સમુદ્ર માર્ગે વિશ્વ ભ્રમણની સ્પર્ધા:‘વેન્ડી ગ્લોબ’ સ્પર્ધામાં 6 સાહસિક મહિલા પણ સામેલ

માત્ર સ્પર્ધાની વિગતો જાણીને જ ધ્રૂજારી છુટી જાય તેવી સમુદ્ર માર્ગે બોટમાં વિશ્વ ભ્રમણ કરવાની સ્પર્ધામાં આ વર્ષે 6 સાહસિક મહિલાઓ પણ ભાગ લઈ રહી છે. ‘વેન્ડી ગ્લોબ’ નામની આ વિશ્વની મોસ્ટ ચેલેન્જિંગ રેસ ‘એવરેસ્ટ ઓફ ધ સી’ તરીકે ઓળખાય છે. 26,000 નોટિકલ માઈની આ સ્પર્ધામાં ત્રણ મહિનામાં એક પણ સ્ટોપ કર્યા વગર સમુદ્નના માર્ગે વિશ્વ ભ્રમણ કરવાનું હોય છે. વર્ષ 2016-17માં આર્મેલ લી ક્લીચે 74 દિવસમાં ભ્રમણ કરીને રેસ જીતવાનો રેકોર્ડ બનાવ્યો હતો. બોટમાં સ્પર્ધક સિવાય બીજો કોઈ વ્યક્તિ હોતો નથી. તેણે જાતે જ પવનની મદદથી બોટ ચલાવવાની હોય છે.

આ વખતે કુલ 33 સ્પર્ધક ભાગ લઈ રહ્યા છે, જેમાં 6 સાહસિક મહિલાઓ પણ છે. 51 વર્ષની મિરાન્ડા મેરોન સૌથી મોટી વયની મહિલા છે, જ્યારે 30 વર્ષની ક્લેરિસ ક્રેમર સૌથી નાની વયની સ્પર્ધક છે. 46 વર્ષની સામન્થા આ રેસમાં ત્રીજી વખત ભાગ લઈ રહી છે. જોકે, હજુ સુધી એક પણ મહિલા આ રેસ જીતી નથી. 2000-01માં એલેન મેક આર્થર બીજા નંબરે રહી હતી.