• Gujarati News
  • International
  • Ahmed Nasir Of The UAE Will Be The New Chief Of Interpol; CBI Special Director Praveen Sinha Joins Executive Committee

ઈન્ટરપોલને મળ્યા નવા પ્રેસિડન્ટ:UAEના અહમદ નસીર ઈન્ટરપોલના નવા ચીફ બનશે; ગુજરાત કેડરના IPS પ્રવીણ સિન્હા એક્સિક્યૂટીવ કમિટિમાં સામેલ

8 દિવસ પહેલા
  • કૉપી લિંક

સંયુક્ત અરબ અમીરાત (UAE)ના અહમદ નસીર અલ રઈસી ઈન્ટરપોલના નવા ચીફ બનશે. તેઓ આ પદ પર ચાર વર્ષ રહેશે. ગુરુવારે તુર્કીના ઈંસ્તાબુલમાં થયેલી ઈન્ટરપોલના 140 સભ્ય દેશોની મીટિંગમાં નસીરને ઈન્ટરપોલ પ્રેસિડન્ટ પસંદ કરાયા છે. તેમણે ચેક રિપબ્લિકના કર્નલ સૈકરા હર્વેનકોવાને હરાવ્યાં.

CBIના સ્પેશિયલ ડાયરેક્ટર પ્રવીણ સિન્હાને ઈન્ટરનેશનલ ક્રિમિનલ પોલીસ ઓર્ગેનાઈઝેશનની એક્સિક્યૂટીવ કમિટિ (એશિયા)માં સામેલ કરવામાં આવ્યા છે. ન્યૂઝ એજન્સી અનુસાર, સિન્હાની પસંદગી એક મોટી સફળતા છે, કારણ કે આ રેસમાં ચીન, સિંગાપોર, જોર્ડન અને દક્ષિણ કોરિયાના અધિકારીઓ પણ સામેલ હતા. ભારતના તમામ મિત્ર દેશોએ સિન્હાને સમર્થન આપ્યું હતું. તુર્કીમાં ભારતના રાજદૂત સિન્હા માટે સતત પ્રયાસ કરી રહ્યા હતા.

હોમ મિનિસ્ટ્રીમાં તહેનાત છે રઈસી
ડૉ અહેમદ નાસિર અલ રઈસી હાલમાં UAEની હોમ મિનિસ્ટ્રીના ઇન્સ્પેક્ટર જનરલ છે. તેમને કડક એડમિનિસ્ટ્રેટર માનવામાં આવે છે, તેઓ દેશના ઈન્ટેલિજન્સ ડિપાર્ટમેન્ટમાં પણ રહી ચૂક્યા છે. ઈન્ટરપોલની રચના 1920માં થઈ હતી. ત્યારપછી આ પહેલીવાર છે જ્યારે મધ્ય પૂર્વમાંથી કોઈ અધિકારી ઈન્ટરપોલના ચીફ બન્યા છે.

UAEના રાષ્ટ્રપતિ શેખ ખલીફાના રાજદ્વારી સલાહકાર અનવર સઈદે કહ્યું- અમે રઈસીને આના પર ચૂંટાવા બદલ અભિનંદન આપીએ છીએ. તેઓ ખૂબ જ સક્ષમ અધિકારી છે અને તેમની ચૂંટણી દર્શાવે છે કે યુએઈમાં કાયદાના અધિકારીઓ કેટલા સારા છે.

