ઓફિસમાં મિત્રતાના ફાયદા:કો-વર્કર સાથેની મિત્રતાથી જીવન ખુશહાલ વીતે છે, કામની સાથે સહકર્મી જીવનનો મહત્ત્વપૂર્ણ હિસ્સો

દુનિયાભરમાં વર્ક ફ્રોમ હોમનો ટ્રેન્ડ વધી રહ્યો છે પરંતુ ઓફિસમાં સહકર્મીઓ સાથેની મિત્રતાથી જીવન ખુશહાલ વીતે છે. વાસ્તવમાં, હાર્વર્ડ સ્ટડી ઑફ એડલ્ટ ડેવલપમેન્ટના ડિરેક્ટર સાઇકિયાટ્રિસ્ટ રોબર્ટ વાલ્ડિંગર અને સાઇકોલોજિસ્ટ માર્ક શુલ્ઝે એક પુસ્તકમાં ઓફિસમાં કામ કરવા દરમિયાન થયેલી મિત્રતાના ફાયદા જણાવ્યા છે.

પોતાનાં 80 વર્ષના રિસર્ચને પુસ્તકમાં તબદીલ કર્યું છે. પુસ્તકનું નામ ‘ધ ગુડ લાઇફ:લેસન ફ્રોમ ધ વર્લ્ડ લોંગેસ્ટ સાયન્ટિફિક સ્ટડી ઑફ હેપિનેસ’ છે. તેમાં તેમણે જણાવ્યું કે એ લોકો પોતાના જીવનથી વધુ ખુશ હતા, જેમના પોતાના સહકર્મીઓ સાથે સારા સંબંધ હતા. આવા લોકો ભલે કારકિર્દીમાં પોતાનું સપનું પૂરું કરી ન શકે પરંતુ તેઓ નાપસંદ કરનારા સહકર્મીઓની સાથે કામ કરતા લોકો સાથે વધુ ખુશ હતા. વાસ્તવમાં, આપણે આપણો વધુ સમય સહકર્મીઓ સાથે વિતાવીએ છીએ. માટે જ તેમનું વર્તન આપણી ખુશી નક્કી કરે છે. સૌથી ખુશ વ્યક્તિ લિયો લેખક ન બની શક્યા, પરંતુ તેઓ એક શિક્ષક બનીને ખુશહાલ જીવન જીવતા હતા. કારણ કે તે બાળકો અને શિક્ષકોની વચ્ચે રહે છે.

તેમણે અનેક પ્રમોશન ફગાવ્યાં હતાં. એક અન્ય ઉદાહરણ હેનરી અને રોસા દંપતીનું છે જેમને પોતાનું કામ પસંદ ન હતું. તેઓએ પોતાના સહકર્મીઓને ઘરે લંચ લેવા માટે બોલાવવાનું શરૂ કર્યું હતું કારણ કે દંપતીની તેમની સાથે સારી મિત્રતા થઇ હતી. તેઓ જેટલા ખુશ હતા તે અન્ય અમીર રિસર્ચ સહભાગીઓ કરતાં વધુ હતું.

80 વર્ષની ઉંમરમાં વર્ક લાઇફ બેલેન્સ પર અફસોસ થાય છે
રિસર્ચ અનુસાર વર્ક લાઇફ બેલેન્સ યોગ્ય ન હોવાથી નિવૃત્ત થયા બાદ 80-90 વર્ષની ઉંમરમાં અફસોસ થાય છે. માઇકલ જેઓ પહેલા કામને જ પોતાના જીવનનું લક્ષ્ય માનતા હતા. હવે તેઓ ઘરે વધુ સમય ન વિતાવી શકતા હોવાથી અફસોસ કરે છે.