• Gujarati News
  • International
  • Beset By The Issue Of Wife's Disability Citizenship, The British People Gave Importance To The Women Of Their Country

અંતે સુનક કેમ હાર્યા?:પત્ની અક્ષતાની નાગરિકતાના મુદ્દે ઘેરાયા, બ્રિટનના લોકોએ પોતાના દેશની મહિલાને મહત્ત્વ આપ્યું

લંડન20 દિવસ પહેલા

બ્રિટનને નવા વડાપ્રધાન મળી ગયા છે. કન્ઝર્વેટિવ પાર્ટીના ડાબેરી ઉમેદવાર લિઝ ટ્રસે ભારતીય મૂળના ઋષિ સુનકને 20 હજાર 927 વોટથી હરાવી દીધા છે. આવો જાણીએ શરૂઆતમાં આગળ ચાલતા મજબૂત દાવેદાર સુનક કેમ હાર્યાં?

બ્રિટિશ મીડિયા આ હારનાં અનેક કારણો જણાવે છે, જેમાંથી બે મહત્ત્વનાં છે.

  • પહેલું: પત્ની અક્ષતાની પાસે બ્રિટનની નાગરિકતા નથી.
  • બીજું: કન્ઝર્વેટિવ પાર્ટીના મોટા ભાગના બ્રિટિશ મેમ્બર્સ પોતાના જ દેશના નાગરિકને વડાપ્રધાન બનાવવા ઈચ્છતા હતા.

જોનસનની સત્તા પલટી

  • કન્ઝર્વેટિવ પાર્ટીના મોટા ભાગના સાંસદ સુનકની ફેવરમાં હતા. બોરિસ જોનસનના રાજીનામાં પછી સુનકે સૌથી પહેલા વડાપ્રધાન પદ માટેનો દાવો ઠોક્યો. 'રેડી ફોર ઋષિ' કેમ્પેઈનથી લીડ મેળવી. સાજિદ જાવિદ, નદીમ જવાહિરી અને અંતે મોરડેન્ટ રેસની બહાર થયા. ટ્રસ રેસમાં સૌથી છેલ્લે સામેલ થયા અને સમય જતાં સૌથી આગળ નીકળી ગયા.
  • 'ધ ગાર્ડિયન'ના એડિટોરિયલ મુજબ, ટ્રેડ મિનિસ્ટર તરીકે રાજીનામું આપ્યા પછી સુનકનું રેટિંગ ઘણું જ હાઈ હતું, પરંતુ કેટલાંક કન્ઝર્વેટિવ સાંસદ અને પાર્ટી મેમ્બર્સ માની રહ્યાં હતા કે સુનકના કારણે જ જોનસનને રાજીનામું આપવું પડ્યું. તેમને પીઠમાં છરો મારનાર ગણાવવામાં આવ્યા.
  • આ એડિટોરિયલમાં કહેવાયું કે- સુનક તે વ્યક્તિ હતી, જેમને બોરિસ જોનસનની સત્તા પલટી. તે પણ ત્યારે જ્યારે જોનસને જ સુનકના પોલિટિકલ કરિયરને આગળ ધપાવ્યું હતું. તેનાથી લોકોમાં ભારે નારાજગી હતી.

'ધ ગાર્ડિયન' મુજબ, કોરોનાના સમયગાળામાં સુનકે બ્રિટિશ ઈકોનોમીને ઉગારી હતી. ઘણું જ ઓછું બોલનારા અને શાંત મિજાજવાળા સુનક ફેવરેટ જરૂર છે, પરંતુ ટ્રસ પાછળ નથી. જોનસન પણ લિઝના ફેવરમાં જ હતા.

બ્રિટનમાં સુનકની છબિ જોનસનની ગાદી ઝુંટવી લેનારી તરીકે ઉભરી. સુનકે જ જોનસન વિરૂદ્ધ રાજીનામું આપીને બળવો શરૂ કર્યો હતો. થોડાં દિવસ પહેલાં બોરિસ જોનસને સુનક વિરૂદ્ધ 'બેક એનીવન બટ ઋષિ' નામનું સીક્રેટ કેમ્પેઈન શરૂ કર્યું હતું.

લોકપ્રિયતા કેમ ઘટતી ગઈ?

  • 'ધ સન્ડે ટાઈમ્સ' મુજબ કેમ્પેઈનના શરૂના સમયમાં એક વીડિયો સામે આવ્યો. આરોપ લાગ્યો કે સુનકે શહેરી વિસ્તારના લોકોને કેમ્પેઈન માટે આર્થિક મદદ કરી. કહેવામાં આવ્યું કે પત્ની અક્ષતા તો બ્રિટિશ ક્વીન એલિઝાબેથથી પણ અમીર છે. તેમની પાસે 430 લાખ પાઉન્ડની એસેટ્સ છે.
  • ગત મહિને વિપક્ષી લેબર પાર્ટીના એક નિવેદનમાં કહેવામાં આવ્યું કે- સુનક અને પત્નીએ બિઝનેસ અને લોન્સને લઈને વધુ ટ્રાંસપેરેન્ટ હોવું જોઈએ. 'ધ ગાર્ડિયને' લખ્યું- સુનક જણાવે કે શું તેમની પાસે 730 લાખ પાઉન્ડની એસેટ્સ છે. જો આ સાચું છે તો તેઓ બ્રિટનના સૌથી અમીર સાંસદ છે. અક્ષતાના ઈન્ફોસિસ જેવી કંપનીમાં 690 લાખ પાઉન્ડના 0.93% શેર છે.
  • 'ધ ઈન્ડિપેન્ડન્ટે' લખ્યું- અક્ષતા માત્ર એટલું જણાવે કે તેમને અત્યાર સુધીમાં બ્રિટિશ સિટિઝનશિપ કેમ ન લીધી? તે અહીંથી બિઝનેસ તો ઓપરેટ કરે છે, પરંતુ નોન ડોમિસાઈલ સ્ટેટસનો ગેરકાયદે રીતે ફાયદો ઉઠાવીને ટેક્સ ભરવાથી બચી જાય છે. જેનાથી બ્રિટનને 20 લાખ પાઉન્ડનું દર વર્ષે નુકસાન થાય છે.
  • કેટલાંક સમાચારો મુજબ, સુનક જ્યારે અમેરિકાથી બ્રિટન આવ્યા તો તેમને ત્યાંનું ગ્રીન કાર્ડ સરેન્ડર નહોતું કર્યું. 2006થી 2009 સુધી અમેરિકામાં કામ કરતા રહ્યાં. કેલિફોર્નિયામાં હજુ પણ તેમનું 5 લાખ પાઉન્ડનું આલીશાન પેન્ટહાઉસ છે.

