G- 20 સમિટમાં વાગ્યો ભારતનો ડંકો:મોદી થયા ભાવુક, બાઈડને ઉત્સાહ સાથે મિત્રતા દેખાડી; સુનક આપશે વર્ષે 3,000 વિઝા

3 મહિનો પહેલા
ઇન્ડોનેશિયાના રાષ્ટ્રપતિ જોકો વિડોડોએ બાલી સમિટના સમાપન સમારોહમાં ભારતને G20 અધ્યક્ષપદ સોંપ્યું.

G20 સમિટના બીજા અને અંતિમ દિવસે ઇન્ડોનેશિયાએ તેની અધ્યક્ષતામાં ભારતને સોંપી હતી. ભારત 1 ડિસેમ્બરે નવી દિલ્હીમાં G20 જૂથના નેતાઓના શિખર સમ્મેલનનું આયોજન કરશે. ડિસેમ્બર 2022માં તેનું ઉદ્ધાટન ઉદયપુરમાં કરવામાં આવશે. રાજસ્થાનના ત્રણ શહેરો ઉદયપુર અને જોધપુરની સાથે જયપુરમાં કોન્ફરન્સ યોજાશે.

આ દરમિયાન વડાપ્રધાન નરેન્દ્ર મોદીએ કહ્યું- આગામી એક વર્ષમાં અમારો પ્રયાસ રહેશે કે G20 એકજૂથ થઈને કામ કરે અને ગ્લોબલ પ્રાઈમ મૂવર તરીકે ઉભરી આવે. વિશ્વને G20 પાસેથી આશા છે. આ સમયે વિશ્વની નજર ભારત તરફ છે. ભારત 1 ડિસેમ્બરથી G20ની અધ્યક્ષતા કરશે. બ્રાઝિલ 2024માં તેનું પ્રમુખપદ સંભાળશે.

સમિટની સાથે જ મોદીએ બુધવારે બ્રિટિશ વડાપ્રધાન ઋષિ સુનક સાથે પણ વાતચીત કરી હતી. આ પછી બ્રિટને ટૂંક સમયમાં 3 હજાર વિઝા આપવાની ખાતરી કરી હતી. તેમજ, બંને દેશો આ અંગે અલગ-અલગ નિવેદન જાહેર કરશે.

ડિજિટલ ટ્રાન્સફોર્મેશન પર ચર્ચા
ડિજિટલ ટ્રાન્સફોર્મેશન પર ચર્ચા દરમિયાન વડાપ્રધાન મોદીએ કહ્યું- ઘણી ટેક ઇનોવેશન આપણા યુગના મોટા પરિવર્તનનો એક ભાગ બની ગઈ છે. ગરીબી સામે લડવા માટે ટેક્નોલોજીએ ઘણી મદદ કરી છે. ડિજિટલ સોલ્યુશન આપણા માટે ક્લાઈમેટ ચેન્જ જેવી પડકારોનો સામનો કરવા માટે મદદરૂપ સાબિત થઈ શકે છે.

ફ્રાન્સના રાષ્ટ્રપતિ ઈમેન્યુઅલ મેક્રોન સાથે મુલાકાત
G20 સમિટના અંત પહેલા મોદીએ ફ્રાન્સના રાષ્ટ્રપતિ ઈમેન્યુઅલ મેક્રોન સાથે મુલાકાત કરી હતી. બંને નેતાઓ વચ્ચે ફ્રી ટ્રેડ એગ્રીમેન્ટ પર પણ વાતચીત થઈ. અમેરિકી રાષ્ટ્રપતિ જો બાઇડેન અને ચીનના રાષ્ટ્રપતિ શી જિનપિંગ સમિટ પૂર્ણ થયા બાદ પોતપોતાના દેશ જવા રવાના થયા હતા.

પીએમ મોદીએ સિંગાપુરના વડાપ્રધાન લી સીન લૂંગથી ગ્રીન ઇકોનોમી અને સોલર એનર્જી પર વાટાઘાટો કરી.
પીએમ મોદીએ સિંગાપુરના વડાપ્રધાન લી સીન લૂંગથી ગ્રીન ઇકોનોમી અને સોલર એનર્જી પર વાટાઘાટો કરી.
જર્મની ચાન્સલર ઓલાફ શોલ્ઝની સાથે વડાપ્રધાન મોદી. આ દરમિયાન ભારત અને જર્મની વચ્ચે ટ્રેડ રિલેશન મજબૂત કરવા પર વાતચીત થઈ.
જર્મની ચાન્સલર ઓલાફ શોલ્ઝની સાથે વડાપ્રધાન મોદી. આ દરમિયાન ભારત અને જર્મની વચ્ચે ટ્રેડ રિલેશન મજબૂત કરવા પર વાતચીત થઈ.
વડાપ્રધાન મોદીએ ઈટાલીની પ્રથમ મહિલા વડાપ્રધાન જ્યોર્જિયા મેલોની સાથે મુલાકાત કરી. આ દરમિયાન બંને નેતાઓએ ટ્રેડ અને ઈન્વેસ્ટમેન્ટ પર ચર્ચા કરી.
વડાપ્રધાન મોદીએ ઈટાલીની પ્રથમ મહિલા વડાપ્રધાન જ્યોર્જિયા મેલોની સાથે મુલાકાત કરી. આ દરમિયાન બંને નેતાઓએ ટ્રેડ અને ઈન્વેસ્ટમેન્ટ પર ચર્ચા કરી.

G20 નેતાઓ મેન્ગ્રોવ ફોરેસ્ટની મુલાકાત લીધી
PM મોદી સહિત G20માં સામેલ તમામ નેતાઓ બાલીના મેન્ગ્રોવ ફોરેસ્ટ પહોંચ્યા હતા. આ દરમિયાન, G20 નેતાઓએ મેન્ગ્રોવ જંગલમાં આબોહવા પરિવર્તન સામે લડવામાં મદદ કરવા માટે વૃક્ષારોપણ કર્યું હતું. તાજેતરના સમયમાં જળવાયુ પરિવર્તન ખૂબ જ ગંભીર સમસ્યા તરીકે ઉભરી આવ્યું છે. 2022 માં, ઇંગ્લેન્ડ અને સમગ્ર યુરોપમાં લોકો ગરમીથી પરેશાન હતા. પાકિસ્તાનમાં ભારે વરસાદને કારણે પૂરની સ્થિતિ સર્જાઈ છે. ભારતમાં પ્રથમ હીટવેવથી પાકને નુકસાન થયું હતું. અમેરિકામાં પણ કાળઝાળ ગરમીના કારણે જંગલોમાં આગ લાગી હતી તો બીજી તરફ વરસાદને કારણે પૂરની સ્થિતિ સર્જાઈ હતી. આ બધા પાછળ ક્લાઈમેટ ચેન્જ હોવાનું માનવામાં આવે છે.

અત્યારે ભારતમાં ગ્લોબલ મેન્ગ્રોવ એલાયન્સમાં સામેલ થવાની જાહેરાત કરી હતી. આ એલાયન્સ ઈન્ડોનેશિયા અને UAE દ્વારા કરવામાં આવ્યું છે. મેન્ગ્રોવના દરિયાકાંઠાના જંગલો છે જે ચક્રવાત અને તોફાનોની અસરને ઘટાડે છે. આ સિવાય તેઓ કાર્બન ઉત્સર્જનને શોષી લે છે. આ તમામ બાબતોને ધ્યાનમાં રાખીને G20 નેતાઓએ અહીં વૃક્ષારોપણ કર્યું છે.

અન્ય સમાચારો પણ છે...