બ્લૂમબર્ગમાંથી:ઇનોવેશન ઇન્ડેક્સ 2021: ભારતની 4 ક્રમની છલાંગ, દ.કોરિયા જર્મનીને પછાડી પ્રથમ ક્રમે, અમેરિકા ટોપ-10માંથી બહાર ફેંકાયું

વિશ્વમાં ઇનોવેશન એટલે કે નવી શોધ મામલે દક્ષિણ કોરિયા આ વર્ષે સૌથી આગળ છે. અમેરિકા ટોચના 10 દેશની યાદીમાંથી પણ બહાર છે. બ્લૂમબર્ગે જારી કરેલા આ ઇનોવેશન ઇન્ડેક્સ 2021માં ભારત 50મા ક્રમે છે પણ સારી વાત એ છે કે ગત વર્ષની તુલનાએ ભારતે 4 ક્રમની આગેકૂચ કરી છે. દક્ષિણ કોરિયાએ ગત વર્ષે પ્રથમ ક્રમે રહેલા જર્મનીને પાછળ છોડ્યું છે. જર્મની નવા ઇન્ડેક્સમાં ચોથા ક્રમે આવી ગયું છે. 9 વર્ષથી પ્રકાશિત થતા આ ઇન્ડેક્સમાં 7 વખત કોઇ એશિયાઇ દેશ મોખરે રહ્યો છે. સિંગાપોર અને સ્વિટ્ઝરલેન્ડ આ વખતે 1-1 ક્રમની આગેકૂચ સાથે અનુક્રમે બીજા અને ત્રીજા સ્થાને છે. બ્લૂમબર્ગ ઇન્ડેક્સ 10થી વધુ માપદંડનું વિશ્લેષણ કરે છે, જેમાં રિસર્ચ-ડેવલપમેન્ટ ખર્ચ, મેન્યુફેક્ચરિંગ ક્ષમતા, હાઇટેક પબ્લિક કંપનીઓનું વધવું તથા સેવન ઇક્વલિટી વેઇટેજ મેટ્રિક્સ મુખ્ય માપદંડ છે. બ્લૂમબર્ગનો મોટાભાગનો ડેટા કોરોના મહામારી પહેલાં જ આવી ગયો હતો.

2016 બાદ પહેલીવાર ભારતની આગેકૂચ
ઇનોવેશન મોટાભાગે નવા આઇડિયા, નવી પ્રોડક્ટ અને નવી સર્વિસીસથી મપાય છે પણ આ ચીજોનો વ્યાપ અને તેમને અપનાવવી સફળતાનો ખરો માપદંડ છે. -કેથરિન માન, ગ્લોબલ ચીફ ઇકોનોમિસ્ટ, સિટી ગ્રુપ

ટોપ-10માં 7 દેશ યુરોપના