ઇઝરાયલે પેલેસ્ટાઇન બોર્ડર પર રોબોટિક ગન તહેનાત કરી:AI ટેક્નોલોજી આપ મેળે નિશાન સાધશે, આતંકને અટકાવવા માટે લેવાયો નિર્ણય

તેલ અવીવ12 દિવસ પહેલા
  • કૉપી લિંક

ઈઝરાયેલમાં આઝાદી પછી પહેલીવાર ધાર્મિક કટ્ટરવાદી સરકાર બનવા જઈ રહી છે. ઇઝરાયેલમાં વડાપ્રધાન બેન્જામિન નેતન્યાહૂએ દેશની સરહદ પર ત્રણ રોબોટિક ગન તહેનાત કરવામાં આવી છે. આમાંથી બે પશ્ચિમ સરહદે સ્થિત છે, જે પેલેસ્ટાઇન અને ઇઝરાયેલ વચ્ચેનો વિવાદિત પ્રદેશ છે.

અહીં પેલેસ્ટિનિયનો અવારનવાર ઈઝરાયેલ સામે વિરોધ પ્રદર્શન કરે છે. ટીયર ગેસ, સ્મોક ગ્રેનેડ (ધુમા઼ડો ફેલાવતો બોમ્બ) અને સ્પન્જ બુલેટ છોડવામાં આવશે. આ બંદૂકો આર્ટિફિશિયલ ઈન્ટેલિજન્સ (AI) ટેક્નોલોજીથી ટાર્ગેટ ફિક્સ કરે છે. આ બંદૂકો જીવલેણ નથી, પરંતુ ખૂબ જ ઘાતક હોય છે.

નેતન્યાહુ માને છે કે આતંકવાદ સામે જીરો ટોલરેન્સની નીતિને અસરકારક રીતે લાગુ કરવા માટે દિવાલ જરૂરી છે.
નેતન્યાહુ માને છે કે આતંકવાદ સામે જીરો ટોલરેન્સની નીતિને અસરકારક રીતે લાગુ કરવા માટે દિવાલ જરૂરી છે.

આતંકને ડામવા માટે પેલેસ્ટિનિયન બોર્ડર બ્લોક કરવામાં આવશે
નેતન્યાહુ ખુલ્લેઆમ પેલેસ્ટાઈન વિરોધી કટ્ટરપંથીઓનો પક્ષ લે છે. નિષ્ણાતોનું કહેવું છે કે નેતન્યાહુ પેલેસ્ટાઈનીઓને રોકવા માટે બનાવવામાં આવેલી દિવાલનું કામ આગળ વધારી શકે છે.

અહીં, પેલેસ્ટિનિયન માનવાધિકાર જૂથો કહે છે કે ઇઝરાયેલની ચૂંટણી લોકશાહીનો એક જ ઉદ્દેશ્ય છે - પેલેસ્ટિનિયન આરબ લોકોનું દમન અને યહૂદીઓની સર્વોપરિતા.

પેલેસ્ટિનિયન માનવાધિકાર સંગઠન ઇઝરાયેલી ઇન્ફર્મેશન સેન્ટર ફોર હ્યુમન રાઇટ્સ ઇન ઓક્યુપાઇડ ટેરિટરીઝ અથવા બેતસેલેમે ચૂંટણી પહેલા કહ્યું કે ઇઝરાયેલની સત્તા એ જ સિદ્ધાંત પર ચાલી રહી છે - પેલેસ્ટિનિયનોના બીજા જૂથ પર યહૂદીઓના એક જૂથની સર્વોપરિતા સ્થાપિત કરવી. ઇઝરાયેલ સરકાર લોકોના જીવનનો નિર્ણય કરે છે, પરંતુ તેમને ચૂંટણીમાં ભાગ લેવાનો કે મત આપવાનો અધિકાર નથી. પેલેસ્ટાઈનના પ્રદેશોમાં રહેતા આ લોકો પેલેસ્ટાઈનના વહીવટમાં રહે છે. હાલમાં, આ વિસ્તારો હમાસ અને અન્ય ઉગ્રવાદી જૂથો દ્વારા નિયંત્રિત છે.

ઈઝરાયેલના દ્વિપક્ષીય વેપારને અસર થશે
નિષ્ણાતોનું કહેવું છે કે નેતન્યાહુના ગઠબંધન ભાગીદારોને કારણે ઈઝરાયેલનો દ્વિપક્ષીય વેપાર પ્રભાવિત થશે. તાજેતરમાં નેતન્યાહુના સહાયક અને કટ્ટરપંથી નેતા બેન ગ્વિરે આતંકવાદી દોષિત માટે કહાનેના સ્મારકની મુલાકાત લીધી હતી.

આ પછી અમેરિકી વિદેશ મંત્રાલયના પ્રવક્તા નેડ પ્રાઈસે કહ્યું કે આતંકવાદી સંગઠનની વારસાની ઉજવણી નિંદનીય છે. કહાને નેસેટ (સંસદ)ના સભ્ય રહી ચૂક્યા છે. તેમના સંગઠન પર આતંકવાદી ગતિવિધિઓ સાથે જોડાણ હોવાના કારણે પ્રતિબંધ મૂકવામાં આવ્યો હતો.

નેતન્યાહુએ કહ્યું- અમેરિકાએ આંતરિક મામલામાં દખલ ન કરવી જોઈએ
ઇઝરાયેલ કટ્ટર દક્ષિણપંથી નેતા સ્મોત્રિચને સંરક્ષણ પ્રધાન તરીકે નિયુક્ત કરવા માંગે છે, પરંતુ યુએસ એમ્બેસેડર નાઈડ્સે નેતન્યાહુને મુલાકાત દરમિયાન સ્મોત્રિચને આ પદ ન આપવાના સંકેત આપ્યા હતો. તેના પર નેતન્યાહૂએ કહ્યું હતુ કે અમેરિકાએ નવી સરકારના આંતરિક મામલામાં દખલ ન કરવી જોઈએ.

અન્ય સમાચારો પણ છે...