• Gujarati News
  • International
  • India Said Pakistan Is A Stronghold Of Terrorism, Minorities Are Killed There Every Day; Turkey Does Not Interfere In Internal Affairs

આરોપોનો જવાબ:ભારતે કહ્યું- પાકિસ્તાન આતંકવાદનો ગઢ, ત્યાં દરરોજ લઘુમતીઓ માર્યા જાય છે; તુર્કી આંતરિક બાબતોમાં દખલગીરી ન કરે

જિનીવાએક વર્ષ પહેલા
  • કૉપી લિંક
જીનિવામાં હ્યુમન રાઇટ્સ કાઉન્સિલની બેઠકમાં ભારતે પાકિસ્તાનને આતંકવાદીઓને આશરો આપનારું કહ્યું. - Divya Bhaskar
જીનિવામાં હ્યુમન રાઇટ્સ કાઉન્સિલની બેઠકમાં ભારતે પાકિસ્તાનને આતંકવાદીઓને આશરો આપનારું કહ્યું.
  • જીનિવામાં મંગળવારે રાત્રે ભારતે પાકિસ્તાનની સાથે તેના મિત્ર દેશ તુર્કીને પણ કડક શબ્દોમાં જવાબ આપ્યો
  • ભારતે કહ્યું- પાકિસ્તાનમાં હિન્દુ, શીખ અને ખ્રિસ્તીઓની સાથે અન્યાય થાય છે, તેમને ત્રાસ આપવામાં આવે છે

મંગળવારે જીનિવામાં હ્યુમન રાઇટ્સ કાઉન્સિલ (એચઆરસી)ની બેઠક મળી હતી. પાકિસ્તાન અને તેના મિત્ર દેશ તુર્કીએ ભારતને ઘેરી લેવાનો પ્રયાસ કર્યો. ભારતે તેનો કડક શબ્દોમાં જવાબ આપ્યો હતો. ભારતે કહ્યું - દુનિયા જાણે છે કે પાકિસ્તાન આતંકવાદનો ગઢ છે. હિન્દુ, શીખ અને ખ્રિસ્તીઓ ત્યાં રહે છે. તેમની દરરોજ હત્યા કરવામાં આવે છે. ભારતીય પ્રતિનિધિએ પણ તુર્કીને કડક શબ્દોમાં સલાહ આપી હતી. તુર્કીએ અહીં લોકશાહીની હાલત જોઈ અને તેને બચાવવી જોઈએ. ભારતના આંતરિક બાબતોમાં દખલગીરી કરવાનો પ્રયાસ ન કરે.

પાકિસ્તાન માનવાધિકાર અંગે ભાષણ આપે
પાકિસ્તાને સોમવારે પોતાનો પક્ષ મૂક્યો હતો. એચઆરસીએ મંગળવારે ભારતને પોતાનો પક્ષ રજૂ કરવાની તક આપી. ભારતના પ્રતિનિધિએ કહ્યું- દુનિયા જાણે છે, પાકિસ્તાન આતંકવાદનો ગઢ છે. તેને માનવાધિકારો બાબતે ભાષણ દેવાનો અધિકાર નથી. ત્યાં હિન્દુઓ, શીખ અને ખ્રિસ્તીઓને ખતમ કરવામાં આવી રહ્યા છે. ભારતની છબીને ખરાબ કરવાના પ્રયાસો સફળ નહીં થાય. દુનિયા જાણે છે કે પાકિસ્તાન તે આતંકવાદીઓને પેન્શન આપે છે જેના પર યુએન દ્વારા પ્રતિબંધ મૂકવામાં આવ્યો છે. ત્યાંના વડા પ્રધાન પોતે માને છે કે તેમના દેશે હજારો આતંકીઓને તાલીમ આપી અને ફંડિંગ પૂરું પાડ્યું છે.

નિષ્ફળ થઈ ચૂક્યું છે પાકિસ્તાન
ભારતે કહ્યું - પાકિસ્તાન આતંકવાદીઓના ફંડિંગને રોકી શક્યું નથી. આતંકીઓને આશરો આપી રહ્યું છે. કાશ્મીરમાં આતંકવાદીઓ ઘૂસણખોરી કરે છે. તેઓ જમ્મુ-કાશ્મીર અને લદાખમાં હુમલો કરે છે. લઘુમતીઓની સાથે બળજબરીપૂર્વક ધર્મ પરિવર્તન, હત્યા અને ભેદભાવ જેવી અમાનવીય ઘટના થાય છે. હિન્દુ, શીખ અને ઈસાઈ સમુદાયની મહિલાઓ અને યુવતીઓનું અપહરણ કર્યા બાદ તેમનું ધર્મ પરિવર્તન પાકિસ્તાનમાં સામાન્ય બની ચૂક્યું છે. બલુચિસ્તાન, ખૈબર અને સિંધનો કોઈ ભાગ એવો નથી, જ્યાં દરરોજ કોઈ વ્યક્તિનું અપહરણ કરવામાં આવતું ન હોય. પત્રકાર હોય કે માનવાધિકાર કાર્યકર્તા, તેમના પર ત્રાસ ગુજારવામાં આવે છે અને તેમનું અપહરણ પણ કરવામાં આવે છે.

તુર્કીને પણ કડક સંદેશ
ભારતે એચઆરસીમાં તુર્કીને કડક શબ્દોમાં જવાબ આપ્યો છે. ભારતે કહ્યું, તુર્કી ઓર્ગેનાઇઝેશન ઓફ ઇસ્લામિક કોઓપરેશન (OIC)ની મદદ લેવાનો પ્રયત્ન ન કરે. આ સંગઠનનો પાકિસ્તાન દુરુપયોગ કરી રહ્યું છે. ભારતે તુર્કીને કડક શબ્દોમાં કહ્યું હતું કે તુર્કીએ ભારતના આંતરિક મામલાઓમાં દાખલ દેવાનો કોઈ હક નથી.

અન્ય સમાચારો પણ છે...