• Home
  • International
  • Corona Outbreaks in 33 states across the United States, more than 60,000 patients per day in 4 days and 61,719 patients in 24 hours

કોરોનાવાઈરસ / અમેરિકામાં 33 રાજ્યોમાં ચેપ વકર્યો, ICU બેડ, વેન્ટિલેટરની માગ વધી, 4 દિવસથી રોજ 60 હજારથી વધુ દર્દી, 24 કલાકમાં 61,719 દર્દી મળ્યાં

ફાઇલ તસવીર.
ફાઇલ તસવીર.
X
ફાઇલ તસવીર.ફાઇલ તસવીર.

  • અમેરિકામાં અત્યાર સુધી 28 રાજ્યોના 75 સાંસદ કોરોના પોઝિટિવ નીકળ્યાં

દિવ્ય ભાસ્કર

Jul 13, 2020, 04:00 AM IST

વોશિંગ્ટન. અમેરિકાના 50માંથી 33 રાજ્યોમાં કોરોના ચેપનો ઝડપી ફેલાવો જઇ રહ્યો છે. આ જ કારણ છે કે આવું પ્રથમ વખત છે કે જ્યારે સમગ્ર અમેરિકામાં ગત 4 દિવસથી રોજ ઓછામાં ઓછા 60 હજાર દર્દી મળી રહ્યાં છે. ગત ગુરુવારે અત્યાર સુધીના સૌથી વધુ 71,787 દર્દી મળ્યા હતા. જોકે ગત 24 કલાકમાં 61,719 નવા કેસ સામે આવ્યા હતા. 

સ્વાસ્થ્ય વિભાગે પહેલી વખત ફ્લૉરિડાની હોસ્પિટલોમાં દાખલ દર્દીઓની સંખ્યા બહાર પાડી હતી. સ્વાસ્થ્ય નિષ્ણાતો અનુસાર તેના માટે વિભાગ પર દબાણ કરાયું હતું. ફ્લૉરિડામાં 6991 દર્દી હોસ્પિટલમાં દાખલ છે. અહીં મિયામી ડેડ કાઉન્ટી હોટસ્પોટ તરીકે ઉભરી રહી છે. ગત 14 દિવસમાં અહીંની હોસ્પિટલોમાં દર્દીઓની સંખ્યા 74 ટકા વધી ગઈ છે. આઈસીયૂમાં 88 ટકા દર્દી વધ્યાં છે. જ્યારે વેન્ટિલેટરનો ઉપયોગ 123 ટકા વધી ગયો છે. આ કાઉન્ટીમાં ચેપનો સરેરાશ દર 18 ટકા વધ્યો છે. જોકે તે અત્યાર સુધીનો સૌથી વધુ છે. અહીંના જેક્સન મેમોરિયલ હોસ્પિટલના ડૉ. ડેવિડ જેરડાએ કહ્યું કે મિયામી ડેડ ફક્ત એક ઉદાહરણ છે. સંપૂર્ણ દક્ષિણ ફ્લૉરિડામાં સ્થિતિ બદતર થઈ ચૂકી છે. સ્વાસ્થ્યકર્મીઓ પર કામનું ભારણ વધી ગયું છે. ટ્રમ્પ પણ સ્થિતિનું મૂલ્યાંકન કરવા શુક્રવારે મિયામી ડેડ પહોંચ્યા હતા. સમગ્ર ફ્લૉરિડામાં કોરોનાના અત્યાર સુધી 11,433 કેસ સામે આવ્યા છે. જોકે 93 મૃત્યુ થયા છે. 

કેલિફોર્નિયામાં 149 નવા મૃત્યુ થયા છે. આ અહીં એક દિવસમાં સૌથી વધુ મૃત્યુ છે. જોકે અત્યાર સુધી અહીં 3 લાખથી વધુ કેસ સામે આવી ચૂક્યા છે. અહીં પણ 14 દિવસનો સરેરાશ ચેપનો દર 7.4 ટકા વધી ગયો છે. તેમાં 60 ટકા દર્દી 18-49 વર્ષના છે. કેલિફોર્નિયાની જેલોમાં કોરોનાથી અત્યાર સુધી 25 લોકો મૃત્યુ પામ્યા છે. તેના પછી સરકારે ઓગસ્ટ સુધી 8 હજાર કેદીઓને મુક્ત કરવાની જાહેરાત કરી હતી. ટેક્સાસ, જ્યોર્જિયામાં પણ હોસ્પિટલોમાં બેડ ખૂટી પડ્યા હતા. જ્યોર્જિયા એટલાન્ટા શહેરના વર્લ્ડ કો઼ગ્રેસ સેન્ટર હોલને હોસ્પિટલમાં રૂપાંતરિત કરાયું છે. બીજી બાજુ કેરોલિનામાં એક સાંસદ કોરોના ચેપગ્રસ્ત થયા છે. જોકે અત્યાર સુધી 28 રાજ્યોના 75 સાંસદ કોરોના ચેપગ્રસ્ત થઈ ચૂક્યા છે. અમેરિકામાં કુલ 33,56,242 દર્દી મળ્યાં છે. જોકે 1,37,414 લોકો મૃત્યુ પામ્યા છે. 

રશિયામાં વોલેન્ટિયરો પર દુનિયાની પહેલી કોરોના વેક્સીનની ટ્રાયલ પૂર્ણ થઈ 
રશિયાની સેચનોવ યુનિવર્સિટીએ દાવો કર્યો હતો કે તેણે વોલેન્ટિયરો પર દુનિયાની પ્રથમ કોરોના વેક્સીનની ટ્રાયલ પૂર્ણ કરી લીધી છે. આ સંપૂર્ણપણે સફળ રહી. યુનિવર્સિટી સાથે સંકળાયેલા નિષ્ણાંત વદિમ તરસોવે કહ્યું કે આ વોલેન્ટિયરના પ્રથમ સમૂહને 20 જુલાઈએ રજા આપી દેવાશે. આ ટ્રાયલ 18 જૂને શરૂ કરાઈ હતી. એક અન્ય નિષ્ણાંત એલેક્ઝાન્ડર લુકાશેવે કહ્યું કે આ વેક્સીન માનવી માટે સંપૂર્ણપણે સુરક્ષિત છે. હવે વિજ્ઞાનીઓ મહામારીની સ્થિતિને અનુરૂપ વેક્સીનના ઉત્પાદનની રણનીતિ ઘડી રહ્યાં છે.

Next Stories

    ની  સંપૂર્ણ વાંચનસામગ્રી