• Gujarati News
  • International
  • After The Speech, Biden Was Seen Shaking Hands Alone, With No One In Front; Jokes Are Flying On Social Media

અમેરિકાના રાષ્ટ્રપતિનો વીડિયો વાઇરલ:ભાષણ બાદ બાઇડન એકલા હાથ મિલાવતા જોવા મળ્યા, સામે કોઈ નહોતું; સોશિયલ મીડિયા પર મજાક ઊડી રહી છે

વોશિંગ્ટનએક મહિનો પહેલા
  • બાઇડન એટલા ખોવાઈ ગયા હતા કે તેમને યાદ ન રહ્યું કે તેઓ સ્ટેજ પર એકલા જ હતા

અમેરિકાના રાષ્ટ્રપતિ જો બાઈડન ફરી એકવાર ચર્ચામાં જોવા મળ્યા છે. બાઈડન ગુરુવારે નોર્થ કેરોલિનામાં યુનિવર્સિટી ઓફ પેન્સિલવેનિયામાં ભાષણ આપી રહ્યા હતા. ભાષણ પૂરું થયા પછી બાઈડન એકલા હવામાં હાથ હલાવતા જોવા મળ્યા હતા. આ ઘટનાનો એક વીડિયો સોશિયલ મીડિયા પર ઝડપથી વાઇરલ થઈ રહ્યો છે.

ખરેખર ઇવેન્ટમાં બાઈડન સાથે સ્ટેજ શેર કરનારું કોઈ નહોતું. રાષ્ટ્રપતિ બાઈડન એટલા ખોવાઈ ગયા કે તેમને યાદ ન રહ્યું કે તેઓ સ્ટેજ પર એકલા જ હતા. ભાષણ પૂરું કર્યા પછી તેઓ પોતાની જમણી તરફ વળ્યા અને ગોડ બ્લેસ યુ કહેતા કોઈની સાથે હાથ મિલાવવા માટે આગળ વધ્યા હતા. આ ભૂલ પછી, બાઈડન અચાનક દર્શકોની તરફ ફરી ગયા હતા.

લોકોએ જણાવ્યું ડિમેન્શિયાના દર્દી

બાઈડન ગુરુવારે યુનિવર્સિટી ઓફ પેન્સિલવેનિયાને સંબોધિત કરી રહ્યા હતા.
બાઈડન ગુરુવારે યુનિવર્સિટી ઓફ પેન્સિલવેનિયાને સંબોધિત કરી રહ્યા હતા.

વીડિયો વાઇરલ થયા બાદ લોકોએ તેમની મજાક ઉડાવી છે અને ત્યાં સુધી કે તેમને ડિમેન્શિયાની બીમારીના દર્દી પણ કહી દીધા હતા. જ્યારે આ તરફ વિપક્ષ પણ તેમની વધતી ઉંમર બાબતે તેમની પર નિશાન સાધી રહ્યું છે. 79 વયના રાષ્ટ્રપતિના આ બદલાયેલી અંદાજથી સૌકોઈ આશ્ચર્યચકિત હતા.

વિપક્ષે કહ્યું- રાજકીય રીતે નબળા છે બાઈડન
અગાઉ, બાઈડને તેમના ભાષણમાં જણાવ્યું હતું કે તેઓ આ યુનિવર્સિટીમાં પ્રોફેસર તરીકે પણ કામ કર્યું હતું, પણ તેમણે ક્યારેય કોઈ ક્લાસમાં ભણાવ્યું ન હતું. આ નિવેદન બાદ વિપક્ષ રિપબ્લિકન પાર્ટીએ પણ બાઈડનની બોલવાની ક્ષમતા પર સવાલ ઉઠાવ્યા છે અને તેમને રાજકીય રીતે નબળા ગણાવ્યા છે.

અમેરિકાના 46મા રાષ્ટ્રપતિ જો બાઈડન આ દિવસોમાં ચર્ચામાં છે.
અમેરિકાના 46મા રાષ્ટ્રપતિ જો બાઈડન આ દિવસોમાં ચર્ચામાં છે.

અમેરિકાના રાષ્ટ્રપતિ એકદમ અલગ અંદાજમાં જોવા મળે છે
અમેરિકાના રાષ્ટ્રપતિ જો બાઈડન આ દિવસોમાં એકદમ ગુમસૂમ નજરે પડી રહ્યા છે. આ પહેલાં પણ ગયા અઠવાડિયે એક ઈવેન્ટ દરમિયાન તેઓ ખૂબ જ પરેશાન જોવા મળ્યા હતા. સંબોધનમાં તેમણે જણાવ્યું હતું કે પૂર્વ રાષ્ટ્રપતિ બરાક ઓબામાએ પદ છોડ્યા પછી મેં પ્રથમ વખત વ્હાઇટ હાઉસ જોયું હતું.

અન્ય સમાચારો પણ છે...