56 માળની હોટલના હેલિપેડ ઉપર પ્લેનનું લેન્ડિંગ-ટેકઓફ:માત્ર 27 મીટરનો રનવે; પાઇલટે સ્ટંટ પહેલાં 650 વખત પ્રેક્ટિસ કરી- જુઓ VIDEO

દુનિયાના એક સર્વશ્રેષ્ઠ એર રેસિંગ ચેમ્પિયને દુબઈના બુર્જ અલ અરબ હોટલની છત ઉપર બનેલા હેલિપેડ ઉપર પ્લેનનું લેન્ડિંગ કર્યું. આ 7 સ્ટાર હોટલ છે. એટલું જ નહીં, તેમણે સ્મોલ એરક્રાફ્ટને લેન્ડ કરાવ્યા પછી ત્યાંથી જ અદ્ભુત રીતે ટેકઓફ પણ કર્યું.

થોડું વિચારો, આ કેટલું ખતરનાક કામ હતું
આ રુવાંટાં ઊભાં કરનાર સ્ટંટને અંજામ આપનાર પાઇલોટનું નામ લ્યૂક સેપેલા છે. તેઓ પોલેન્ડના રહેવાસી છે. તેમણે બુર્જ અલ અરબ જુમૈરા હોટલની છત ઉપર બનેલા હેલિપેડ ઉપર લેન્ડિંગ કર્યું. અહીંનું હેલિપેડ કોઈ લૉન ટેનિસના કોર્ટ કરતાં પણ નાનું છે.

થોડું વિચારો, દુનિયાનો સૌથી નાનો કોમર્શિયલ રનવે 400 મીટરનો છે અને જે રનવે ઉપર લ્યૂકે પોતાનું સિંગલ એન્જિન એરક્રાફ્ટ લેન્ડ કરાવ્યું, તે લગભગ 27 મીટર લાંબો છે. 39 વર્ષના લ્યૂકે કહ્યું- આ લેન્ડિંગ પહેલાં મેં 650 વખત પ્રેક્ટિસ સેશન કર્યું. તેમ છતાંય ફાઇનલ લેન્ડિંગ ત્રીજી કોશિશમાં કરી શક્યો.

અનેક ચેલેન્જ હતી