરન્ટિંગના પ્રભાવથી મન અલગ હોય છે

વૉશિંગટન6 દિવસ પહેલા
  • કૉપી લિંક
  • દ. કોરિયામાં ખોવાયેલાં ટિ્વન્સને DNA સેમ્પલથી શોધ્યાં, પછી તપાસ્યાં

અલગ-અલગ દેશોમાં એકબીજાથી દૂર રહીને ઉછરેલાં જોડકાં બાળકોમાં વાતાવરણ અને સંસ્કૃતિની ઘેરી અસર પડે છે. આ ઉપરાંત, અલગ પરિવેશમાં રહ્યા બાદ તેઓ પરિવારની સાથે પણ એકલવાયું અનુભવે છે. જીવન જીવવા માટે વધુ સંઘર્ષ અને ઓછી સ્વતંત્રતા હોવાના કારણે તેમના માનસિક સ્વાસ્થ્યમાં અંતર આવી જાય છે.

જોકે આઇક્યૂ લેવલ 80% સુધી એક જેવું હોય છે અને જેનેટિક પરિવર્તન પણ એક જેવું જ હોય છે. 2020માં દક્ષિણ કોરિયામાં ગુમ થયેલાં બાળકોને ટ્રેક કરવા માટે એક કાર્યક્રમ આયોજિત કરવામાં આવ્યો. તેમાં ડીએનએ સેમ્પલના માધ્યમથી બાળકોને શોધવામાં આવ્યાં. આ કાર્યક્રમના માધ્યમથી 45 વર્ષ પહેલાં વિખૂટાં પડેલાં જોડકાં બાળકો એકબીજાને મળ્યાં.

શોધકર્તાઓએ બંને જોડકાં બાળકોમાં પરિવર્તન પર અભ્યાસ કર્યો. મૂળે, દક્ષિણ કોરિયામાં 1974માં એક પરિવારમાં જોડકાં બાળકોનો જન્મ થયો હતો. બે વર્ષની ઉંમરમાં બાળકો એક બજારમાં ખોવાઈ ગયાં. ત્યારબાદ એક ગુમ થયેલા બાળકને પરિવારના ઘરથી 100 માઇલ દૂર એક હોસ્પિટલમાં લઈ જવાયું. ત્યાં તેને અમેરિકાના એક પરિવારે દત્તક લીધું.

શોધકર્તાઓ અનુસાર બંનેમાં અનેક સમાનતા હોવા છતાં માનસિક સ્વાસ્થ્ય અને નોકરીથી સંતુષ્ટિના મામલામાં બંને અલગ હતાં. દક્ષિણ કોરિયામાં ઘરે ઉછરેલાં બાળકની તાર્કિક શક્તિ વધુ હતી. બીજી તરફ અમેરિકામાં ઉછરેલા બાળકને વયસ્ક થવા સુધી ફિટ્સ (ખેંચ) આવવાની શરૂ થઈ ગઈ હતી. માનસિક સ્વાસ્થ્ય પર અસર થવાના કારણે તે અલગ પ્રકારની વ્યક્તિ બની ગયો હતો.

કર્તવ્યનિષ્ઠા, આત્મસન્માન ભાવ પણ એક જેવો છે
નેચર-પોષણના મામલામાં શોધકર્તાઓને જાણવા મળ્યું કે જોડકાંઓનાં કેટલાંક વ્યવહાર અને લક્ષણ સમાન હોય છે. અલગ-અલગ વાતાવરણમાં ઉછરેલા હોવા છતાં જોડકાં બાળકો પોતાની કર્તવ્યનિષ્ઠા અને આત્મ-સન્માનના મામલામાં હંમેશા ઉચ્ચ સ્તરના હોય છે.

અન્ય સમાચારો પણ છે...