કમાણીના મામલે અવ્વલ:અમેરિકામાં ભારતીય, અન્ય ઈમિગ્રન્ટ્સ કમાણી બાબતે સ્થાનિકોથી બે ગણા આગળ

ન્યુયોર્ક3 મહિનો પહેલા
  • કૉપી લિંક
  • ઈમિગ્રન્ટ્સમાં શિક્ષણ, નોકરી પ્રત્યે સમર્પણની ભાવના

અમેરિકામાં સ્થાનિક નાગરિકોના સંતાનોની તુલનામાં ભારત જેવા દેશોથી આવીને વસેલા ઈમિગ્રન્ટ નાગરિકોના સંતાનો કમાણીના મામલે અવ્વલ રહે છે. બે અર્થશાસ્ત્રીઓએ આ દાવો પોતાના નવા પુસ્તકમાં કર્યો છે. સ્ટૈનફર્ડ યુનિવર્સિટીના રૈન અબ્રામિટ્જકી અને પ્રિંસટન યુનિવર્સિટીના લી બૉસ્ટને આ પુસ્તક લખ્યું છે. સ્ટ્રીટ્સ ઓફ ગોલ્ડ: અમેરિકાઝ અનટોલ્ડ સ્ટોરી ઓફ ઇમિગ્રન્ટ સક્સેસ નામના આ પુસ્તકમાં તેમણે વસ્તીગણતરીના ડેટાથી સ્થાનીક નાગરિકો અને વિદેશી નાગરિકોના સંતાનોની કમાણીની તુલના કરી છે.

તેઓએ પોતાના અધ્યયનમાં એ લોકોનો ડેટા સામેલ જેઓ 1978થી 1983ની વચ્ચે ગરીબ પરિવારમાં જન્મ્યા હતા. જ્યારે આ સંતાનો 35થી 40 વર્ષની ઉંમર સુધી પહોંચ્યા તો અમેરિકામાં જન્મેલા બાળકોની તુલનામાં બે ગણા વિદેશી બાળકો ગરીબીના કુચક્રથી બહાર નીકળી ચૂક્યા હતા. અર્થશાસ્ત્રીઓને જાણવા મળ્યું કે વિદેશી બાળકો અમેરિકામાં એટલી જ ઝડપથી આત્મસાત કરી રહ્યા છે જેટલું તેમના મા-બાપે આત્મસાત કર્યું હતું. તે અપ્રવાસના પ્રભાવો પર હાલની શોધના અનુરૂપ છે.

નેશનલ અકેડેમિક્સ ઓફ સાયન્સિસ, એન્જિનિયરિંગ અને મેડિસિનની 2017ની રિપોર્ટ મુજબ, વિદેશી નાગરિકોની બીજી પેઢી અમેરિકામાં સૌથી મજબૂત નાણાકીય અને આર્થિક યોગદાન કરનાર પૈકી એક છે. બીજી પેઢીઓની સફળતાની કહાણી લાંબા સમયથી અમેરિકાના ઈતિહાસનો હિસ્સો રહી છે.

ઈમિગ્રન્ટ પરિવારોનો આ ટ્રેન્ડ હજુ કેટલાક દાયકા સુધી રહેશે
સંશોધકોને જાણવા મળ્યું કે જે પુરૂષોના પિતા ઓછી આવકવાળા અઈમિગ્રન્ટ હતા, તેમણે અમેરિકામાં જન્મેલા ઓછી આવકવાળા પુરૂષોના બાળકોની તુલનામાં વયસ્કોના રૂપમાં વધુ નાણા કમાયા. સાથોસાથ ટ્રેન્ડ આવનારા દશકો સુધી ચાલુ રહેવાની શક્યતા છે.

અન્ય સમાચારો પણ છે...