પાર્ટી માટે મુસીબત બન્યા

  • 'ધ ગાર્ડિયન'ના એક રિપોર્ટ મુજબ બ્રિટનના લોકો ડબલ નાગરિકતા રાખી શકે છે, પરંતુ સુનક જેવાં મોટા નેતા માટે આ વાતને યોગ્ય ગણાવવામાં ન આવી. કન્ઝર્વેટિવ પાર્ટી પણ ડબલ સિટિઝનશિપના મુદ્દે પોતાના નેતાનો બચાવ ન કરી શકી.
  • કન્ઝર્વેટિવ પાર્ટીના સાંસદના એક રિપોર્ટમાં કહેવામાં આવ્યું હતું કે- સુનક માટે પત્નીના ટેક્સ સાથે જોડાયેલાં મામલે બચાવ કરવો મુશ્કેલ છે. કેટલાંક લોકોને લાગતું હતું કે તેઓ લાંબા સમય સુધી બ્રિટનમાં નથી રહેવા માગતા.
  • આ આરોપોને લઈને સુનક પોતે તણાવમાં હતા. ગત દિવસોમાં તેમને માન્યું હતું કે ચાન્સેલર બન્યા તેના 18 મહિના પછી તેમની પાસે અમેરિકી ગ્રીન કાર્ડ હતું. જો કે તેમનો દાવો હતો કે ઓક્ટોબર 2021માં તેઓએ આ સ્ટેટસ પરત કર્યું હતું.
  • 'ધ મિરર'ના એડિટોરિયલમાં લખવામાં આવ્યું કે- ઋષિ વિમાસણમાં મુકાયેલી વ્યક્તિ છે. તેમને ગરીબો પર તો ટેક્સનો બોજો નાખી દીધો, પરંતુ પત્ની અક્ષતાને હજુ સુધી ટેક્સના સ્લેબમાં ન લાવી શક્યા. આ ડબલ સ્ટાન્ડર્ડ ધરાવતું વ્યક્તિત્વ અને 'નો ટેક્સ સ્કેન્ડલ' છે. 40 વર્ષમાં પહેલી વખત આટલી મોંઘવારી જોવા મળી.

આવો હવે જાણીએ ઋષિ સુનક કોણ છે?

  • ઋષિ સુનકના પેરેન્ટ્સ પંજાબના રહેવાસી હતી, જે વિદેશમાં જઈને વસી ગયા.
  • સુનકનો જન્મ બ્રિટનના હેમ્પશાયરમાં થયું હતું. ઋષિએ અમેરિકાની સ્ટેનફોર્ડ યુનિવર્સિટીથી MBA કર્યું છે.
  • તેમને ઓક્સફોર્ડ યુનિવર્સિટીમાંથી રાજનીતિ, દર્શન અને અર્થશાસ્ત્રનો અભ્યાસ કર્યો.
  • રાજનીતિમાં આવતા પહેલા ઋષિએ ઈન્વેસ્ટમેન્ટ બેંક ગોલ્ડમેન સૈશ અને હેજ ફંડમાં કામ કર્યું. જે બાદ તેમને ઈન્વેસ્ટમેન્ટ ફર્મની સ્થાપના કરી.
  • તેમના મમ્મી એક ફાર્માસિસ્ટ અને રાષ્ટ્રીય સ્વાસ્થ્ય સેવા (MHS)માં કાર્યરત છે. સુનકના પિતા ઓક્સફોર્ડ યુનિવર્સિટી અને સ્ટેનફોર્ડ યુનિવર્સિટીમાંથી ગ્રેજ્યુએટ છે.
  • ઋષિ ભારતીય સોફ્ટવેર કંપની ઈન્ફોસિસના સહ-સંસ્થાપક નારાયણ મૂર્તિના જમાઈ છે.
ઋષિની પત્ની અક્ષતા મૂર્તિ છે. બંનેને 2 પુત્રી છે, જેમનું નામ કૃષ્ણા અને અનુષ્કા છે. ઋષિ-અક્ષતાના લગ્ન 2009માં થયા હતા.
ઋષિની પત્ની અક્ષતા મૂર્તિ છે. બંનેને 2 પુત્રી છે, જેમનું નામ કૃષ્ણા અને અનુષ્કા છે. ઋષિ-અક્ષતાના લગ્ન 2009માં થયા હતા.
અન્ય સમાચારો પણ છે...