સુપર પાવર પર ઠંડીનો કહેર:અમેરિકાના ઘરોમાં પંખા પર છવાયો બરફ, રૂમ અને કારમાં દમ તોડી રહ્યાં છે લોકો; ખાવા-પીવાની લાંબી લાંબી લાઈન

વિશ્વના સુપરપાવર અમેરિકામાં લોકોની મુશ્કેલી ખતમ થવાનું નામ નથી લઈ રહી. કોરોના પછી હવે અહીં ઠંડીએ લોકોની મુશ્કેલીઓ વધારી છે. સૌથી ખરાબ સ્થિતિ ટેક્સાસમાં છે. અહીં ઘરની અંદર સુધી બરફ જોવા મળી છે. પંખા પર પણ બરફ જામી ગયો છે. ઠંડીના કરાણે લોકોના ઘરમાં અને કારમાં લોકો દમ તોડી રહ્યાં છે.

ખાવા માટે લાગી રહી છે લાંબી લાંબી લાઈન
ટેક્સાસમાં પાણી અને વીજળીનું સંકટ છે. અહીં હવે સરકાર તરફથી લોકોને ખાવાના પેકેટ આપવામાં આવી રહ્યાં છે. તેના માટે લાંબી-લાંબી લઈન જોવા મળી રહી છે. બર્ફવર્ષાને કારણે વીજળીના ગ્રિડ ફેઈલ થઈ ગયા છે. આ કારણે રાજ્યના મોટા ભાગમાં 5 દિવસ સુધી વીજળી, ગેસ સપ્લાઈ ઠપ થઈ ગઈ છે.

ઠુંઠવાતી શરદીમાં હીટર નથી ચાલી રહ્યાં. લોકોએ ઠંડીથી બચવા માટે રૂમ અને કારમાં પહોંચીને પોતાને પેક કરી લીધા છે. તેનાથી કાર્બન મોનોકસાઈડ વધી ગયું અને તે લોકો જીવ ગુમાવી રહ્યાં છે. કેટલાંકના જીવ હાઈપોથર્મિયાથી ગયા છે. ઓહ્યો સહિત એવી અનેક ઘટનાઓમાં અત્યાર સુધીમાં 58 લોકોએ જીવ ગુમાવ્યા છે.

ટેક્સાસમાં પણ ભીષણ ઠંડીથી પાણી સપ્લાઈની પાઈપ ફાટી ગઈ છે, જેનાથી રાજ્યની 2.9 કરોડમાંથી અડધી આબાદી પાણીના સંકટનો સામનો કરી રહી છે. હ્યુસ્ટનના એક સ્ટડિયમની બાહર પાણીની બોટલ મેળવવા માટે સેંકડો લોકોની લાઈન જોવા મળી રહી છે.