• Home
  • International
  • Four terrorists infiltrated Pakistan Stock Exchange, indiscriminate firing, two killed

કરાચી સ્ટોક એક્સચેન્જ પર હુમલો / બલુચ લિબરેશન આર્મીએ લીધી હુમલાની જવાબદારી, 4 આતંકી ઠાર; એક પોલીસ ઓફિસર સહિત 5ના મોત

આતંકીઓ આ કારમાં પાકિસ્તાનના સ્ટોક એક્સચેન્જમાં પહોંચ્યા હતા.
X

  • કરાચી સ્ટોક એક્સચેન્જ પર આ હુમલો સોમવારે સવારે કામકાજ શરૂ થયા પછી થયો હતો
  • જિયો ન્યુઝ ચેનલના જણાવ્યા મુજબ કુલ ચાર આતંકીઓ ભારે હથિયારો સાથે એક્સચેન્જમાં ઘુસ્યા હતા

દિવ્ય ભાસ્કર

Jun 29, 2020, 08:28 PM IST

કરાચી. પાકિસ્તાનના કરાચી સ્ટોક એક્સચેન્જ પર સોમવારે સવારે આતંકીઓએ હુમલો કર્યો હતો. જિયો ન્યુઝ ચેનલના જણાવ્યા મુજબ, ચાર આતંકીઓને ઠાર કરવામાં આવ્યા છે. જ્યારે અન્ય 5 લોકોના મોત થયા છે. પોલીસ અને રેન્જર્સની ટીમ હાલ ઘટના સ્થળે છે. અહીંથી લોકોને કાઢવાની કોશિશ કરવામાં આવી રહી છે. હાલ એન્કાઉન્ટર ચાલુ છે. મૃત્યુ પામેલા લોકોમાં એક પોલીસ ઈન્સપેકટર અને ચાર સિક્યોરિટ ગાર્ડ્સ સામેલ છે. આ હુમલામાં કુલ સાત લોકો ઘાયલ થયા છે. તેમાંથી ચારની સ્થિતિ ગંભીર છે. બલુચ લિબરેશન આર્મીએ આ આતંકી હુમલાની જવાબદારી લીધી છે.

મીડિયાના જણાવ્યા મુજબ હુમલાની જવાબદારી બલૂચ લિબરેશન આર્મીએ લીધી છે. સોશિયલ મીડિયા પર કેટલીક ટ્વિટ્સમાં ત્રણ આતંકીઓના ફોટો પણ શેર થઈ રહ્યાં છે. એવો દાવો કરવામાં આવી રહ્યો છે કે હુમલામાં આ જ આતંકીઓ સામેલ હતા.

એક્સચેન્જ ખુલતા જ હુમલો
મીડિયા રિપોર્ટ્સના જણાવ્યા મુજબ કરાચી સ્ટોક એક્સચેન્જ સવારે 10.30 વાગ્યે ખુલે છે. રોજની જેમ તે આજે સોમવારે પણ આ જ સમયે ખુલ્યું. આ દરમિયાન સામાન્ય માણસો અને કર્મચારીઓની સાથે હથિયારધારી આતંકીઓ અહીં ઘુસી ગયા હતા. તેમનો ઈરોદો સમજતા જ લોકો ભાગવા લાગ્યા હતા. આ દરમિયાન પોલીસને પણ જાણ કરવામાં આવી. થોડ જ વારમાં બિલ્ડિંગને ઘેરી લેવામાં આવ્યું. જિયો ન્યુઝના જણાવ્યા મુજબ, સ્ટોક એક્સચેન્જના બે કર્મચારીઓ અને અન્ય ત્રણ કર્મચારીઓના મોત થયા છે. આતંકીઓએ પહેલા પાર્કિંગ ઝોનમાં જવાની કોશિશ કરી રહ્યાં હતા.

કરાચી સ્ટોક એક્સચેન્જ પર હુમલા બાદ અહીં જતા રસ્તાઓને બંધ કરવામાં આવ્યા છે. આ બિલ્ડિંગની નજીક રેલવે કોલોની છે. આતંકીઓ આ રસ્તે આવ્યા હતા.

એક્સચેન્જમાં પોલીસ તહેનાત કરવામાં આવી નથી
જાણકારોના જણાવ્યા મુજબ, કરાચી સ્ટોક એક્સચેન્જમાં પોલીસ તૈનાત કરવામાં આવી નથી. અહીંની સિક્યોરિટીની જવાબદારી પ્રાઈવેટ કંપનીની પાસે છે. જાણકારોના જણાવ્યા મુજબ મૃત્યુ પામેલા લોકોમાં પોલીસનો એક સબ ઈન્સપેકટર પણ સામેલ છે. જિયો ન્યુઝે મૃતકોની સંખ્યા 9 જણાવી છે.

Next Stories

    ની  સંપૂર્ણ વાંચનસામગ્રી