UAEના અહમદ નસીર અલ રઈસી ઈન્ટરપોલના નવા ચીફ બનશે- ફાઈલ ફોટો
UAEના અહમદ નસીર અલ રઈસી ઈન્ટરપોલના નવા ચીફ બનશે- ફાઈલ ફોટો

ટેક્નોલોજી પર ફોકસ
નસીરને એક એવા અધિકારી માનવામાં આવે છે જેઓ આધુનિક ટેક્નોલોજીમાં વિશ્વાસ રાખે છે અને તેને પ્રોત્સાહન આપે છે. તાજેતરમાં, એક અખબારમાં લખાયેલા એક લેખમાં, રઈસીએ કહ્યું હતું - અપરાધની રીત ઝડપથી બદલાઈ ગઈ છે. આને દૂર કરવા માટે આપણે અદ્યતન ટેકનોલોજીનો ઉપયોગ કરવો પડશે. હવે ઇન્ટરપોલમાં મોટા અને ઝડપી ફેરફારોની જરૂર છે. ઇન્ટરપોલ મધ્યમાં રહી શકતી નથી, તેમણે બદલાતા સમય સાથે પોતાને અનુકૂળ થવું પડશે. આ માટે તે પણ જરૂરી છે કે તેના સભ્ય દેશો વચ્ચે પરસ્પર સહયોગ હોવો જોઈએ. ઇન્ટરપોલનું બજેટ $150 મિલિયન છે.

ડ્રગ સ્મગલિંગ મોટો પડકાર
ઈન્ટરપોલ પોતે કોઈ ગુનેગારની ધરપકડ કરતું નથી. તેના સંપર્કમાં, સભ્ય દેશોની એજન્સીઓ જે ઘણા મિશન કરે છે. તેમના સહયોગથી જ માનવ તસ્કરી, વૈશ્વિક ડ્રગ્સ રેકેટ અને આર્થિક ગુનાઓ પર કાર્યવાહી કરવામાં આવે છે. તાજેતરમાં ઇન્ટરપોલે અબુ ધાબીમાં માનવ તસ્કરી સાથે સંકળાયેલા 286 ગુનેગારોની ધરપકડ કરી હતી.

જાણો પ્રવીણ સિન્હા વિશે
પ્રવિણ સિન્હા અગાઉ CBIના એક્ટિંગ ચિફ તરીકે પણ કાર્યભાર સંભાળી ચૂક્યા છે. તેમણે પૂર્વ CBI ડાયરેક્ટર ઋષિ કુમાર શુક્લાની જગ્યાએ આ જવાબદારી સંભાળી હતી. પ્રવિણ સિન્હાનો CBIમાં લાંબો કાર્યકાળ રહ્યો છે અને તેઓ એજન્સીમાં ઘણા મહત્વપૂર્ણ પદો પર રહેતા. તેઓ મોટા-મોટા કેસોના પરિણામ લાવવામાં સામેલ રહ્યા છે. તેઓ 1988 બેચના ગુજરાત કેડરના IPS અધિકારી છે.

પ્રવિણ સિન્હાએ 2000 થી 2021ના વચ્ચે બે રાઉન્ડમાં કેન્દ્રીય તપાસ એજન્સીમાં એસપી, ડીઆઈજી, જોઈન્ટ ડાયરેક્ટર અને હવે એડિશનલ ડાયરેક્ટર જેવા મહત્વના પદો સંભાળ્યા છે. તેઓ 1996માં એસીબી, અમદાવાદમાં ડેપ્યુટી ડાયરેક્ટર તરીકે પણ કામ કરી ચૂક્યા છે. પ્રવિણ સિન્હા બેંક છેતરપિંડી, નાણાકીય ગુનાઓ અને શ્રેણીબદ્ધ બોમ્બ વિસ્ફોટ વગેરે સહિત સુપ્રીમ કોર્ટ/હાઈકોર્ટ દ્વારા નિર્દેશિત અથવા દેખરેખ હેઠળના અનેક કૌભાંડોની તપાસ સાથે પણ સંકળાયેલા છે. આ ઉપરાંત, તેમણે CAT અને ઓલ ઈન્ડિયા પ્રી મેડિકલ એન્ટ્રન્સ ટેસ્ટ (AIPMT) માં પેપર લીકને ઉજાગર કરવામાં પણ મોટી ભૂમિકા ભજવી છે.

અન્ય સમાચારો પણ છે...